أيــــــــــوة لقد فعلتها ( عملت حـــــــــــــــــادثة يارجالة)

**yse** · 30-09-2009 03:10 AM

بما أن ده اول موضوع ليا في المنتدى انا هقر واعترف بكل حاجة

انا اسمي يوسف عبد العظيم
وبدرس في كلية الطب - جامعةالقاهرة رايح سنة ثالثة

يلا يارجالة انا هحكي الفيلم قصدي( الحادثة )

انا قولت اقضي الأجازة مع ابويا اللي بيشتغل في السعودية وروحت

انا وهو قاعدين لوحدنا لغاية كده عادي هو عنده عربيتين واحدة بيروح بيها الشغل وواحدة قديمة

تويوتا كرسيدا موديلها 93

انا بقى خدت العربية القديمة وروحت اجيب طلبات للبيت زي ماطلب مني وانا راجع بقى هنا المفاجأة

المشكلة ان النظام في السعودية اشارات ضوئية مش عسكري زي عندنا في مصر

وفي اشارات بتايمر (يعني تقوللك اتفضل قد تفتح وقد ايه على ماتقفل )

وانا جي بتمشى من بعيد لقيت الإشارة اخضرت (تمام كده لغاية دلوقتي )

الإشارة ديه بقى كانت من غير تايمر

قولت اشد شوية والحقها وكان بالفعل لحقتها والعربية بقت على سرعة 100 كم/ساعة

ومرة واحد ة لقيت واحد بيلف من الإشارة التانية اللي في نفس التقاطع في بقى يمين وهدى وووقف في نص الشارع اه والله في نـــــــــــص الشارع

انا بقى يدوب قبل الإشارة بشوية ضغيرين فرملت والعربية فضلت تمشي وانا بحاول اوقفها لمن مفيش

فمكانش في حل غير اني افاديها في خدت جنب يمين

والحمد لله قدرت افادي العربية بس حكيت في اكصدام عربية واقفة جابلي فانوس الغماز وتطبقة بسيطة في الرفرف وهو ماعندوش حاجة الحمد لله .

انا معرفش انا قولت القصة الطويلة ديه ليه بس يمكن علشان لازم افضفض ومالقيتش حد اقوله

غير نايل موتوز و أعضائه الكرام علشان انا قاعد وحيد في ليلة ضلمة ونفسية متعكرة

أنا عارف ان عليا جزء كبير جدا من الغلط لأن المفروض ماكنتش حاولت الحق الإشارة

وولكن الحمد لله على كل حال وقدر الله وماشاء فعل

**M.Osman** · 30-09-2009 03:14 AM

ألف حمد على السلامة يا باشا
انا برضه لا اعتقد اني هعرف اسوق في بلد فيها اشارات و لوحات مرورية ..

و بالمناسبة والدي عنده كرسيدا 93 برضه !!

**yse** · 30-09-2009 03:16 AM

شكرا
SuccessCre8or
على الرد السريع ده وقولي هيا لونها ايه ؟؟

احنا بتاعتنا نبيتي بيقولوا عليها هنا عنابي

**M.Osman** · 30-09-2009 03:29 AM

العفو ..
هي لونها بيج (او مش بيج... لكن بين الذهبي والسيلفر كدا )

و الحمد لله موجودة لحد دلوقتي من 93 ... ماشاء الله عليها (200 ألف كم)

**yse** · 30-09-2009 03:48 AM

حلو اللــــــــــون والله وربنا يخليهاكو

بفولك ياكبير العربية ديه كام cc لو حضرتك تعرف تتكرم وتقولي ؟

**M.Osman** · 30-09-2009 03:57 AM

2400 سي سي - مانيوال
مش عارف اذا كان في منها محركات تانية او لأ
الكرسيدا كانت من العربيات اللي صنعت مجد تويوتا بجد.. ماشاء الله
الوالد كل ما يجي يجرب عربية تانية يقول ولا تجيب ضفر الكرسيدا

**m7nsh** · 30-09-2009 04:16 AM

معلش يا جو قدر الله وماشاء فعل
فكك بقى من حوار الغلطان مين و بتاع لأن اللى حصل حصل - بس مش هتكلم فيه لأنها طبعا باينه ,, هارشنى يابيه ؟ :)
بس خير والله اهم حاجه انك الحمد لله سليم ,, و بجد اللى ييجى فى الحديد يغووور
و نورت المنتدى يا معلم :)

**dr.nemo** · 30-09-2009 04:24 AM

قدر الله وما شاء فعل
واللي معملش حادثة يبقى مسقش
واهم حاجة انك كويس

فعلا الكريسيدا من العربيات النادرة اللي كنت بارتاح فيها
وكانت عندنا كريسيدا استيشن بيضاء 1970 سي سي
مش فاكر موديل كام

بس استمتع بكل دقيقة وكل ثانية فاضلة لك في الاجازة
قبل ما تدخل سنة ثالثة
حيث تنظرك الفارما والباثولوجي والميكرو والبارا
والسنة الكبيسة الممتعة الزنقة والقصيرة جدا جدا

وبالتوفيق ان شاء الله

**magyver** · 30-09-2009 04:25 AM

يالا قوول الحمد اللة
السواااقة برا غييير هنااا خااااااااااااالص
خاالي باالك

**NaBeLeOn** · 30-09-2009 09:11 AM

قدر الله و ما شاء فعل
الحمد لله انها جت على قد كده يا دوك ....
الكريسدا عربية بحترمها جدا .. كانت عندنا فى السعودية زمان واحده موديل 84 و هى اللى اتعلمت عليها السواقة من حوالى 10 سنين كده ..
و بتاعت جارى هناك كانت 94 ... فعلا عربية وهمية سحب و ثبات و كل حاجة
===
شد حيلك سنة 3 تقيلة حبتين ... انا كمان اسبوع همتحن باطنة ان شاء الله ... اخوك 5 قديم طب المنصورة .. اللى هما المفروض داخلين 6 بس النظام العقيم بقى اللى خلى السنة الدراسية سنة و نص :d

الموضوع: أيــــــــــوة لقد فعلتها ( عملت حـــــــــــــــــادثة يارجالة)

LinkBack

أدوات الموضوع

عرض

-

-

-

-

المواضيع المتشابهه

الفيرنا فعلتها :d تجارب شد بالأمس

لو عملت عقيقه قريب ياريت تقولنا عملت ايه

عملت اية في عربيتك جديد (ركبت تكييف , كشافات ليزر ...... و لا عملت اية ؟؟؟؟)

عوز كاوتش يارجالة

يارجالة ضروري

الكلمات الدلالية لهذا الموضوع

المفضلات

المفضلات

ضوابط المشاركة