الموضوع: يوميات ( كهربائي و ميكانيكي و سمكري ) جين 2 !!!!!!!!!

المشاركة الأصلية كتبت بواسطة muhammedsoliman

ميدو انت قلت ان انت ممكن تستخدمهم عادي وممن يفتح لفوق يعندى عندك الخيارين؟؟ اما لبره او فوق ؟ طب قولى معلش هوه بيلحم فى الحلق وبيخرم لمسامير ولا على القواعد القديمه ... يعنى فبها تبويظ جامد فى العربيه ؟؟؟ وتحياتى

لا مافيهوش تبويظ اصلا وفعلا في لحم بس في المفصلة نفسها واهم حاجة انك توديها عند حد فاهم علشان يركب دي اهم حاجة

المشاركة الأصلية كتبت بواسطة momopersona

شغل جامد اوى يا محمد بجد انا استفدت جدا منك
هو فعلا سعر التركيب ده عادى عند كل النضاف تقريبا بس بتخبلف فى سعر المساعد
وباب الجين بالذات بيبئا محتاج مساعد نضيف عشان الباب تقيل جدا مقارنة بالعربيات اليابانى والكورى
واعتقد ان تغيير الموتور ده مبئاش حاجة صعبة اوى زى زمان الناس دلوائتى بتعمل كل حاجة فى ال128 والموتور 160 حصان بحوالى 11 ألف ومش هاتحتاج التكاليف بتاعت الديفل والحاجات دى عشان يبئى موتورك 125 حصان
و مش هاتحتاج فرامل تانية ولا حاجة لئنك كده كده مش هاتجرى اكتر من 240 تقريبا
ولما بتدوس فرامل وانت دايس دبرياج مش هايفرق الموتور اللى راكب ده 110 ولا210 حصان اللى هايفرق الوزن وفرق الوزن هيكون حوالى 100 كم يعنى اكن واحد زيادة راكب معاك فى العربية
وشكرا على الموضوع الجميل ده وان شاء الله هاعمل الحاجات دى بس بعد 3 او 4 سنين يكون الموتور اللى فيها ده خدنا خيره وخدنا خير تقفيل المصنع من غير اى مشاكل ولا مرواح لميكانيكية

شكرا مومو و احنا هنا كلنا بنتعلم من بعض مش اكتر .... و فعلا كلام صحك بالنسبة لللامبو دورز وللماتور ودي بات حاجة عادية جدا دلوقتي

عفشجي جين 2 :

الييات السبور : هي عبارة عن سوست اسبور بتركب على المساعد العادي و بيكون الفرق بينها و بين العادي انها اقصر و المدى بتاعها اقل

الصور









الفوائد :

1.ثبات زيادة

2.تحكم قوي

3.بتساعدك انك تركب مقاس جنط اكبر عن طريق تعويض فرق الطول مابين الجنط الجديد ( الاكبر ) و الجنط القديم ( الاصغر )


العيوب :

1.عافشة ناشفة جدا

2.نقل كل الخبطات الى الصالون لرفع الحمل عن المساعد

3.العربية بتكون اوطى فممكن تحك في المطبات ( لو انت وطتها اوي )

عفشجي جين 2

الجنوط السبور

الجنوط السبور كلمه احنا بنقولها على اي جنط يكون حجمه اكبر من الحجم الستوك الي نازل في العربية ( معرفش اه الي خلاه اسبور بس مش مهم )

دلوقتي في معادله مهم جدا لازم كل الناس تظبطها و هي بتركب الجنوط السبور وهي معادلة سهلة جدا

طالما هتطول يبقى لازم تقصر بس كده !!!!!!!!!

طبعا محدش فهم اي حاجة

انا قصدي انك طالما هتكبر الجنط هيبقى في فرق طول بين الجديد و القديم يبقى لازم تعوض الفرق دا في كوتش ارتفاعه اقل - ييات اسبور - تقص الييات بتاعتك بس المهم لازم تعوض فرق الطول ودا مهم جدا

في ناس تقول طب وفرق العرض اه تاثيره ؟؟؟؟

فرق العرض دا رخم شوية لانه بيعملك حاجتين متناقضين خالص

1.بيقلل التوب سبيد بتاعتك لانه بيزود مساحة الاحتكاك بتاعت الكاوتش في الارض

2.بيزود الثبات

فهي حاجة غريبة جدا انا هعمل اه في الثبات طالما مافيش سرعة كبيرة استخدمه فيها !!!!!!!!!

و دي باه حبت صور للجنوط

شكرا يا باشا ربنا يخليك ومتشكر جدا على ردك

محمد باشا
بوص ياسيدى بالنسبه لليايات الرياضيه اعتقد ان اللى راكبه عندنا شبه رياضيه
انا لما عملت الحادثه لاحظت انه مختلف عن اى عربيه فعلا اقصر بكتير وارفع
بس طبعا مش رياضيه رياضيه لان بردو عاملين حساب ان العربيه رياضيه وعائليه فى نفس الوقت
واعتقد هو مناسب جدا لان العربيه ثابته جدا وفى نفس الوقت مش خشنه اوى زى اليايات الرياضيه

بالنسبه للجنوط بردو الموضوع نصف رياضى عندنا عشان النعومه والثبات
يعنى كاوتشات 195 مش 175 ولا 215 وارتفاع 60 مش 65 او 70 والجنط نفسه تقيل شويه بس مش اوى
فبرده فى رأيى هو انسب حاجه وعشان تجيب جنوط سبور بجد يبئا لازم تسقط موتور اقوى
وعشان تركب يايات رياضيه يبئا لازم تمشى على طرق سريعه بس عشان ظهرك هايتقطم جوه المدينه