عرض للطباعة
السلام عليكم
أنا معايا فليشيا كومبي 96 ... الحمد لله ماشيه كويس معايا ... بحطلها دايما بنزين 92 ...
سمعت من بعض الاصدقاء اني ممكن أحطلها بنزين 80 بدون مشاكل ... هتفرق بس في السحب وسرعه الاستجابه
هل حد من الأخوه جرب يحط بنزين 80 مع الفليشيا ... وايه الأخبار معاه؟
وهل تنصحوني بالتغيير .... لان فرق السعر كبير بين 92 وال 80 ... يعني توفير نص التموين ....
وشكرا
غيرت من 90 الى 80 من 7 شهور والفرق بسيط فى السحب وكبير فى التوفير وده حسيت بيه لانى مشاوير جوة البلد مش باحتاج سحب .... وباستهلك بنزين كتير
ونصيحة غير لكن اضبط كهربة الموتور لما تغير وهاتحس انك حاطط 90 عارف ليه ؟؟؟ لان معظم ال 90 اللى فى البلد وخصوصا موبيل ما هو الا 80 مغشوش ههههههه وده اللى اكتشفته انى ماشى ب بنزين 80 من زمان وبادفع فلوس ال 90
فاريح لك حط 80 من مكان محترم مش بيغشه بسوائل تانية ومية
على فكره انامعيا فلشيا96 وماشى ب80 ومفيش فيه مشكله تقارن بفرق السعر
فيليشيا كاربيرتير =http://www.passion-acmilan.com/wp-.....aldinho_80.jpg
ياااااااااااااااااااااه ده الميزة اللى فى الفيليشيا هوة ال80
متندمش على اللى فاتك ابدء بنزينة التعاون فاتحه دراعاتها ليك انضم لزمايلك
كنت باستخدم 80 على طول فى الفليشيا كاربيراتير
معلش أنا عارف انها متأخرة ... بس قلبي ما كانش مطاوعني اغير لبنزين 80
بس من شهر غيرت فعلا وبقالي أكتر من شهر على الوضع الجديد
الملاحظات:
1. مفيش فرق واضح في السحب بالذات في وسط البلد أو للسواقته هادية (زي حالاتي كده)
2. صوت العربية عادي موش مرتفع (كنت خايف لا يبقي عالي ومزعج)
3. توفير رهيب في الفلوس.
4. عدد البنزينات اللي بتبيع 80 قليقة جدا و ساعات بتبقي زحمة ودا العيب الوحيد (اتغلبت عليه بأني بروح أمون كل اسبوع بعد صلاة الجمعة مباشرة .... الدنيا بتبقي هادية ورايقة ... وكمان ببقي مطمن أول كل اسبوع ان العربية مفولة ... أصل أنا كنت متوعد اني افول لما العربية تفضي ... دلوقتي بفول على نص التنك تقريبا)
الواحد زعلان على كل الفترة اللي كان بيمون فيها 90 و 92 على الفاضي
شكرا يا جماعة على المعلومات المفيدة.
بس عندي سؤال ... الناس نصحتني اني اروح ازبط الكهربا بتاعة العربية ... بس انا موش حاسس لا بتسقيف ولا أي مشكله .... هل لازم اروح برضوا؟
طالما مش بتسقف خلاص كده تبقى كهربه العربيه عندك كانت اصلا واطيه حبه ومع ال80 بقت مظبوطه
أنا بستخدمه من حوالى سناتين ومش بشتكى من حاجه
بس ممكن بفى تبقى تغير فلتر البنزين كل 4 شهور أو حسب حالته وده مش شرط
بس عشان تبقى مطمئن أن الكاربراتير والبك ميتسدوش وأن شاء الله مفيش مشاكل هتحصل
انا معايا 95 ومن يوم لما جبتها لحد دلؤقتي مش بستعمل غير 80 لما بحط 90 مفيش فرق اساسا
نصيحه حط 80 ومش هتحس بشئ
انا هضيفلوكم حاجه بالنسبه للبنزين 80
ايه هى
انو الوحيد قلى بيعمل كربون على الشمايز من جوه
و ده بيعمل ايه بقى بيخلى الشنابر تاكل فى الكربون مش جدار الشميز
و دى حاجه مفيده جدااااا وايه بقى الحريق بتاعه داخل الغرف هادى
و ده مبياثرش على البساتم مبيخلهاش تتاكل بسرعه
هو عيبه الوحيد بيعمل رجه فى العربيه فى تحريكه من حالة السكون الى الحركه يعنى على الغيار الاول فى الطلعه بس غير كده زى الفل و السحب تمام
شوف البنزيين 80 هيبهدل كربراتير العربيه و هيخربه
على فر ض صحة الكلام دة الكاربراتير هيبوظ كل اد اية كل 100000 كيلو اون وفرت تمن 30 كرابراتير زيرو :S_thum1[1]:اقتباس:
المشاركة الأصلية كتبت بواسطة ahmedtaha20012000
انا مش بستخدم غير 92 من يوم ما جبت العربية
وخايف اجرب ال 80
بس الواضح ان كل الناش شغالة 80
هاجرب ومش ها خسر حاجة
لما نشوف لان فرق الفلوس كتير
أنا كنت زيك بالزبط ... بنزين 92 علطول ....نصيحتي ليك ....جرب وموش هتندم ... أنا لسا محول من حوالى شهر .... ومفيش أي مشكله لغايه دلوقتي الحمد للهاقتباس:
المشاركة الأصلية كتبت بواسطة bayoumisoft
عادى خااااالص
ماتخفش
الصوت بتاع الموتور بقى عالى شوية ... لا شويتين ... عن الاول بعد ما حطيت 80 ياترى ايه السبب ..
وهل ده ليه تأثير على عمر الموتور خصوصا انى طالع من عمرة والميكانيكى شوية وهايحلفنى احط 90 بس وابعد عن ال 80
ظبط عربيتك علي 80 واللهي ال80 افضل من 90 انا واحد صحبي معاه عربيه اوبترا 2008 العربيه ماشي بيها تفويله 90 واتنين 80 يعني بيخلط وده دليل انه مش بيأثر علي العربيه زي ما انتم فاهمين انا طول عمري بستخدم 80 والعربيه ملهاش حل والسحب مفيش بعد
والله غير 80 وظبط عربيتك عندك مكانيكي بيفهم مش واحد يخترع ليك
شكرا لحضرتك ... بس اضبط ايه فى العربية ؟ هل حضرتك تقصد الكهرباء ولا فى حاجات تانية
وجزاك الله خير على النصيحة
مع احترامى لكل الاراء السابقة لكن انا ليا راى مختلف عن تجربة و هو انا معايا سكودا فيفورت 94 انا تانى يد بعد المالك الاساسى السيارة ديه كانت متعودة من سنة 94 الى سنة 2009 على بنزين 90 و 92 و لما انا خدتها برده كنت بحط بنزين 90 لكن فى مرة فكرت نفس فكرتك و حطيت صفيحة 80 عارف ايه الل حصل السواد اللى انا شفته العربية اتجننت و تنتيش و تسقيف حتى بعد ضبط الكرابراتير على 80 اعدت فترة اسبوع يعاية لما اتحرق البنزين 80 و بعدها حرمت انى احط بنزين 80
و على فكرة التوفير اللى انت بتقول عليه فى فرق السعر ما اللى فرق توفير وقتى و لكن هتدفع ثمنه لما الكرابراتير كل شوية تروح تصلحه علشان البنزين 80 بيخرب بكات الكربراتير و كمان حساسات بتاعة ضبط استلاك البنزين
انا معايا فيليشيا 96 و بحط بنزين 80 و الحياة زى الفل و تو فير رهيب
بصراحة انا لسة شغال على 92
ومقلق من قصة بنزين 80
قولت اشترى راحة بالى احسن