انا عاوز اروح للسبع، عنوانه (زهراء المعادى بجوار نادى دجله)_
يا ريت حد يقوللى ادخل على الكورنيش ولا اطلع من على الدائرى؟ ولو الدائرى هيكون اى مطلع (اتجاه القناطر ولا اتجاه المطار)؟ ووانزل من على الدائرى منين؟
عرض للطباعة
انا عاوز اروح للسبع، عنوانه (زهراء المعادى بجوار نادى دجله)_
يا ريت حد يقوللى ادخل على الكورنيش ولا اطلع من على الدائرى؟ ولو الدائرى هيكون اى مطلع (اتجاه القناطر ولا اتجاه المطار)؟ ووانزل من على الدائرى منين؟
شوف ياباشا تطلع الدائري اتجاه المطار تفضل ماشي بتاع حوالي 25 كيلوا كده هتلاقي كارفور علي شمالك تكمل طوالي اول نزل يمين بعدي ماتشوف كارفور تنزل فيها هيا هتلاقي داخله يمين كده مش نازله بالمعني المعروف هاتخشها و هتلاقي كوبري تطلعه علشان تنزل الناحيه التانيه من الاوتستراد
تفضل ماشي تسيب اول مدخل للمعادي تاني مدخل تنزله و تلف و ترجع هاتخش نفق من تحت الطريف اللي نزلت من عليه (الاوتستراد)
تمكل علطول لحد ماتلاقي يفط لنادي دجله تتبعها لحد ماتوصل للنادي هتكمل علطول النادي هايبقي علي يمينك علي فكره و تكمل علطول هتلاقي التوكيل يعد النادي بشويه
توصل بالسلامه
هتدخل الدائري في اتجاه المطار
هتمشي عليه حوالي 40 كم
هيقابلك ثلاث أنفاق عديهم
وبعد النفق الثالث هتبص على اليمين هتلاقي برج أزرق مدور اسمه برج سما
بعدها بحوالي 3 كم
هتلاقي نفق كارفور المعادي
والعلامات اللي هتلاقيها على يمينك
مدينة عباد الرحمن
نادي الصيد المصري بالقطامية
هتكمل النفق وهتلاقي الطريق بيدخل كارفور يمين أو بيطلع على الطريق طوالي
كمل طوالي
الطريق واحد رايح جاي .. بيلف لف معاه حوالي 4 كم تقريباً
هتلاقي نفسك داخل شارع فيه عمارات وزرع ..الخ
هتلف من أول يوتيرن
وتدخل من جنب الجامع الكويتي
إلى شارع وادي دجلة اللي فيه النادي
خلي النادي على يمينك
بعدها ب500 متر هتلاقي مركز السبع
الطريق الثاني
تكمل في الدائري
حوالي 2 كم بعد النفق
هيقابلك مخرج الأوتوستراد على اليمين
خش ولف شمال في اتجاه المعادي حلوان
حوالي 5.5 كم هتدخل الشارع اللي مكتوب عليه دجلة
هتلف من أول يوتيرن وتمسك الشارع لا يمين ولا شمال
هيقابلك فوادفون وبعدين الجامع الكويتي
وكمل على الطريق السابق ذكره
ولا تقلق فإعلانات مركز السبع للصيانة مغرقة الدنيا من المطار لحد باب المركز
وتوصل بالسلامة
متشكر جداً على الوصف الرائع