كلمة ونص - السابع من نوفمبر 2007

**Abdallah** · 07-11-2007 10:06 PM

النهاردة كنت واقف في البلكونة و يصادف إن على بعد حوالي 200 متر من بيتي مدرسة خاصة ابتدائية, وهالنى طريقة الخروج الهمجية للأطفال من المدرسة , الأطفال عندما يُفتح الباب يندفعون خارجين كأنهم يهربون من مارد شاخر ناخر يجرى ورائهم بسوط سوداني معتبر, وذكرني هذا المنظر بمن يعبرون الشارع فجأة سواء كانوا أطفال أم شيوخ ويفكرون بمبدأ " ماهو معاه فرامل " وسألت نفسي أين تعلم الناس هذه السلوكيات ؟؟؟
يا سادة قبل أن نلقن أولادنا العلم ( إذا كانوا يتلقونه ) يجب إن نعلمهم النظام والسلوك الحسن و لذلك يجب على كل منا أن يبدأ بنفسه وأهله وما ملكت أيمانه لعلنا نكون شعبا منظما يوما ما.

**Ahmed Anwer** · 07-11-2007 10:12 PM

وهالنى طريقة الخروج الهمجية للأطفال من المدرسة ,

حتي أطفال ابتدائي مش عجبنا ؟؟؟؟

انا عايز طريقة اخري للأطفال يخرجوا بيها من المدرسة من غير جري و تنطيط

دول أطفال يا عالم هما وراهم حاجة في الدنيا غير الجري و التنطيط و العفرته

لوا في اعتراض يبقي في اعتراض علي إن مفيش فرد مرور بيوقف الشارع لحظة خروج الأطفال زي بره

**oshy** · 07-11-2007 10:37 PM

فى حل للموضوع ده و يتم تنفيذه على 3 خطوات :-
1 - عمل مطب معتبر أمام المدرسه
2 - تعريف الطلبه داخل المدرسه كيفية عبور الشارع بطريقه أمنه
3 - توظيف عمال بالمدرسه مهمتهم مراقبه الطلبه و التأكد من الحاله المروريه أثناء خروجهم للحرص على سلامتهم