الموضوع: عدة طرق لمكافحة سرقة السيارات

فى هذا الموضوع اتحدث عن سرق السيارات وقد اصبحت منتشرة هذه الايام فى ظل غياب وانشغال الامن فى اشياء اخرى وساحاول ان اضم كل طرق الحماية فى هذا الموضوع.

1- لا تنزل ابدا من سيارتك وتتركها مفتوحة مهما كانت الاسباب والدوافع , دائما اغلق السيارة بعد خروجك منها مباشرة حتى لو كنت هتشترى علبة سجاير من الكشك كالعادة.
2- احرص على عدم ترك اى متعلقات شخصية فى اى مكان ظاهر يعنى متحطش الموبايل على التابلوه او الساعة او المحفظة, يفضل انك تحطهم فى درج التابلوه او فى المخدع اذا كان هناك واحد.
3- احيانا نقابل اشخاص نعرفهم فى الطريق ونقف لكى نسلم عليهم وفى هذه الاحيان يجب ان تأخذ مفتاح سيارتك معك وانت نازل من السيارة ولا تتركه فيها او تتركها دائرة .
4- لا تترك مفتاح سيارتك لاى عامل فى محطة بنزين او جراج سيارات او اى شخص لا تعرفه ولا تعرف معلومات كافية عنه.
5- لا تبخس السيارة حقها فى جهاز الانذار فتروح تشترى جهاز انذار بخس الثمن وتقول لنفسك " اهو هيوفى الغرض" احرص على ان تقتنى جهاز جيد يعمل عند كسر الزجاج او فتح السيارة بمفتاح من الخارج او بطريقة اخرى .
6- الكلابش وهو شىء مهم جدا لانه سوف يعطل اللص كثيرا لكى يتمكن من فكه وهو على شكل عكاز من الناحيتين يربط عجلة القيادة بدواسة البنزين.
7- غطاء السيارة وهو شىء مهم جدا لان اللص يفكر بطريقة اهبش واجرى ومعندوش اى استعداد انه يلم غطاء الاول ويفضل لو كان الغطاء دة مربوط فى السيارة نفها من الاكصدام الامامى او الخلفى.
8- بعض الناس يذهبون للكهربائى لتركيب زر اما وهو عبارة عن مفتاح يتحكم فى فصل ووصل الكهرباء عن موبينة السيارة وبالتالى لن يستطيع اللص ادارة الموتور.
9- بعض الناس ذهبوا الى استعمال وسائل اخرى منها على سبيل المثال لا الحصر , ربط احدى عجلات السيارة بجنزير الى ماسورة مياه او مجارى وطبعا دة منظر بايخ ولكنه عملى الى حد بعيد ويمكن استعماله فى حالة اعتياد الابناء السطو على سيارة السيد الوالد :D

[quote="sokasoon"]

المشاركة الأصلية كتبت بواسطة Abdallah

[size=6]5-

انا ليا تعليق فقط على جهاز الانذار هو ان الانذار بيشتغل عند ملامسة السيارة او محاولة فتح الباب مجرد انو يمسك

الاوكره ويحركها بيشتغل على طوول جهاز الانذار بس مش عملى لما تكون فى البيت ونايم فى الدور التاسع والعربية

تحت جهاز الانذار هيقد يشتغل شوية وعلى ما تصحا يكون الحرامى خد العربية ومشى ومافيش شك فى بعض الاحيان لو

الحرامى حاول يفتح وجهاز الانذار اشتغل واصدر صوت عالى بيخاف وبيجرى يعنى مفيد فى حالات وحالات لا

انا استعمل جهاز انذار يعمل كالاتى, عند كسر الزجاج وعند فتح السيارة بدون الريموت يعنى حتى لو فتحتها بمفتاحها الاصلى برضة هيشتغل ودة كان انسب شىء لقيته وبالنسبة لموضوع الدور التاسع دة ففى قاعدة تقول ان الحرامى جبان, يعنى لو جهاز الانذار ضرب هوا مش هيستنى يفتح العربية وياخدها ويمشى, لاء طبعا هيسيبها ويطلع يجرى لان طبعا الانذار هيفضحه وهوا معندوش استعداد يتمسك عشان عربية اى كانت.