سؤال عن لمبة شيك سيستم ؟؟ رأى الخبراء

عندما تضع مفتاح السيارة فى الكونتكت وتديره تبدأمجموعة من اللمبات فى الاضاءة منها لمبة تشيك سيستمز بعض أصحاب الانسر ينصحون بعدم تدوير السيارة قبل ما تنطفئ اللمبة دى لأنها بتشيك على أنظمة السيارة كلها ....
من يومين كان واحد صحبى راكن عربيته الانسر وبيشترى شوية حاجات بعد ما رجع ودخل العربية جاله واحد وخبط على الزجاج وطلب منه أنه يبطل العربية وقال له انت بتدور العربية غلط وبتعرضها لخطر كبير بسبب انه بيدور قبل ما اللمبة تطفى وانه هو نفسه كان بيعمل كده فى عربيته و فجأه لاحظ ان البور بيتقل والعربية مش هي خالص ولما راح التوكيل قالوا له انك بتدور العربية قبل اللمبة ما تطفى ودفع مبلغ ظريف
رايكم ايه فى القصة دى؟؟ :roll: :roll: ;)

إشتغالات

الباور مش حايتقل علشان بيدور العربية و لمبة تشيك انجين (مش سيستم) منور لسة

يعنى كل الكلام ده اشتغالات يا باشا
هو ما قلش البور بس
كمان التوكيل بيشتغله؟؟ :roll:

الله أعلم

بس احلى اشتغالات, تييجي من التوكيلات

شايف الشعر :D

اصلا عتدى فى الويرا مش بتطفى باستنى لما الطلمبة تبطل و بعدين اشغل الموتور

في اللانسر بقالها اكتر من 15 شهر معانا موديل 2006 ولا مرة استنينا لما اللمبة تبطل

كذلك الفرونتيرا بقالها معايا كذا شهر (4 شهور) برضة مش باستنى اللمبة تطفي و لا باستنى ال 19 بيب بتوع الحساسات لما يخلصوا و بادور

ماعتقدش ان دة غلط و لا ممكن يسبب مشكلة

ياريت لو حد عنده معلومة مؤكدة بغير كدة يقوللنا و جزاة الله خيرا مقدماً

اااااة لا لا لا استنى

في الفرونتيرا اصلا لمبة شيك انجين مش بتطفي الا بعد مالعربية تدور بثانيتين

تكون عملت شيك عالموتور و هوة داير

لمبات الفتيس و حرارة الزيت وحرارة زيت الاوتماتيك و كلة بيطفي ما عدا لمبة الموتور بتطفي بس بعد مالعربية تدور

و معنى كدة انة مش غلط اساسا انك تدور قبل ما اللمبة تطفي لأنها أساسا مش حاتطفي قبل ما الموتور يدور

هو الكلام صح انك المفروض متدورشي عالطول وتستنى ثانيتين تقريبا لما اللمض كلها تطفي وساعتها هتكون طرمبة البنزين خلاص اشتغلت وساعتها تشغل
لأن في النوبيرا الرشاشات بتبوظ من كده
اما موضوع الباور ده فانا أظن والله اعلم انه ليس له اي علاقه بالموضوع
هو اللي يبوظ حاجه زي طرمبة البنزين او الانجيكشن

اكيد صح الكلام دا.
لو مكنش صح مكنتش الشركات عملت اللمبات دي بتنور و تطفي قبل ما تشغل العربيه .

مش فاهم حاجة خالص يعنى هيه بتكون منورة قبل ما تدور العربية ؟؟؟؟؟؟؟

انا مش فاهم هو انت بتتكلموا على لمبة check engine?

اللى انا اعرفه ان اللمبة دى لو فضلنا مستنين عليها ساعة من غير ما ندور عمرها ماهى طافية ، لأنها ببساطة معتمدة على قراءات مجموعة من الحساسات، الحساسات دى مش بتوصل لقراءاتها الصحيحة غير لما الموتور يشتغل

اللمبات اللى عندى بتطفى بعد شوية سواء دورت او مدورتش هى لمبة الإيرباج ولمبه الأوفر درايف بتاعة الجير الأوتوماتيك

بالنسبة لحكاية تدورير العربية، فى الصباح ، او لو سبت العربية اكتر من ساعتين ،لما تيجى تدور حط المفتاح على وضع التشغيل(إضائة اللمبات) واستنى 3 ثوانى بالعدد علشان طرمبة البنزين تحضر(ترمى شوية بنزين فى المحرك لتسهيل التدوير) وبعدين دور، لكن لما تيجى تدور والعربية سخنة ، دور عادى خالص وانسى موضوع الإنتظار ده

اما عن سبب ان اللمبات بتنور قبل تشغيل العربية فده له سبب هام جدا انك تطمن ان كل اللمبات دى شغالة ومش محروقة، يعنى مثلا تخيل لو لمبة الزيت قدامك مش بتنور قبل تشغيل العربية، يبقى ازاى تكون مطمن ان كونها مطفية وانت ماشى بالعربية سببه هو ان ضغط الزيت سليم ، مش سببه انها محروقة

لو ان المفروض الواحد ينتظر علشان يدور العربية كان الكلام ده جه فى تعليمات التشغيل فى كتالوج السيارة، وحتى الآن مشفتش كتالوج فيه الكلام ده

طب سبعاوى باشا ممكن أفهم إية الأوفر درايف دة؟؟؟؟ أصلى سمعت فتاوى كتيرة .......واية الفرق بينة وبين الكيك داون؟؟؟؟؟ :?:

اقتباس:

---

المشاركة الأصلية كتبت بواسطة amrtalaat

طب سبعاوى باشا ممكن أفهم إية الأوفر درايف دة؟؟؟؟ أصلى سمعت فتاوى كتيرة .......واية الفرق بينة وبين الكيك داون؟؟؟؟؟ :?:

---

الأوفر درايف over drive كلمة دارجة فى البلاد المتكلمة بالإنجليزية وتعنى اعلى نقلة فى صندوق سرعات السيارة
يعنى فى اى عربية مانيوال الأوفردرايف هو النقلة الخامسة، يعنى لما بيجيب على الخامس يبقى انا كدة بجيب الأوفردرايف

وفى العربيات الأوتوماتيك بنظام التروس الكوكبية (يعنى النظام المعتاد بتاع الأوتوماتيك مش الستيبترونيك ولا ال cvt ) الأوفردرايف هو النقلة الرابعة

وبالتالى فإن خاصية التحكم فى الأوفردرايف فى العربيات المزودة بهذة الخاصية( سواء عن طريق زرار فى العصاية او حارة فى مسار العصاية) تعنى ببساطة السماح للجير بوكس بأن يستخدم الغيار الرابع او منعه من ذلك، وعادة تصمم السيارة بحيث ان لمبة الأوفردرايف فى التابلوه تضيى عندما تكون خاصية الأوفر درايف مطفية، يعنى معنى ان اللمبة منورة فى التابلوه هو ان الفتيس غير مسموح له يجيب الرابع وبينقل بين الأول والتانى والتالت فقط، ولذلك لو دققت فى اللمبة هتلاقى مكتوب عليها O/D off، يعنى اللمبة بتقول ان الأوفر درايف مطفى

وخاصية الغاء الأوفر درايف مفيدة للقيادة التنافسية على سرعات متوسطة(تحت ال100 كيلومتر فى الساعة) لأانها بتمنع الفتيس من انه يروح على الرابع(المقابل للخامس فى العربيات المانيوال) وبالتالى بتفضل العربية على RPM عالية تمكنها من الإستجابة اللحظية للتسارع، لكن طبعا على حساب استهلاك الوقود وبشكل ما على حساب عمر المحرك على المدى الطويل جدا

الكيك داون هو ببساطة ان الفتيس بياخد غيار تنازلى مع كبس البنزين بشدة علشان يعلى ال RPM ويحسن استجابة السيارة للتسارع

طيب إيه فرق الكيك داون من الاوفر داريف:

الفرق فى المثال البسيط الآتى: لو الجير الاوتوماتيك بتاعك جايب الرابع (الغيارت دى داخل الجير نفسه ومافيش حاجة قدامك تقول الجير بتاعك على انهى غيار غير تعودك على عربيتك ومعرفتك انهى RPM تقابل انهى سرعة على انهى غيار، يعنى مثلا انت بتكون عارف انك لو ماشى 80 والrpm 3000 يبقى الجير على التالت لكن لو انت ماشى 80 والrPM 2000 يبقى كدة الفتيس جايب رابع)، المهم، لو الجير الأوتوماتيك بتاعك جايب رابع وانت رحت دايس زرار الاوفر درايف ، الفتيس هينزل على التالت(هتلاحظها من النتشة وصوت الموتور وعداد ال RPM هينط لفوق) ، وهيفضل على التالث وعمره ماهو رايح للرابع مهام سرعتك عليت لحد ما تدوس زرار الأوفر درايف تانى، لو انت قبل ما تدوس زرار الاوفر درايف كنت على التالى او التانى او الأول فلما تدوس زرار الأوفر درايف مش هيعمل اى حاجة ومش هتحس بأى تأثير له، لكن لما سرعتك تعلى العربية مش هتنقل للرابع وتفضل شغالة اول وتانى وتالت بس لحد ما تدوس الأوفردرايف تانى واللمبة بتاعته تطفى

اما لو انت ماشى رابع ورحت عامل كيك داون الجير هينزل للتالت ، وشوية مع التسارع هيرجع للرابع تانى
ولو انت ماشى تالت وعملت كيك دوان الجير هينزل للتانى وشوية مع التسارع هيطلع للتالت ولو فضلت كابس عليه هيروح للرابع تانى

ارجو الصورة تكون وضحت كدة

اقتباس:

---

المشاركة الأصلية كتبت بواسطة sab3aawy

انا مش فاهم هو انت بتتكلموا على لمبة check engine?

اللى انا اعرفه ان اللمبة دى لو فضلنا مستنين عليها ساعة من غير ما ندور عمرها ماهى طافية ، لأنها ببساطة معتمدة على قراءات مجموعة من الحساسات، الحساسات دى مش بتوصل لقراءاتها الصحيحة غير لما الموتور يشتغل


لو ان المفروض الواحد ينتظر علشان يدور العربية كان الكلام ده جه فى تعليمات التشغيل فى كتالوج السيارة، وحتى الآن مشفتش كتالوج فيه الكلام ده

---

+100

كلام سليم 100% و دة اللي انا قلتة برضة

اقتباس:

---

المشاركة الأصلية كتبت بواسطة Adham

اصلا لمبة Check Engine مش بتطفي الا بعد مالعربية تدور بثانيتين

تكون عملت شيك عالموتور و هوة داير

لمبات الفتيس و حرارة الزيت وحرارة زيت الاوتماتيك و كلة بيطفي ما عدا لمبة الموتور بتطفي بس بعد مالعربية تدور

و معنى كدة انة مش غلط اساسا انك تدور قبل ما اللمبة تطفي لأنها أساسا مش حاتطفي قبل ما الموتور يدور

---

احنا محتاجين رأى المهندس مصراوى جدا المحترم جدا بالنسبة لهذا الموضوع فى اللانسر

استاذ زغبي انا مكنتش عايز اقول رأيي لغاية لما اسئل حد من المهندسين عندنا في الموضوع ده لكن النهارده (الخميس) معرفتش اسأل حد فالسبت باذن الله اسأل

انما رأيي الشخصي ان الكلام ده مش صحيح والا كنت عرفت من زمان ان فيه تنبيه بيقول كده وان كان الكلام ده لا يتفق مع العقل والمنطق (انك تفتح الكونتاكت وتنتظر شوية وبعدين تدور العربية) ده بالعكس اللي اعرفه كويس ان فتح الكونتاكت لفترة طويلة بدون تدوير بتضر بالعربية

وكمان نقطه مهمه اشار ليها المهندس سبعاوي وواضح طبعا خبرته الهايلة في المجال ده وهي ان كتيب المالك مبيقولش الكلام ده خالص ولازم الكل يعرف ان كتيب المالك ده فيه كل صغيرة وكبيرة عن العربية

على سبيل المثال امبارح الاربعاء كنت مع مدير الصيانة في زيارة لمراكز الخدمة المعتمدة في اسكندرية (الصفوة والمأمون) وطول الطريق رايح جاي وهو عمال يقرأ في كتيب المالك بتاع اللانسر الجديدة ويذاكر فيه ويعرف منه تفاصيل اكتر عن العربية فطبعا كل حاجه مذكورة فيه

بس احب اسجل اعجابي الشديد بالشرح بتاع الباشمهندس سبعاوي لجزئية الآوفردرايف والكيك داون
الله ينور عليك يا باشمهندس

ربنا يطمنك يا استاذ سبعاوى انا لما بدور الصبح بدور على طول من اغير ما استنى ال 3 ثوانى بس بعد كده هعمل زى ما قلت بس عندى سؤال بما انك استاذ النيسان فى المنتدى وانا معايا صنى لما بدورفى لمبة بتنور فى النص كده لمدة تقريبا 3 ثوانى او 5 ثوانى بالظبط وبعدين تطفى انا عاوز اعرف دى لمبة ايه لحد ما اروح صيانة ال 5000 واسألهم

اقتباس:

---

المشاركة الأصلية كتبت بواسطة sab3aawy

اقتباس:

---

المشاركة الأصلية كتبت بواسطة amrtalaat

طب سبعاوى باشا ممكن أفهم إية الأوفر درايف دة؟؟؟؟ أصلى سمعت فتاوى كتيرة .......واية الفرق بينة وبين الكيك داون؟؟؟؟؟ :?:

---

الأوفر درايف over drive كلمة دارجة فى البلاد المتكلمة بالإنجليزية وتعنى اعلى نقلة فى صندوق سرعات السيارة
يعنى فى اى عربية مانيوال الأوفردرايف هو النقلة الخامسة، يعنى لما بيجيب على الخامس يبقى انا كدة بجيب الأوفردرايف

وفى العربيات الأوتوماتيك بنظام التروس الكوكبية (يعنى النظام المعتاد بتاع الأوتوماتيك مش الستيبترونيك ولا ال cvt ) الأوفردرايف هو النقلة الرابعة

وبالتالى فإن خاصية التحكم فى الأوفردرايف فى العربيات المزودة بهذة الخاصية( سواء عن طريق زرار فى العصاية او حارة فى مسار العصاية) تعنى ببساطة السماح للجير بوكس بأن يستخدم الغيار الرابع او منعه من ذلك، وعادة تصمم السيارة بحيث ان لمبة الأوفردرايف فى التابلوه تضيى عندما تكون خاصية الأوفر درايف مطفية، يعنى معنى ان اللمبة منورة فى التابلوه هو ان الفتيس غير مسموح له يجيب الرابع وبينقل بين الأول والتانى والتالت فقط، ولذلك لو دققت فى اللمبة هتلاقى مكتوب عليها O/D off، يعنى اللمبة بتقول ان الأوفر درايف مطفى

وخاصية الغاء الأوفر درايف مفيدة للقيادة التنافسية على سرعات متوسطة(تحت ال100 كيلومتر فى الساعة) لأانها بتمنع الفتيس من انه يروح على الرابع(المقابل للخامس فى العربيات المانيوال) وبالتالى بتفضل العربية على RPM عالية تمكنها من الإستجابة اللحظية للتسارع، لكن طبعا على حساب استهلاك الوقود وبشكل ما على حساب عمر المحرك على المدى الطويل جدا

الكيك داون هو ببساطة ان الفتيس بياخد غيار تنازلى مع كبس البنزين بشدة علشان يعلى ال RPM ويحسن استجابة السيارة للتسارع

طيب إيه فرق الكيك داون من الاوفر داريف:

الفرق فى المثال البسيط الآتى: لو الجير الاوتوماتيك بتاعك جايب الرابع (الغيارت دى داخل الجير نفسه ومافيش حاجة قدامك تقول الجير بتاعك على انهى غيار غير تعودك على عربيتك ومعرفتك انهى RPM تقابل انهى سرعة على انهى غيار، يعنى مثلا انت بتكون عارف انك لو ماشى 80 والrpm 3000 يبقى الجير على التالت لكن لو انت ماشى 80 والrPM 2000 يبقى كدة الفتيس جايب رابع)، المهم، لو الجير الأوتوماتيك بتاعك جايب رابع وانت رحت دايس زرار الاوفر درايف ، الفتيس هينزل على التالت(هتلاحظها من النتشة وصوت الموتور وعداد ال RPM هينط لفوق) ، وهيفضل على التالث وعمره ماهو رايح للرابع مهام سرعتك عليت لحد ما تدوس زرار الأوفر درايف تانى، لو انت قبل ما تدوس زرار الاوفر درايف كنت على التالى او التانى او الأول فلما تدوس زرار الأوفر درايف مش هيعمل اى حاجة ومش هتحس بأى تأثير له، لكن لما سرعتك تعلى العربية مش هتنقل للرابع وتفضل شغالة اول وتانى وتالت بس لحد ما تدوس الأوفردرايف تانى واللمبة بتاعته تطفى

اما لو انت ماشى رابع ورحت عامل كيك داون الجير هينزل للتالت ، وشوية مع التسارع هيرجع للرابع تانى
ولو انت ماشى تالت وعملت كيك دوان الجير هينزل للتانى وشوية مع التسارع هيطلع للتالت ولو فضلت كابس عليه هيروح للرابع تانى

ارجو الصورة تكون وضحت كدة

---

الله ينور.

قلنا الكلام ده زمان معجبش :roll:

شكرا جزيلا لكم جميعا على الموضوع المفيد ده , جزاكم الله خيرا.
انا عن نفسى بستنى لما اللمبة تطفى من باب الأحتياط فقط و بعدين أدور هى الحكايه كلها 3 ثوانى لا ضرر فيهم , و فعلا لو هو ده الصح كان لازم يكون مذكور فى كتيب المالك! ألف شكر يا جماعة الخير :-)

أنا مع أ اسلام المصرى فى هذه النقطة
ونرجو من الأستاذ سبعاوى اعطائنا معلومات عن DS فى الفتيس CVT الخاص باللانسر

اقتباس:

---

المشاركة الأصلية كتبت بواسطة mohaismail

ربنا يطمنك يا استاذ سبعاوى انا لما بدور الصبح بدور على طول من اغير ما استنى ال 3 ثوانى بس بعد كده هعمل زى ما قلت بس عندى سؤال بما انك استاذ النيسان فى المنتدى وانا معايا صنى لما بدورفى لمبة بتنور فى النص كده لمدة تقريبا 3 ثوانى او 5 ثوانى بالظبط وبعدين تطفى انا عاوز اعرف دى لمبة ايه لحد ما اروح صيانة ال 5000 واسألهم

---

تقصد اللمبة الحمراء اللى مرسوم عليها واحد لابس حزام امان وقدامه بومبة مدورة كدة؟

دى لمبة المراجعة على الإيرباج، بتنور فى الأول لحد ما النظام يراجع على الإيرباج ،ولما تطفى معناها ان الإيرباج شغالة ومظبوطة

اقتباس:

---

المشاركة الأصلية كتبت بواسطة zoghaby

أنا مع أ اسلام المصرى فى هذه النقطة
ونرجو من الأستاذ سبعاوى اعطائنا معلومات عن DS فى الفتيس CVT الخاص باللانسر

---

الفتيس ال CVT يختلف عن الفتيس الاوتوماتيك العادى بشكل كلى وجزئى حيث انه يعتمد على منظومة تسمى continuous variable transmission وهى تعتمد-بدلا من التروس- على منظومة من اسطوانتين مخروطيتين احداهما متصلة بالتغذية من المحرك والأخرى متصلة الكورونا والعجلات وبينهما سير يتم تحريكه للأمام والخلف بواسطه مجموعة هيدروليكية وعن طريق تحريك السير يتم تغيير نسبة التخفيض،
ويقوم التحكم فى الفتيس ال CVT على المحافظة على ال RPM للمحرك فى حدود افضل اداء وتغيير سرعات السيارة عن طريق تحريك السير على الجيربوكس
وهكذا يكون لدينا اختيارين لمدى RPM للمحرك

مدى افضل كفاءة(اقل استهلاك للوقود والمحرك) ومدى افضل اداء(افضل تسارع واستجابة)

ويتم الإختيار بين هذين الإختيارين باستخدام عصا الفتيس التى نختار بواستطها البرنامج الإلكتروميكانيكى المرغوب سواء كان برنامج افضل كفاءة او افضل اداء

فالوضع D (اختصار drive) هو الوضع العادى الذى يعمل على حفظ المحرك فى مدى افضل توفير

والوضع DS (اختصار drive sprot) هو الوضع الرياضى الذى يعمل على حفظ المحرك على مدى RPM عالى يحقق افضل استجابة وتسارع

ببسطة، لو انك سايق relaxed خليها على D

ولو سايق ومتوقع تجرى وتشد وترجع تفرمل وتشد تانى وهكذا (راكبك عفريت الأسفلت يعنى) خليها على Ds بس اول ما العفريت ينصرف ارجع لل D تانى

فى السفر وعلى الطرق السريعة خليك على ال D وليس DS علشان الRPM متعلاش بدون داعى( فى اللانسر على ال DS وصل عداد ال RPM الى اكثر من 6000 على 140 كم/ساعة ، لكن مع D بيكون اقل من4000 )
ولا ينصح بالتغيير من D الى DS على سرعات اكثر من 80 (ممكن تزود على الDS زى ما انت عايز لكن متغيرش من D الى DS لو سرعة العربية اكثر من 80)

الله ينور عليك ياستاذ سبعاوى شرح مفيش كده بعده

عشره علي عشره يا باشمهندس سبعاوي ;)

اقتباس:

---

المشاركة الأصلية كتبت بواسطة مصراوي جدا

استاذ زغبي انا مكنتش عايز اقول رأيي لغاية لما اسئل حد من المهندسين عندنا في الموضوع ده لكن النهارده (الخميس) معرفتش اسأل حد فالسبت باذن الله اسأل

---

أنا سألت مدير الصيانة النهارده وقال لي السؤال ده سألهولي عملاء كتير جدا والاجابة ببساطة ان لأ - تدوير العربية ليس له أي تأثير
وان لمبة Check Engine دي بتراجع وحدة الرام بتاعة الكمبيوتر بحيث لو كان مسجل فيها اي مشاكل عند ايقاف المحرك آخر مرة بتستمر اللمبة منورة ولو مفيش مشاكل اللمبة بتطفي وسواء دورت المحرك او مدورتوش اللمبة هتطفي وتدوير المحرك ليس له أي تأثير لأن دي بيانات الكمبيوتر مجهزها من آخر مرة طفيت فيها المحرك

شكرا جزيلا على الرد يا مهندس طارق جزاك الله خيرا :-)
شكرا جزيلا يا أخ سبعاوى على الشرح الوافى جزاك الله خيرا :-) أسمح لى بس أضيف على النقطة ديه Ds = Down Shift

يعني ادور علي طول ولا اية

انتظر حوالي من 5 الى 10 ثواني ودور وانت هتسمع صوت الطرمبة لما يقف دور

بصراحه سبعاوي مالكش حل

انا معجب بخبرتك جدااااااااااااااااااااااا اااااااااااااااا

ربنا يستر طريقك