الموضوع: ببيع تويتا 2006

حضرتك مش شايف ان سعرها عالى قوى !

ياباشا خليك انته مكان الى هيشترى عربيتك وقولى هتدفع 103 فى عربية كرولا 2006 ولا تجيب انواع كتير تانية زيرو ؟؟؟؟
عربيتك 1300 سى سى ده مش سعرها خالص
انا بايع لصديق ليا كرولا 2007 كاملة اوتوماتيك 1600 سى سى شامبين ومفهاش قلم بوية ب94000
وحضرتك روح اسأل على سعر الكرولا 2010 خليجى بكام ؟؟
أرجو ان حضرتك تخليك واقعى فى السعر وشكرا

السلام عليكم
براحه بس عليا انتم ليه واخدنى على الحامى كده اولا هنا معظم الاعضاء بيتكلمم وخلاص ومحدش بيشترى
ثانيا الاخ اللى بيقول يارس.ياريس ايه يا حاج؟ هو انت بتقارن الياريس بالكورولا اللى تمنها فالزيرو بعيد خالص عن الكورولا فالمستعمل؟اليارس عربيه مش حلوه زى الكورولا طبعا ولا فى اى مقارنه واسال حد راكب الاتنين
الكورولا دى عربيه ملهاش حل من اول 2003 بحد 2007 بس
اما الاخ التانى اللى بيقول ان فى عربيه تيوتا 1600 ب 94 مع احترامى ليك لو كنت فالسوق وبتعرف فالعربيات كويس.محدش بيشترى التيوتا 1600 الا خاص جدا جدا لان ملهاش سوق وبتاكل بنزين وغير كده مش محبوبه من الشعب المصرى من المعظم يعنى.ده غير اللون بالنسبه للغوامق زى الاسود والكحلى بتغلب يعنى عقبال متتباع جدا ويمكن العربيه دى وقعت لقطه فايدك ده اذا كان مع احترامى ليك مفهاش رش.
وبالنسبه للتيوتا 2008 عربيه فيها عيوب كفايه ان محدش يشتريها وكله يتهرب منها عشان العيوب اللى ظهرت وانت عارف ان شركة تيوتا وعدت عملائها انها هتنزل موديل جديد احسن من ال2007 وال2008 عموما انزل السوق وهتسمع 113000 ونشوف لو انا فلطان
انا ركيب تيوتا من اول 2003 ومش بركب غير حاجات كسر زيرو.وبعدين انا مش بعرض العربيه وبس ومتهايالى لو حد كان همه الحوار كان اتصل مش يكتفى بالتعليق بس.ولكل الاعضاء انها تعرف ان التيوتا عربيه ملهاش حل سواء فى عفشه او فى ركوبه او فخامه كلها كلها حلوه جدا.الا عالطريق طبعا مش ثابته اوى الا اذا ضفنا بعض التعديلات.والكلام اللى انا قولته ده اسال فيه اى تاجر ويقولك ان التيوتا 1600 مش مطلوبه زى ال1600 خالص.وشكرا

ربنا يحسنلك بيعها

كلامك كله صح
بس بردو السعر عالى عليها