اتفرجوا على بابا غبووووور

**morsi** · 30-09-2009 09:20 AM

السلام عليكم ورحمة الله وبركاته
انا عندى سوناتا أتوماتيك موديل 2009 ومن حوالى شهرين عرفت أن غبور عنده قسم لأستبدال السيارات ولما نزلت السوناتا الجديدة(اللى غبور بيقول عليها 2010) قلت أجرب أتصل بيهم علشان أستبدل سيارتى وقلت أقصاها هاأدفع مثلاً 10-15 ألف خاصةً أن سيارتى عاملة 3400 كم ومافيهاش خدش ولسة الأزاز عليها.المهم أتصلت بيهم ووصلونى بمدير مركز الأستبدال شخصياً وأخذ كل تفاصيلها وفى الأخر قالى ها نأخدها منك ب 100 ألف .تخيلو عربية شاريها ب 170 ألف من غبور نفسه مش من المعارض وعاملة 3400كم يعنى تقريباً مامشيتش ومافيهاش خدش أخسر فيها 70 ألف جنيه علشان أستبدلها باللى بيقول عليها موديل 2010 وهى نفس شكل ال 2009 بس بشوية أضافات صينى.شوفتوا جشع وأستهبال أكتر من كدا؟حسبى الله ونعم الوكيل .

**أبــوحبيبه ونور** · 30-09-2009 09:38 AM

المشاركة الأصلية كتبت بواسطة morsi

السلام عليكم ورحمة الله وبركاته
انا عندى سوناتا أتوماتيك موديل 2009 ومن حوالى شهرين عرفت أن غبور عنده قسم لأستبدال السيارات ولما نزلت السوناتا الجديدة(اللى غبور بيقول عليها 2010) قلت أجرب أتصل بيهم علشان أستبدل سيارتى وقلت أقصاها هاأدفع مثلاً 10-15 ألف خاصةً أن سيارتى عاملة 3400 كم ومافيهاش خدش ولسة الأزاز عليها.المهم أتصلت بيهم ووصلونى بمدير مركز الأستبدال شخصياً وأخذ كل تفاصيلها وفى الأخر قالى ها نأخدها منك ب 100 ألف .تخيلو عربية شاريها ب 170 ألف من غبور نفسه مش من المعارض وعاملة 3400كم يعنى تقريباً مامشيتش ومافيهاش خدش أخسر فيها 70 ألف جنيه علشان أستبدلها باللى بيقول عليها موديل 2010 وهى نفس شكل ال 2009 بس بشوية أضافات صينى.شوفتوا جشع وأستهبال أكتر من كدا؟حسبى الله ونعم الوكيل .

[justify]
وايه الجديد فى كدة معروف عن غبور بيه كل حاجة غريبة واكتر من كدة الصيانة اللى هى المفروض اسهل شى عنده تدخل بالعربية بتشتكلى من زيت بينقت بسبب اهمال الصنايعية فى تغير الزيت والفلتر والفلتر مش متركب كويس والعربية لسه عامله صيانة ال الف يعنى فهاش اى شى يقولك العربية محتاجة كشف شامل روحت بنزينه الراجل نزل قالى يا باشا الفلتر مش راكب كويس غير الفتر وشكر
هو ناصح بس يعملك اعلان يقولك احمد راح عمل صيانة فى غبور اتفرج على العربية وهى بتتصلح ادام عينه ودى عمرها ما بتحصل ولا حد اصلا بيشوف عربيته وهى بيتعمل فيها حاجة بصراحة من كتر المشاكل اللى كانت بتحصل وسو المعاملة فى الصيانة انا بعت الاكسنت مع انها كانت عربية زى الفل بس اى حاجة منهم مش عاوزها
[/justify]

**moustafamoussa** · 05-10-2009 03:14 AM

عموما انت اولي يالفلوس ... وانا شايف انك لو عايز تجيب عربية جديدة هات نوع احسن..
انا عن نفسي كل ماروح اعمل خناقة ..والناس تحوش بيني وبين الصنايعية هناك

**EslaM_NagY** · 05-10-2009 10:56 AM

طب ما فى حل اسهل

بيع عربيتك فى السوق بالسعر الطبيعى بتاعها واشترى التانية وخلاص

نظام عقيم جدا الاستبدال دا

**som3aa** · 05-10-2009 05:31 PM

اولا متزعلش نفسك , الاضافات هينزلوها كpackage للى عربيته مفيهاش الحاجات دى فى حدود 10-15 الف جنيه شاملة الفوانيس و المرايات و الgps و كل حاجة.
ثانيا السعر مبالغ فيه بشدة منزلك 40% من تمن العربية فى 3000 كيلو يبقى اسمه هبل
بس طبيعى اى شركة بتعمل استبدال بتعمل حاجات زى كدا (صحيح مش 40% فى 3000 كيلو) بس بيقولولك اسعار مستفزة.

**nab!l** · 05-10-2009 06:21 PM

سرقة عينى عينك
دول عايزين عملاء تجار مخدرات بقى

**rov** · 06-10-2009 04:51 AM

بص ببساطه كده
احسب ايه الزياده في العربيه الموديل الجديد ....ولو ركبته في التوكيل حتدفع كام؟
ولو كان في حدود امكانياتك........ابقي ركبه
وخلاص
ولا تبيع ولا تشتري
استودعك الله

**som3aa** · 06-10-2009 05:17 AM

بص ببساطه كده
احسب ايه الزياده في العربيه الموديل الجديد ....ولو ركبته في التوكيل حتدفع كام؟
ولو كان في حدود امكانياتك........ابقي ركبه
وخلاص
ولا تبيع ولا تشتري
استودعك الله

مش دا الموضوع , هو بيتكلم على ازاى يعملوا قسم للاستبدال و يخسفوا كدا بتمن العربيات لأ و ايه العربية بتاعتهم مش من بره مثلا و بيبيعوها ب 170 الف و يقولوا نشتريها ب 100 الف بعد ما مشيت 3000 كيلو بس يعنى لسه زيرو