عربيتى اونو 94 مطلوب نهائى 29 الف

موديل 94 فبريقه بره وجوه ببويه المصنع فرش جلد اسود لونها رصاصى فيها رخصه 2 سنه
بها اربع فرده كوتش جداد الصلون كامل وبها عداد حراره

تم النقل للقسم المناسب
دعم فني2

حرام عليك ليه ها تبعها دا انت كنت بتقول فيها شعر

و من كتر كلامك انا حبيتها بعد ما كنت بفكر فى الكيا العصفوره اخدت قرار بأن الاونو اكثر عربيه مناسبه

عل يكون السبب خير

ممكن تفاصيل اكتر عن مواصفات العربية وسبب البيع ومكان المعاينة
شكرا

العربيه عامله 75 الف كيلو مش مغيره اى حاجه ببويه المصنع ومشاء الله حلتها حلو جدا ولو لا الظروف انا مكنتش بعتها والله ولا ب40 الف حتى بس انا محتاح فلوس دلوقت والسعر نهائى لانى والله شايف اختها ب30

بالنسبه ليك يااستاذ شريف العربيه لازلت بقلك من اجمل العربيت الى ركبتها فى حاتى انا بقالى سنتن اقسم بالله العلى العظيم مجبتلهاش اى شى وكل يوم بخرج بيها وانا شغال مدرس اصلا وبلف بيها كتتير اوى وعمرها لاعطلت منى ولا بطلت ولا قلت باصلها معايا علشان كده انا على عينى انى ابيعها وكمان بالتمن ده لانى نزلت السوق الجمعه الى فاتت وشفت الاسعار ولو كانت معايا انا كنت هرجع من غيرها لان حلتها مشاء الله جميله جدا انا كنت شريها اصلا من سنتين
باغلى من كده بس الحمد لله على كل شىء

وعاوزك تفضل متمسك بريك عن الاونو عربيه بجد تحفه انتا بس هتها وانا هجنتهالك وروقهالك وخليك راكب bmw مش اونو وهى بيلق فيها الترويش جدا وعندى اسبويلر ممكن ابقى اديهولك بس اهم حاجه تجيبها حالتها حلوة

انا فعلا اشتريت من حوالى اسبوعين و زى ما قولت لك انا كنت بفكر فى برايد عصفوره لكن من بعد ما سمعت منك عن الاونو غيرت الدفه و نقلت العطاء عليها

ربنا وفقنى فى سيارة منزلى لطبيب موديل 93 فبريكه بره و جوة كل حاجه فيها كأنك لسه مستلمها من وكيلها من تابلوه لفرش حتى الاستبن انا مش عارف الراجل ده اساسا كان محافظ عليها ازاى المده الطويله دى كلها بالحاله دى تخيل مش فيها و لا حتى خربوش واحد

لكن للأسف علشان انا لسه بتعلم السواقه جديد عملت بيها حادث على الدائرى بس قدر الله و ماشاء فعل و الحمد لله على كل شىء

بجد عربيتك تحفه و السعر كمان مناسب طبقا لحالتها زى ما بتقول و ربنا يوفق فى بيعها و يرزقك بأفضل منها

موفق فى البيع ان شاء الله

ربنا يوفقك

موفق فى البيع مع انى لما سالت على الاسعار لقيت موديل السنه دى باقل من كدا بكتير..........
بس ربنا يوفقك فى الاول والاخر وانا برضة هنزل السوق عشان اشترى الا كيابرايد او فيات اونو.....
وفى الاول والاخر ربنا يوفقك وتبعها بالسعر الى انت عايزة

انا مش عارف اقول لحضرتك ايه يااستاذ شريف بجد والله بس قدر الله ومشاء فعل ولو محتاج اى خدمة انا تحت امر حضرتك فى اى شىء تحتاجة

انا ان شاء الله هنزل السوق بكره ابيع والله الموفق

حضرتك بعت ولا لسة ؟

ياريت تحكيلنا عن اخبار حركة السوق لما تنزل

ياريت صور ليها