اوبل فكترا

**hkyfgvyiyu** · 30-09-2009 05:31 AM

اوبل فكترا موديل 95 مانوال كامله سليمه ميه فى الميه حاله الزيرو اللون احمر محتاجا مرايات جمب علكرا العربيه مع سمسار وهياخد منك على الاقل 1000 جنيه لانه شيفها فرصه وانا عرفت كل دا لانى كنت هشتريها بس للاسف الفلوس مكملتش السعر 38000

**Ahmad Allawy** · 30-09-2009 06:12 PM

الرقم ده كويس لو حالة العربية نضيفة قوي..
بس حسب ماشية قد ايه.. و رشة برة ولا لأ.. و صياناتها كانت بتتعمل فين.. و دي اهم حاجة.. عشان لو اتلعب فيها من حد مش متخصص اوبل او مش بيفهم فيها.. عليه العوض.. انسي تماما العربية دي..
التاجر سيبك منه.. عشان ده مش هيركب العربية.. هيشتري و يلبسها لزبون.. لكن اللي هيركب.. ممكن تاخدها و فاكرها تحفة.. و تصرف عليها دم قلبك.. و متعرفش ترجعها كويسة تاني..

**hkyfgvyiyu** · 30-09-2009 07:22 PM

يا باشا انا صرفت نظر عنها على الاقل موقتا عشان اللوس مش جاهزه بس انا شفتها سليمه وقولت افيد بيها اى حد من المنتدى هيا فابريكه دوالخ وحوض وشنطه وكدا رشه برا طبعا من الخرابيش وكدا ودا كان بيحصل قدامى لانه جارنا بس

**m000dy** · 01-10-2009 01:00 AM

يارااااااااااااااجل
دنا اتباعت قدامى واحده زى اللى بتقول عليها بس فيها مراياتها موديل 95 بردو اللى هى الشكل القديم اللى قبل الفراشه ب 30 الف
وكان فى واحد صاحبى قايللى فى واحده على 27 الف وبردو فابريكه دواخل
والاتنين مكيفين والتكييف شغال كمان

**hkyfgvyiyu** · 01-10-2009 01:16 AM

طب ممكن تقولى رقم صاحب العربيه الب27 الف وتبقى مشكور

**Ahmad Allawy** · 01-10-2009 08:42 AM

انا مش باشكك في كلام اللي بيقول ان في منها اتباع ب 27 الف و 30 الف.. لأنه بيحصل.. لكن ده بيحصل لسبب من 2..
واحد فيهم ان العربيات دي بتكون مشمومة.. و اسف علي الكلمة.. لكن بتبقي عربيات ايوة فبريكة دواخل.. لكن طلع عينها خلاص.. اتبهدلت عشان بيتعمل صياناتها عند صنايعي 128.. مش متخصص فيها ولا في الاوبل ولا الالماني اصلا.. و بتبي قطع غيارها مش اصلية.. و بتبقي عربية مقلب.. اللي هيشتري هيدفع عليها قد تمنها عشان يشدها و يعرب يركب صح.. و يبقي متكيف منها.. لكن لو حد بيركب و خلاص.. ممكن ميحسش بالكلام ده..
يا اما الحالة التانية.. انها تكون تجار ضاحكين علي اصحاب العربيات دي و موقعينها منهم بالاسعار دي.. و في ناس مش في بالها.. بتبيع و خلاص..

اصل مش منطقي انها تكون ارخص من الكورسا يعني نفس موديل السنة..!!! مش كده ولا ايه؟؟ اكيد في (إن)

**hkyfgvyiyu** · 01-10-2009 09:32 AM

طب يا جدعان ممكن رد واضح فيه فعلا واحدا قدامى نهائى 25 وسليمه دواخل يبقى ايه اخدها ولالا وموديل 95

**ahmed76** · 01-10-2009 09:42 AM

ايه الاسعار الغريبه دى؟؟؟؟؟؟؟؟؟؟؟

**وائل عطية** · 01-10-2009 01:53 PM

المشاركة الأصلية كتبت بواسطة hkyfgvyiyu

طب يا جدعان ممكن رد واضح فيه فعلا واحدا قدامى نهائى 25 وسليمه دواخل يبقى ايه اخدها ولالا وموديل 95

لو السعر دا صحيح يبقى تخلص فيها بدون تردد ..دا سعر 128 تسعينات مش أوبل ألماني!!

**m000dy** · 01-10-2009 03:52 PM

ادينى فرصه يومين واجيبلك رقم تليفون الراجل لان صاحبى اللى قاللى عند قرايبه اما ييجى واشوفها ولو لقيتها كويسه ومعقوله هاديك الرقم تيجى تشوفها
لو لقيتها واقعه هاقوللك
هو فى السويس
عندك استعداد للسفر؟