مشكلتي الكبيرة مع النوبيرا 2008

**araa875** · 29-09-2009 04:57 PM

ازيكم يا جماعة... كل سنة وانتم طيبين

النهاردة ظهرتلي مشكلة كبيرة جدا في العربية بتاعتي دايو نوبيرا 2008 وكنت اتلكملت في موضوع قبل كده عن المشاكل اللي قابلتني فيها
كان المساعدين اللي قدام والمساعدين اللي ورا والطنابير وجلب المقصات الي غيرتها اكتر من 5 مرات في اربع شهور
والمساعدين الامامية اتغيرت من حوالي اربع شهور
دلوقت المساعد اليمين الامامي بقى خفيف جدا والمساعدين اللي ورا حجرت عالاخر جدا جدا والطنابير الخلفية في الدمار وجلب المقصات للمرة السادسة مع ان كل مرة بركب الاصلية

والمصيبة الاكبر ان بقالي فترة بسمع طرقعه جامدة قدام في الطرق الخشنة او الي مش مظبوطة والدريكسيون خفيف جدا جدا والعربية بتعوم على السرعات العالية كل لما اروح للتوكيل ميرداش يشوفوها ويقولولي دي جلب المقصات غيرها تاني..رحت لاكتر من عفشجي واكدلي انها اسقطرة الدريكسيون انتهت ... ازي دا يحصل والعربية لسه مكملتش 19 الف كيلو ومحافظ عليها جدا جدا من اي مطب .. العربية دلوقت العربية الكارو احسن منها بكتير كلها اصوات وهيا ماشية وحالتها تخلي الواحد ينتحر

بصراحة مش عارف اقول ايه تاني

يلا كل سنة وانتم طيبين مرة تانية

**Mosmafa** · 29-09-2009 05:19 PM

fعها وريح دماغك
في عربيات بيتبقى قدمها مش حلو مع ناس وناس لا
بيعها وشوفلك حاجة غيرها طالما دي مفقرة معاك عن تجارب بالهبل
كان معايا فيتارا تقريبا مصروف الصيانة بتاعها شهري 2000ج معايا
بعتها لجاري سبحان الله مبيصرف عليها حاجة تذكر

**kimo-nubira** · 29-09-2009 05:58 PM

مع احترامي ليك بس هي مشكلك حاجه من الاتنين يا انت بتجيب قطع غيار مضروبه يا بتتعامل مع واحد بتاع بطاطا مش عفشجي

ياريت تقولنا المساعدين والطنابير جبتهم نوعهم ايه ومنين ايه علشان نقدر نساعدك بالنسبه لجلب

المقصات فهي فعلا عيب مشهور في النوبيرا بس حلها انت تجيب مقصات اسباني جديده انا سالت

اخاوتي هنا في المندتي علي نفس العيب من سنتين تقريبا وجبت المقصات الاسباني زي مقالولي والحمدلله لغاية النهارده مغيرتهمش

وربنا يكرمك ان شاء الله ومشاكلك كلها تتحل

**araa875** · 06-10-2009 02:00 PM

المشاركة الأصلية كتبت بواسطة kimo-nubira

مع احترامي ليك بس هي مشكلك حاجه من الاتنين يا انت بتجيب قطع غيار مضروبه يا بتتعامل مع واحد بتاع بطاطا مش عفشجي

ياريت تقولنا المساعدين والطنابير جبتهم نوعهم ايه ومنين ايه علشان نقدر نساعدك بالنسبه لجلب

المقصات فهي فعلا عيب مشهور في النوبيرا بس حلها انت تجيب مقصات اسباني جديده انا سالت

اخاوتي هنا في المندتي علي نفس العيب من سنتين تقريبا وجبت المقصات الاسباني زي مقالولي والحمدلله لغاية النهارده مغيرتهمش

وربنا يكرمك ان شاء الله ومشاكلك كلها تتحل

سلام عليكم الاول

اولا المساعدين انا مغيرها في مركز صيانة دايو اللي في ابو رواش بقالهم بالظبط حوالي 7 شهور والطنابير رحت ليهم من يومين واعترفوا انها بايظة

بالنسبة للمقصات الاسباني فعلا كويسة؟؟؟ يعني لو ركبتها مش كل شوية هقعد اغير جلب للمقصات؟؟
وسمعت من ناس كتير بيقولولي متغيرش المقصات اللي فيها ولو جبت تجيب زي اللي فيها بالظبط

مش عارف الكلام دا صح ولا ايه؟؟
وبالنسبة لاسعار الاسباني دول ايه لو تفتكرهم

وشكرا ليكم يا جماعه على ردكم

**waleedraafat** · 06-10-2009 07:41 PM

انا النهاردة بالصدفة كنت في شارع دمشق وسالت كام واحد كده بتاع قطع غيار عن المقصات الاسباني دي قالو لي اول مرة نسمع عنها والي موجود الكوري والمقص الواحد ب 140 جم

**MMamdouh** · 06-10-2009 07:54 PM

اسال عند ابو الحسن او المنير

MMamdouh

**kimo-nubira** · 07-10-2009 09:49 AM

المشاركة الأصلية كتبت بواسطة araa875

سلام عليكم الاول

اولا المساعدين انا مغيرها في مركز صيانة دايو اللي في ابو رواش بقالهم بالظبط حوالي 7 شهور والطنابير رحت ليهم من يومين واعترفوا انها بايظة

بالنسبة للمقصات الاسباني فعلا كويسة؟؟؟ يعني لو ركبتها مش كل شوية هقعد اغير جلب للمقصات؟؟
وسمعت من ناس كتير بيقولولي متغيرش المقصات اللي فيها ولو جبت تجيب زي اللي فيها بالظبط

مش عارف الكلام دا صح ولا ايه؟؟
وبالنسبة لاسعار الاسباني دول ايه لو تفتكرهم

وشكرا ليكم يا جماعه على ردكم

وعليكم السلام ورحمه الله

بص انا المقصات الاسباني راكبه عندي بقلها اكتر من سنه ونص والحمدلله ولا غيرت جلبه ولا غيرو

وبالنسبه للمساعيدن انا جبت مساعيدين منرو وبقلها معايا حوالي 7 شهور وزي الفل الحمدلله وعليها ضمان سنه

والحمدلله العافشه عندي مش بتشتكي من اي حاجه من ساعتها

واسف علي التأخير عليك في الرد

ده رقم ابو الحسن ت : 33377040

وده رقم المنيـــر ت : 35862483 - موبايل :0100599500

علشان لو حبيت تجيب اسعار لاني مش فاكر فعلا كنت جايب المقصات بكام

تحياتي وبالتوفيق ان شاء الله