دة اقوى موتور في الفيات بالكامل
موتور ارجنتا بيبقى 2000 سي سي و بكاربراتير كبير جدا و تحتية سوبر شارجي قوي و راكب علية فتيس ضخم والموتور دة بيولد تقريبا 150 حصان
جبنا منة زمان واحد ركبناة في 132 و ركبنا معاه الكرونة بتاعته او كرونة ال131 الريسنج مش متذكر و خد مننا غلبة كبيرة قوي في تركيب الفتيس علشا الفتيس ضخم و واصل لغاية فرامل اليد, بيحتاج تضبيط كتير و تركيب "تمساحه" علشان توصل عصاية الفتيس بالترباس اللي بيبقى وراها بكتير
بس بصراحه العربية كانت طلقة
اقوى بمراحل من ال 131 الريسنج
لأن السوبر شارجر مع الكاربراتير بتاع الموتور دة بيكاتة و ابوابة واسعه جدا و الفتيس السبور بيخللي العربية بدون مبالغه اقوى من البيمر 323
الموتور كان موجود عند الأبيض اللي في شارع السودان بالمهندسين و موجود في بورسعيد و سعرة ممكن في حدود ال 2500- 3000 او بالكتير 3500 بالعفشة و الكرونة بتاعته
المفضلات