عندي مشكلة رهيبة في سيارتي السيراتو..أرجو المساعدة

**amrony** · 30-09-2009 12:44 AM

أنا عندي سيراتو 2008 الشكل القديم أوتوماتيك ومن بعد 2000 كلم بدأت أسمع صوت مع حركة نظام التعليق في جميع المطبات الخفيفة والجامدة، صوت نقر أو دب أسفل السيارة في الأمام والخلف،ورحت مركز الصيانة وغيرولي المساعد الشمال اعتقادا منهم انه المشكلة عند صيانة 5000كلم وهدي الصوت شوية ولكن رجع بعد 300 كلم،وتاني غيرولي نفس المساعد الشمال عند صيانة 10000كلم، بحجة أن المساعد الي ركبوه قبل كده كان(Patch no. قديم!!!).والحقيقة أنا مستاء جدا جدا من الموضوع ده،كأن المطبات داخل السيارة،ومحتار جدا مش عارف أعمل ايه لأني حاسس ان المشكله مش في المساعدين...أرجوكم الي عنده فكرة عن سبب هذا الصوت أو سبب الإحساس بدب المطبات أسفل السيارة ياريت يفيدني أحاول أكشف علي أيه؟؟؟؟؟؟.

ملحوظة: أحيانا بسمع صوت حركة نظام التعليق في المطبات الخفيفة جدا(صوت نقر)

**lolly136** · 30-09-2009 08:36 AM

الكلام ده حصل فين في أي فرع للتوكيل
كمان يقال كاوتش السيراتو سيء و يكون أحد أسباب صوت الدبدبة و احساسها بالمطبات

**M.ABDEEN** · 30-09-2009 09:41 AM

ياريت توضح الصوت ايه بالظبط وممكن يكون في حاجة في العفشة ممكن جلب ووممكن المساعدين زي ما بتقول وممكن يكون في علبة الدركسيون لو بتسمع صوت طقة ........
الكلام ده حصل معاي في البيكانتو انما في السيراتو الحمد لله مافيش حاجة ........وبرده راجع ضغط الاطارات

**toty_vib** · 30-09-2009 09:39 PM

حضرتك بتعمل الصيانه فين فى مركز ايه

**amrony** · 02-10-2009 03:19 AM

أنا بروح أبو رواش وغيرت المساعد هناك،وبالنسبة للصوت بيكون دبدبة ونقر بيسمع أسفل السيارة مع حركة المساعدين القصيرة السريعة، يعني لو طلعت مطب صناعي مفيش حاجة وزي العادي .أنا أحترت جدا من الموضوع ده وقرفان أوي ،مع العلم ان سواقتي هادية جدا في المطبات يعني ده عيب جاي في العربية،وأنا دلوقتي عامل 20000 كلم