حراميه على فسبه خبطهم بس للأسف هربوا:(

**ZALABANY** · 30-09-2009 08:49 AM

السلام عليكم
انا من امبارح وانا مضايق جدا
نزلت باليل اروح مشوار في شارع فيصل شارع العجايب المهم دخلت شارع موازي لفيصل ومتعامد على شارع العريش هو شارع رئيسي برده المهم
وانا ماشي بالعربية في امان الله سمعت صوت من ورايا عمال يقول حرامي حرامي حرامي
بصيت في المرايه لقيت 2 راكبين على فسبه جايين ورايا بسرعة الصاروخ والراجل بيجري وراهم يحاول يحصلهم فجأه بدون ما أشعر وهما بيطلعوا من يميني لقيت نفسي بحدف عليهم جامد بالعربيه وفعلا خبطهم خبطه محترمه خليتهم انحرفوا وكادوا ان يقعوا من على الفسبه لولا انهم سندوا نفسهم تاني وعدلوا الفسبه وطاروا كسروا عندي المرايه وبوظوا الباب بس مش ده اللي مزعلني انا اللي مزعلني انهم ما وقعوش
ولقيت بأه الناس في الشارع اللي يقولي طالما خبطهم ماخبطهمش جامد ليه واللي يقولي والله انت راجل تمام بس بصراحه الموقف كان سئ جدا والراجل اللي اتسرق الناس واقفه تتفرج عليه ربنا يعوض عليه
بتخيل بأه لو الحراميه دول كانوا وقعوا كان ايه اللي ممكن يحصل
الله اعلم كان ممكن ينزلوا يعوروني ولا الشعب بتاعنا كان هايتلم عليهم ياكلهم علقه لحد ما يبانلهم صاحب مع العلم ان الشارع كان زحمه
طيب لو كانوا وقعوا وحد فيهم اتعور ولا مات ساعتها انا كان هايبقى ايه موقفي برده مش عارف انا حطيت نفسي مكان اللي اتسرق واتصرفت كده لله بس مش عارف هل انا صح ولا غلط
الحمد لله انها جت على اد كده

**A.Saad** · 30-09-2009 09:08 AM

اخى العزيز
ما تندمش عللى الللى عملته ابدا
لانك لو ما خدتش ثواب
اكيد الراجل اللى اتسرق دعا لك
واكيد ان التلفيات اللى حصلت لك ربنا هيعوضها لك
الجزء التانى
ان لو قاموا من الوقعة
انت اقفل زجاجك ومسوجرك
ومحدش هيعرف ييجى ناحيتك
ولو ازنقت وكنت لوحدك ممكن وهما طبعا معاهم سلاح تبعد بعربيتك

**solom_2010** · 30-09-2009 10:09 AM

يا راجل هو انت الى خبطهم
اصل انا كنت فى شارع العريش عند بتاع العصير الى واخد ناصية ده و فعلا كان شاب كده بيجرى و يقوول حرامى حرامى و الناس كلها عمالة تجرى مع الشاب ده و بعديها بحبه كده لقيت ناس بتتكلم بتقول كان حيتمسك ابن التييييييت ده راجل ابن حلال كان حيوقعهم بس ولاد التييييت دول جريوا

الى انت عملته صح و ربنا يكرمك ان شاء الله و انت عشان راجل محترم عملت كده و مكنتش تقلق دول مجرد انهم وقعوا مكنوش حيشوفوا النور تانى يعنى محدش كان حيلمسك :)

**tmz9111** · 30-09-2009 10:10 AM

انت عملت صح الصح

**wisambasha** · 30-09-2009 11:01 AM

اللي انت عملته صح من ناحية الشهامة اللي قلت جدا في مجتمعنا لكن من الناحية القانونية ممكن تسأل عليها لو كان الواد وقع ومات مثلا؟؟

لكن انا لو في نفس موقفك كنت هاعمل كده برضه

**ZALABANY** · 30-09-2009 12:03 PM

شكرا على مروركم يا شباب بس فعلا الشارع في مصر ما بقاش فيه أمان خالص

**أبو صلاح** · 30-09-2009 12:12 PM

اكيد اللي انتت عملته ده صح 100%
ربنا يكتر من أمثالك ويعوضك خير عن تلفياتك

**yse** · 30-09-2009 12:20 PM

واللـــــــــــــــــــــ ه العظيم راجــــــــــل من ضهر راجـــــــــــــل

أنك ضحيت بالعربية علشان ترجع حق واحد انت تعرفوش

اكيد ربنا هيعوضك خير ده شيء مافيهوش كلام

**Terrible_DaRsH** · 30-09-2009 12:39 PM

لا تتردد فى فعل الخير , لو قابلك موقف زى كده تانى قوى قلبك و خليها على الله .

و انا بشكرك على الموقف ده |.

-

الموضوع: حراميه على فسبه خبطهم بس للأسف هربوا:(

LinkBack

أدوات الموضوع

عرض

-

-

-

المواضيع المتشابهه

للأسف خبط اللوجان

حراميه المرور

حراميه*حراميه

ماذا افعل مع حراميه العلامات فى الرينو؟! مخنوق جدا جدا!

اشمعنه بتوع الالماني .. احنا حراميه ؟

الكلمات الدلالية لهذا الموضوع

المفضلات

المفضلات

ضوابط المشاركة