الطريق للسعوديه

**megaman** · 29-09-2009 06:07 PM

فكره طلعت فى دماغى هل يمكن الخروج من مصر بسياره عليها اقساط والطريق يكون ازاى لو مثلا حنروح نعمل عمره يا ريت حد يقولنا الاجراءات والطريق يعنى مثلا الغردقه وبعدين سفاجا وتركب المركب لجده يا ريت حد يدينا فكره

**kemo0o** · 29-09-2009 06:12 PM

ينفع تخرج عادي بس ماعرفش حكاية لو عليها الافساط دي !!

عموما الطريق مايتوهش
ادامك أكتر من طريق

1- تطلع نويبع .>> وتركب العبارة تنزل في العقبة في الاردن وبعدين من الاردن تطلع على منفذ الدرة (الحدود السعودية الاردنية) وتكمل لحد جدة بس المسافة من الردن لحد جدة أعتقد أكتر من 1800 كيلو

2- السويس >> عبارة تنزل في جدة ومن جدة لمكة حوالي 80 كم

3- الغردقة >> ضباء وتكمل لجدة او مكة

4 - سفاجا >> ضباء ومنها لجدة أو مكة

**Samir Elshahawy** · 29-09-2009 11:50 PM

فيه طريقين :

الاول .. نويبع / العقبة (بعبارات الجسر العربي) ثم من العقبة (الاردن) الي تبوك (السعودية) - ضبا - جدة
طبعا الطريق ده طويل جدا و فيه مناطق كتير خطر (زي طريق العقبة/ الحدود الاردنية السعودية) بالاضافة لأنك هاتواجه جمارك و نقاط تفتيش كتير

الثاني .. ( و ده الاسهل ) .. يا اما الغردقة/ ضبا (بالعبارات السريعة) حوالي 3 ساعات بحرا أو
الغردقة - سفاجا / ضبا (عبارات سريعة أو عبارات كبيرة) حوالي 7 ساعات بحرا

**Samir Elshahawy** · 29-09-2009 11:54 PM

السويس >> عبارة تنزل في جدة ومن جدة لمكة حوالي 80 كم

حاليا لم يعد هناك عبارات للركاب من السويس الي جدة لكن هناك عبارات شحن فقط

أما للركاب بسياراتهم فمن :
- نويبع / العقبة (الجسر العربي)
- الغردقة / ضبا (عبارات سريعة فقط)
- سفاجا / ضبا (عبارات سريعة - عبارات كبيرة )