حادثه علي زراعي سوهاج (محتاج خبرة خبراء الدايو)

الاول الحمد لله علي كل شيء وقدر الله وما شاء فعل

امبارح يا جماعه واحد صاحبي عمل حادثه بعربيته علي زراعي سوهاج نتيجة اهمال سواقين النقل

تفاصيل الحادثه

كان صاحبي ده ماشي علي 70 تقريبا لاقي في المقابل عربيتين نقل

-الي علي الشمال(من جوه في طريقها) عربيه تقل كبيره بمقطوره

-الي علي اليمين (الي بيتجاوز) عربيه ربع نقل (الدبابه)

بتاع الدبابه لما لاقي نفسه خلاص قرب من الدايو حاول يلم نفسه ناحية المقطوره بس حمل جامد علي المقطوره راح لابس في العجل بتاعها

راحت العربيه معومه منه ولبس وش في وش في الدايو وكانت المقطوره لسا جمبه فاخدت ضهر الدبابه معاها ولفت بيه لبسته في ضهر الدايو تاني

المهم ستر ربنا انا مفيش عربيات كانت قريبه منهم كانت بالسلامه معاهم

دلوقت ادي صور العربيه

http://up.arab-x.com/Sep09/C8154680.jpg

http://up.arab-x.com/Sep09/4T454680.jpg

http://up.arab-x.com/Sep09/VuT54424.jpg

http://up.arab-x.com/Sep09/NsU54424.jpg

http://up.arab-x.com/Sep09/ASJ54424.jpg

http://up.arab-x.com/Sep09/VGd54680.jpg

http://up.arab-x.com/Sep09/GhJ54680.jpg

http://up.arab-x.com/Sep09/Rzl54680.jpg

http://up.arab-x.com/Sep09/i9T54966.jpg

http://up.arab-x.com/Sep09/9ZQ54966.jpg

http://up.arab-x.com/Sep09/39254966.jpg

http://up.arab-x.com/Sep09/lup54966.jpg

http://up.arab-x.com/Sep09/yFC54966.jpg

طبعا انهارده الصبح روحنا اخدنا العربيه من مكان الحادثه

وبدا موال التصليح

كان معانا الونش ده ولفينا شويه بالعربيه علي كام سمكري

وقدامنا دلوقت امر من تلاته

1 - سمكري هياخد العربيه من الالف للياء وملناش دعوه بشراء اي شيء وده عايز 10 تلاف جنيه واستلام العربيه علي المفتاح بعد شهر

2- بيع العربيه علي حالتها كده وده سمعنا فيه ارقاام غريبه وفلكيه وقمة الاستغلال والقذاره الي جابها ربنا

تخيلو سمعنا فيها 10 تلاف جنيه؟؟؟ ايوه والله 10 تلاف جنيه

المهم

سمعنا من الـ 10 تلاف لغاية 22 الف بس صاحبي ده كان طالب نهائي نهائي 25 ومش عايز اقل من الـ25 الف جنيه واحد

3- سمكري ابن حلال عرفته لما كلمت ناس معارفي وطلبت مساعدتهم

ده راح متصل بواحد مشهور بتاع استيراد هنا في اسيوط متخصص دايو وجه وعاين العربيه وشافها محتاجه ايه وكانت طلباته كالتالي

1- رفرف شمال تايواني 275

2- كبوت تايواني 650

3- اكصدام كامل (تلات قطع) تايواني 500

4- صدر امامي (الي قبل السربنتينه) استيراد 275

5- قطعية فخدة كرتيره (من ورا الفانوس لغاية بطيخة الكرتيره) استيراد 500

6- ريداتير استيراد 300

7- سربنتينه استيراد 300

8- 2مروحه استيراد 250

9- قربة مساحات استيراد 80

10- علبة زيت باور 80

11- مقص شمال 130

12- كشاف امامي شمال صيني 90

13- فانوس خلفي شمال 35

17- كوبلن شمال 250

الحساب توتال علي بعضيه 3715 بعد الخصم بقي 3550

وفي احتمال غطا الشنطه يتغير بـ 350

وكمان قشرة تابلوه ادي كمان 300

يعني تقريبا قفلنا الاربعه وشويه

ده بقي خلي صاحب العربيه يفكر يجيب قطعيه كامله استيراد بالتابلوه بالمكنه بكله كامله علي بعضها

نزلنا لفينا شويه بس كنا بندور علي نفس لون العربيه (الشامبين) وده نادر جدا جدا جدا

الاسعار ما بين 6500 لـ 9000 جنيه

ابو 9000 ده نفس لون العربيه بس بتاع لانوس 2 موديل 2005 ومكنه وفتيس هيدروماتيك

وده بقي الخيار التالت ليه علشان يلم العربيه صح

السمكري رسينا معاه علي 1000 جنيه مقفوله مصنعيه وتقريبا 500 ميكانيكي وكهربائي و1200 دوكو

دلوقت انا عايز خبراء الدايو الي بينزلو الحرفيين كتير عايز اعرف منهم ايه اخبار الاسعار في بحري

لاني عايز اشوف راينج الاسعار بتاعة القطعيه الكامله لحد التابلوه عمل كام ولو دخلت في 5 او 6 مفيش مشاكل فللي خالص

احسن ما اجيب شوية رفايع بـ 4 وشويه

دلوقت قدامكم كل شيء عايز مشورتكم ضروري

اختار انهي حل في دول؟؟؟

1-اسلمها للسمكري واستلمها علي المفتاح؟؟

2- ابيع العربيه علي 22

3- اوافق بموضوع السمكري وكده الموضوع هيقفل 8 تلاف وشويه فكه

4- اجيب قطعيه كامله واخد منها الي انا عايزه مع العلم بحري بالنسبالي مشوار وفي مصاريف نقل ولو المكنه او الفتيس فيهم حاجه محتاجين يرجعو؟؟

فكرو كده معايا وعايز اسمع رأيكم وكمان ايه رايكم في الاسعار بتاعة الحاجات الي فوق دي؟؟؟

A.Yakout

الحمد لله على سلامة صاحبك الاول وربنا يكون ف عونة
بس انا لية وجة نظر انك مهما صرفت على العربية هتبقا معيوبة ومش هاتجيب ف البيع قتوكل على الله وبيع
دا رائى وعن تجربة

افضلك توكل على الله وبيع العربية محتاجة مصاريف كتير ومش حترجع زى الاول افضلك بيعها وب8000 او 10.000 دول حطهم على ال22.000 وجيب حاجة احسن وربنا يسهل

بيع العربية و خلاص, حرام الشغل و في الأخر العربية هتكون اتشركت و مش بقيمتها و عمرها ما هترجع زي الفابريكة خالص! هتواجة مشاكل كتيير أكيد!

شوف يا احمد
مع تجربة حادثة لواحد صاحبي في الشغل من 3 شهور تقريبا ووقفتلة على عربيتة علتهالة من ال الف الى الياء مع دوكو شامل
العربية اكسنت 2005
دخل وش في بلوكة اسمنت بسرعة 90
كانت محتاجة ربع
الرداتير ماتلمسش شغلى كلة سمكرة وعفشة
انا اللي واقف عليها لما تهريت في عز الشمس عشان صاحبي ويعز عليا خاصة انه كان صدرة متعور
خلصت ب 10 الالاف
وشوية رفايع بعدها ب 500
وكل شوية حاجة تانية تظهر ما بن علبة دركسيون لحاجة بتلق في باب الخ الخ
العربية اللي بيشوفها بقولة اصلي وفابريكة وجالها كذا بيعها بعد شوية البوية اللي نزلو عليها
العربية لما تتشاف بجد هايتعرف حدثتهاولو اتباعت ب 27 يبقي هايل
وهيا 1300 موديل 2005 كانت تجيب ال 37 او ازيد سنة قبل الحادثة

يبقي نصيحة ابعد عن الشد والقرف ومش مستاهلة وجع دماغ ي عربية هاتكون معيوبة مدى الحياة
سواء سمكرة او تغيير قطعية
ووقت البيع لو بتخاف ربنا هاتقول عاملة حادثة وهايبعدو عنها او هايبخسو بيها الارض

وقطع غيار الاكسنت اللي بشده مرطرطة
وانا بشده في الحرفيين وجنب بيتي ومع ذلك تعبت جدا وكل الناس معارفي

لو عرفت تخلص 25 يبقي هايل
ولو حتى 22 برضه كويس
لان 22 و 10 و2 مصاريف هاتطلعلك من تحت الارض يبقي 34 في عربية عاملة حادثة

نصيحة من تجربة واقعية قريبة

دى خلاص كده انتهت و محاولة انعاشها متعبة و غير مجزية ..البيع و الخلاص منها احسن

طبعا شكرا لكل الاعضاء علي الرد

دلوقت يا كريم العربيه عند السمكري الي اتفق معانا نجيب الحاجات سوا وكده وانهارده واحنا ماشيين كان بيحل الرفرفين وبيبدا شغل

وهوا نفسه الي بيقولي انا ممكن اجبلك زبون هوا وبتاع الاكسسوار الاستيراد بس قالي العربيه هتقف علي الاقل يومين لغاية لما يجي حد يشوفها ويشيل

دلوقت اتصل بيه اوقف الشغل واقوله خلاص فل دورلي علي زبون ليها؟؟

خصوصا انه هوا بلسانه حط فيها يشتريها لنفسه علي 20 الف مقفوله الـ 22 دي كانت من واحد تاني

صاحبي ده الله يكون في عونه مش قادر يمشي لانه اخد اربع خرز فوق ركبته ومتعكنن ومش طايق حتي يبص للعربيه وقرفان منها

ومسملني انا الحوار من اوله

وانا الي متصدر المله الموضوع وعايز المه باقل خساير ممكنه

وبصراحه هوا اقل اصابات في الي كانو معاه لان واحد فيهم عنده كسر في الحوض والتاني واخد خرزتين جمب عنيه

وبصراحه انا الي كنت معارض موضوع البيع لاني عارف مودي العربيه عند مين وصنايعيه صح

بس هتبقي خساره ليه لما عربيه تكون مفصوله من يومين علي 41 الف وتيجي انهارده علشان محتاجه 8 مصاريف ابيع علي 25

انا لسا قافل معاه حالا وقالي الي شايفه صح اعمله العربيه اعتبرها بتاعتك وده بيذود حيرتي اكتر

عموما كده كده قدامي فتره للصبح علي ما يكون السمكري راح الورشه تاني اسمع فيها أرأكم

وعلي فكره يا كريم سبب انك هتلاقي رقم تليفوني متسجل عندك انهارده اني كنت بكلمك علشان الموضوع ده

وكنت كمان عايز رقم محمد ممدوح

A.Yakout

انا كمان عن تجربه لحادث مش بشدة الحادث اللى حصل لعربية صاحبك

وبعد ما صلحت العربية وكانت نوبيرا 2006 اتباعت ب 45000
يعنى صلحتها وبيعتها وخسرت فيها كتير
توكل على الله وبيع

خلى بالك حتى لو صلحتها ب 8 الاف دول مش هترجع تجيبله 41 الف تانى
اى حد هاييجى يشتريها هيعرف انها كانت عاملة حادثة هينزل سعرها كتير
انا بعد ما كان جاى فيها 55000 بيعت ب 45000 عشان عاملة حادثة

الاحسن انك تجيب قطعيه لانوس كامله

والانوس اساسا كلها فى الحرفيين من الاكصدام للاكصدام بتعمل فى حدود 8 -10 الاف جنيه

ولو محتاج مساعده انا ممكن اكلملك الراجل اللى بتعامل معاه يشوفلك الحوار بتاع القطعيه دي تعمل كام

ربنا يوفقك وتبيع احسن من وجع الدماغ وربنا يعوض على صاحبك خير

طيب ليه بس الموضوع اتنقل لقسم الدايو

مانا لو محتاجه في قسم الدايو كنت عملته في الدايو من الاول

بس انا كنت محتاج الافاده من اكبر عدد من الاعضاء

عموما مفيش مشكله !!!!!!!

A.Yakout

اقتباس:

---

المشاركة الأصلية كتبت بواسطة elwad_crazy

الاحسن انك تجيب قطعيه لانوس كامله

والانوس اساسا كلها فى الحرفيين من الاكصدام للاكصدام بتعمل فى حدود 8 -10 الاف جنيه

ولو محتاج مساعده انا ممكن اكلملك الراجل اللى بتعامل معاه يشوفلك الحوار بتاع القطعيه دي تعمل كام

---

تسلم يا رايس علي ذوقك

انا شوفت كروسليه لانوس كامل مش ناقص مسمار وكان علي 12 هنا عندي

انا عايز قطعيه لغاية التابلوه بس مش عايز عربيه كامله

وهتعبك معايا في انك تكلم الراجل بتاعك بس ياريت تقوله عايز قطعيه كابوتها متفتحش مش ناقصه مسمار

وحاول ترد عليا في اقرب وقت وربنا يقدم الي فيه الخير

A.Yakout

شوف احنا عندنا هنا فى المنصوره كذا شونه بيجيبوا عربيات متقطعه من كوريا هاشوفلك الربع القدمانى بكام وتقريبا انا كنت شايف نفس اللون الشامبين ده عندهم فهتأكد واقولك وربنا يقدم اللى فيه الخير والف سلامه على صاحبك

اقتباس:

---

المشاركة الأصلية كتبت بواسطة ice_wolf

افضلك توكل على الله وبيع العربية محتاجة مصاريف كتير ومش حترجع زى الاول افضلك بيعها وب8000 او 10.000 دول حطهم على ال22.000 وجيب حاجة احسن وربنا يسهل

---

:S_thum1[1]:

اقتباس:

---

تسلم يا رايس علي ذوقك

انا شوفت كروسليه لانوس كامل مش ناقص مسمار وكان علي 12 هنا عندي

انا عايز قطعيه لغاية التابلوه بس مش عايز عربيه كامله

وهتعبك معايا في انك تكلم الراجل بتاعك بس ياريت تقوله عايز قطعيه كابوتها متفتحش مش ناقصه مسمار

وحاول ترد عليا في اقرب وقت وربنا يقدم الي فيه الخير

---

هتصل بالراجل واقوله من الاكصدام للطابلوه
بكام وهتصل بيه على بعد الظهر كده وهرد عليك تانى

سيدي الفاضل الف سلامه علي صاحبك
طبعاً عارف إنك محتار بعد أن وضعك صاحبك في هذا الموقف ، لأنها تعتبر أمانه جامدة جداً وهاتتعب في الإختيارات أكثر مما كنت ستقوم بالعمل لنفسك (حاش لله غذا وضعت في هذا الموقف) لذا إذا نصحت صاحبك بالبيع سيقول إنك بتكبر دماغك (مع إنه أصلح إختيار مع وضعك في الحسابن الوقوف مع الصنايعية والمراضية والمرازية من بيعاين قطع الغيار -وده نصيحه لوجه الله عن تجربه-) وحتي بعد الشغل كله إلي أنا واثق أنك هاتعمله علي أكمل وجه أحسن ما بتشتغل في عربيتك لن تحصل علي المبلغ إلي في دماغك ، حضرتك بتقول إنك هاتصرف 8 بس ما حسبتش نثريات الحساب التي قد تصل إلي 2 ، تقدر تقولي بعد كده هاتجيب كام ، وهاتكون راضي وإنت بتبيعها لزبون تاني (يلبسها هو) مع إني عارف إنك ما تعملهاش وهاتقولوا إن العربية عاملة حادثة وهايكون ده سبب هروبه :) .
لذا إذا كان المحترم صاحبك لديه بعض الإختيارات ضعها أمامه للأمانه :
1- إذا أراد الإحتفاظ بها فصلح وتوكل علي الله وإقتني عربية -يعني إستثمر في الإصلاحات والتعديلات - وساعتها ها تقتني عربية .
2- إذا كان زهق منها وعاوز يبيع فحاول هز السعر لأن 22 دي قليله قوي وإلي حط فيها السعر ده بيفهم بس بيستنصح شويتين ، أما بتاع الـ 10 ده فتاجر حديد ممكن يبيع المنتدي بالكيلو :) ، يعني لو وصلت 24 يبقي فضل وعدل .
3- حط جميع الأوبشنز قدامه مع سبل الوصول للهدف النهائي وخليه يختار علشان ، ممكن صداقات تبوظ بسبب مواقف زي دي .
أسف للإطاله بس محسوبك ملسوع قبل كده

اولا الف سلامه لصديقك و من كانوا معه وقت الحادث
و ان شاء الله ربنا هيخلف عليه خيرا منها

و ثانيا انا عن نفسى اميل اكثر لقرار البيع نظرا لمشاكل التصليح لآن هنا فى مصر كل حاجه عك مع احترامى حتى لأكبر صنايعى بس طالما الموضوع كبير كدا يبقى البيع افضل بكثير

و ربنا يوفقك لما فيه الصالح بإذن الله

أضم صوتي لصوت الاعضاء اللي بيرشحوا لصاحب العربيه البيع
وتمن التصليح +فلوس البيع +10000 بالكتير تساوي عربيه موديل اعلى وبحالتها
وبالتوفيق للافضل

الحمد لله انها جت على قد كده
أنا رأي الشخصي والله انك تخلص منها وتبيع احسن من وجع الدماغ..
وربنا ينور طريقنا كلنا ويبعد عنا شر الطريق .. أمين

فى الاول الحمد لله على سلامة صاحبك وكل الناس الى كانو معاه بس فعلا الرسول صلى الله عليه وسلم قال" ما اجتمعت امتى على خطأ " يعنى اكيد كل الناس دى اللى يعرف حد حصل معاه الموقف ده واللى حصل معاه وربنا كرمه وفعلا ده احلا حل وانت اعرض على صاحبك الحلول وقله الناس قالت ايه وبررله الموقف بتاع البيع ده وبعدين ربنا يكرمه ويكمل عليها ويجيب اللامبورجينى مورشيلاجو وعسى ان تكرهو شيئا وهو خير لكم

نص العربيه استيراد عامل 6000 الاف جنيه كامل

اقتباس:

---

المشاركة الأصلية كتبت بواسطة elwad_crazy

نص العربيه استيراد عامل 6000 الاف جنيه كامل

---

يا رايس تسلم لذوقك تعبتك معايا والله ومش عارف اقولك ايه

عموما ان شاء الله هشوف الدنيا ولو كده استني مني تليفون قريب

واهو فرصه نتعرف بالرجاله الي متتعوضش الي زي سيادتك

وشكرا لكل الرجاله علي الردود

وفعلا الواحد محتار لاني في موقف اصراحه لا احسد عليه انا لو كنت في الموقف ده مكنتش هتعب من التفكير كده

بس عموما مع احترامي لكل الاراء انا لسا بميل للتصليح هشوف الدنيا ايه وهتبقو علي علم بالي بيحصل وبكل جديد ان شاء الله

لان العربيه مش جايبه الـ 25 الي طالبها الراجل فهو كمان مايل لموضوع التصليح

وعموما الي فيه الخير يقدمه ربنا

A.Yakout

ياباشا انا رئي يختلف عن باقى الزملاء

بسبب اشمعنى لما هتبيعها وهيه بالحاله دي فى كتير هيشتروها

مفيش حاجه اسمها متصلحش
الواحد عمل حوادث زي دي وكنا بنرجع العربيه زي مكانت
المهم مش فى الحاجه اللى هتشتريها
اهم حاجه الصنايعي اللى هيشتغل

انت مش هتخسرر حاجه لما تصلحها وتخليها معاك بدل متبيعها وتخسر
انت استفيد كده كده لما هتصلح مش هيبقي فيها عيب

اصرف عليها بدل متجيب عربيه تانيه وتلاقى فيها عيوب
والرائ هيرجعلك

وانزل الحرفيين وهتلاقى فنانين فى الحوارات دي

انا هفكر معاك بس بطريقة مختلفة,
لو العربية اتعملت و بقت كويسة , هتتباع بكام , اعتقد من 32 الى 35 ,
طيب لو هنلم العربية بالمعقول و الحاجة اللي ينفع انها تتسمكر أو تتصلح يبقى مش لازم نجيب بدالها ,
يبقى ممكن تتكلف كام ..... اعتقد في حدود 5 آلاف ,
يبقى 32 الف (و ده على اسوأ الفروض) نخصم منه 5 آلاف (المصاريف) يبقى الباقي 27 ألف ,
يبقى صاحبك يحط على المبلغ ده و يجيب واحدة كويسة و ربنا يعوض عليه,

و على فكرة انا عندي كبوت اللانوس القديم ممكن يتسمكر , لو عايزه انا تحت امرك و بدون مقابل .

اقتباس:

---

المشاركة الأصلية كتبت بواسطة Akram

انا هفكر معاك بس بطريقة مختلفة,
لو العربية اتعملت و بقت كويسة , هتتباع بكام , اعتقد من 32 الى 35 ,
طيب لو هنلم العربية بالمعقول و الحاجة اللي ينفع انها تتسمكر أو تتصلح يبقى مش لازم نجيب بدالها ,
يبقى ممكن تتكلف كام ..... اعتقد في حدود 5 آلاف ,
يبقى 32 الف (و ده على اسوأ الفروض) نخصم منه 5 آلاف (المصاريف) يبقى الباقي 27 ألف ,
يبقى صاحبك يحط على المبلغ ده و يجيب واحدة كويسة و ربنا يعوض عليه,

و على فكرة انا عندي كبوت اللانوس القديم ممكن يتسمكر , لو عايزه انا تحت امرك و بدون مقابل .

---

يا باشا تسلم والله كفايه بس ذوقك

وعموما العربيه تقريبا هتكلف تصليح 8 تلاف جنيه ان شاء الله

وبالنسبه للكبوت تسلم يا رايس بس خليه لواحد ممكن يكون محتاجه فعلا وبجد انتا راجل ميه ميه

اقتباس:

---

المشاركة الأصلية كتبت بواسطة elwad_crazy

ياباشا انا رئي يختلف عن باقى الزملاء

بسبب اشمعنى لما هتبيعها وهيه بالحاله دي فى كتير هيشتروها

مفيش حاجه اسمها متصلحش
الواحد عمل حوادث زي دي وكنا بنرجع العربيه زي مكانت
المهم مش فى الحاجه اللى هتشتريها
اهم حاجه الصنايعي اللى هيشتغل

انت مش هتخسرر حاجه لما تصلحها وتخليها معاك بدل متبيعها وتخسر
انت استفيد كده كده لما هتصلح مش هيبقي فيها عيب

اصرف عليها بدل متجيب عربيه تانيه وتلاقى فيها عيوب
والرائ هيرجعلك

وانزل الحرفيين وهتلاقى فنانين فى الحوارات دي

---

بظبط كده يا رايس انتا جبت كل الي عايز اقوله بس الحكايه كلها كانت في حيرتي بس مش اكتر

عموما انا هغلس عليك معلش وعايزك تسألهولي لون النص ده ايه

علشان تقريبا بنسبة 90% هخلص فيه ومتوقف علي لونه بس

بس خد بالك انه هيكون علي ضمانتك اوك؟؟؟ وعموما هنرتبها سوا ان شاء الله

A.Yakout

اوك يا ريس
هتصل بيه بليل وهعرف التفاصيل بتاعت النص

معلش يا كريزي لتاخير الرد

بس اليومين الي فاتو دول كان الراجل محتار ومش عارف يرسي علي حل بس تقريبا العربيه خلاص هتتباع لان في ناس جم واتكلمو علي العربيه

وان شاء الله خير وربنا يسهل

انا تعبتكم معايا يا شباب بس ربنا يعلم الواحد في حيره قد ايه

شكرا لكل الاعضاء علي الردود

A.Yakout

ربنا يصبر صاحبك ويقويق على المشوار الصعب دة
والمهم انة قام بسلامة
والله انا شايف ان فى عربيات كتير عملت حوادث بالطريقة دى واتصلحت 100فل وعشرة وبردو تعتبر الحدثة مش كبيرة اوى بفضل الله
من سنتين كنا قلبنا بفيرنا بتاعت واحد صحبىوطبعا الحمد لله خرجنا بأصابات بسيطة جدأ مش اكتر من كدمات والعربية احتاجت سقف وكبوت وجنب كامل رفرف امامى وبابين فضيين ورفرف خلفى واقصدام قمامى وريداتير وسربنتينة وبربيز خلفى وامامى وغير اللى نسيتة
والعربية اتشدت واتصرف عاليها بالظبت حوالى من 12 الى15 الف ورجعت عربية مش هقول بقت زى الفابريكة بس رجعت بنسبة 75 % مش نسبة قليقلة بردة لعربية كانت مقلوبة مكنش فيها غير جنب وشنطة هما اللى سلام والعربية لسة شغالة وماشية زى الفل وعلى فكرة بقى العربية دى كان صاحبى شاريها عاملة حادثة تقريبا زى اللى عندك واتقلبت تانى واتصلحت
الموضوع كلة محتاج لناس محترفة فى السمكرة والكلام دة هتطلع عربية بس اكيد مش زى ماكانت فبريكة على الاقل فى البيع بس والله العربية ماشية عادى ومش فاتحة مصاريف عادى يعنى صيانات فقط
بس الاهم من كل دة انها جت فى حديد واللى يجى فى الحديد بقشيش
والحمد لله على كل شىء وخلى صحبك ميزعلش نفسة اوى الحمد لله انها جت على قد كدة