السلام عليكم
الايام اللى فاتت عطلت عربيتي البيتل فى الشارع مرتين
الميكانيكي بيجيلي يشغلها فى ثوانى وطبعا مبيقليش عمل ايه
كل اللى بيعمله يقولى روح دور ويعمل حاجة فى ثوانى والعربية بتدور
مرة يقولى الاسبراتير معلق ومرة انتا شرقت العربية
بس كان حظى حلو ان العربية بتعطل بالنهار وفى منطقة قريبة من الميكانيكي

علشان كدة لو حد عند فكرة بالاعطال اللى ممكن نعملها بنفسنا
ياريت يقول العطل وازاى نصلحه
مثل
شرقان العربية
تعليق الاسبراتير
تعتيل المارش
مشكلة فى الاشارات او الكشافات او لمبات التابلوه او الاضاءة بتاعة الصالون

وانا هبتدى بتعتيل المارش او عدم دوران المارش خالص
بيحصل الصبح تيجي تدور تلاقي المارش بيدور بالعافية ومخنوق ومبيقدرش يدور العربية
السبب البطارية مش مشحونة بسبب مشكلة فى الدينامو او التوصيلات
الحل
تتأكد من كابلات البطارية
تاخد وصلة من بطارية من عربية تانية وتدور عربيتك لحد ماتشحن البطارية
او تدور زق وتروح لكهربائي سيارات

تانى حاجة اتعرضتلها برضه
كان فى مشكلة فى قطمة العربية فلعبت فيها متصلحتش
اتاريني وانا شغال عملت شورت فى النور الامامي ففصل فيوز
فانا معايا على طول شوية فيوز هى رخيصة العلبة فيها كتير ب 10 جنيه
غيرته اشتغل على طول


اتمنى من الجميع المشاركة حتى ولو عطل بسيط وكيفية اصلاحه

وشكرا
----------------
اخوكم محمد سالم