ماذا تشتري في رينج 35 ألف بولو - ميرا - أبيزا - برايد - كورسا ولماذا؟؟

عايز اشتري عربية في حدود 35000ج تكون هاشتباك و الاختيارات اللي قدامي هي:
فولكس بولو - دايهاتسو ميرا - سيات أبيزا - كيا برايد - أوبل كورسا
عايز ترشيحات الناس بس ياريت اللي جرب عربية و عارف انها كويسة هو اللي يقول رأيه يعني بلاش الرأي عن طريق السمع عشان انا محتاج اشتري في اسرع وقت ممكن
ايه اكتر عربية قطع غيارها متوافرة ورخيصة بالترتيب ؟ و ايه اكتر عربية اعتمادية فيهم وموجود منها حالات حلوة في السوق
اصل انا كنت خلاص هشتري بولو بس للاسف كل الحالات اللي شفتها كانت تعبانة جدا ومش عارف دلوقتي اعمل ايه
افيدوني جزاكم الله خير

أبيزا

seat ibiza or Opel corsa
but good state is required
or i think u can get a Honda civic 92 with this price

رأيي الشخصي ده الترتيب وعند تجربة شخصية :-
ابيزا
بولو
كورسا
ميرا او شاريد
برايد

ولكن المهم جدا هو الحالة العامة للسيارة يعني اللي تلاقيها حالتها العامة كوسية في البولو والإبيزا بالذات كويسة يبقي توكل علي الله وانت مغمض والله الموفق
وكمان ما تنساش الكماليات دورت علي عربية يكون فيها كماليات كتير علي قد ما تقدر زي (تكييف - زجاج كهرباء - سنتر - مرايات كهرباء ) وتكون أصلية مش تركيب

اه نسيت أقلك ليه
الإبيزا = البولو = قطع غيار متوفرة جديدة واستعمال معمرة جدا جدا وان كانت اغلي حاجه بسيطة من قطع غيار الكوري + استهلاك بنزين ممتاز + ثبات ممتاز جدا جدا + سحب وجري بالنسبة لفئتها رائع جدا جدا + صيانتها قليلة مع المتابعة الجيدة

اقتباس:

---

المشاركة الأصلية كتبت بواسطة ehab_mansour

رأيي الشخصي ده الترتيب وعند تجربة شخصية :-
ابيزا
بولو
كورسا
ميرا او شاريد
برايد

ولكن المهم جدا هو الحالة العامة للسيارة يعني اللي تلاقيها حالتها العامة كوسية في البولو والإبيزا بالذات كويسة يبقي توكل علي الله وانت مغمض والله الموفق
وكمان ما تنساش الكماليات دورت علي عربية يكون فيها كماليات كتير علي قد ما تقدر زي (تكييف - زجاج كهرباء - سنتر - مرايات كهرباء ) وتكون أصلية مش تركيب

---

كلام صح 100%:verygood:

اقتباس:

---

المشاركة الأصلية كتبت بواسطة ehab_mansour

اه نسيت أقلك ليه
الإبيزا = البولو = قطع غيار متوفرة جديدة واستعمال معمرة جدا جدا وان كانت اغلي حاجه بسيطة من قطع غيار الكوري + استهلاك بنزين ممتاز + ثبات ممتاز جدا جدا + سحب وجري بالنسبة لفئتها رائع جدا جدا + صيانتها قليلة مع المتابعة الجيدة

---

طيب حضرتك ممكن تقولي قطع غيار الابيزا عاملة كام؟
يعني الفوانيس التيل سير الكاتينة

up up up

شوف الأكسنت لو عايز سيدان ممكن تلاقي فى الرينج دة

غير كدة الأبيزا والبولو قريبين من بعض

والكورسا بسمع ان قطع غيارها غالية لكن كعربية الله أعلم حلوة ولا لأ ، بس اكيد تلاقيها حلوة

والتلاتة دول مينفعش يتحطو مع التلاتة التانيين فى نفس التصويت

قطع غيار الأبيزا فى قسم السيات علي فكرة ، وهيا حلوة جدا بس مشكلتها الكبري انها شبابي وبالتالي من النادر تلاقي واحدة مش مطحونة

انا صوت للابيزا بس صعب اوي تلاقي عربية بحالة سليمة
بس انا لو هجيب ممكن اكسنت 1300 موديل قديم شوية او اكسيل 1500 في رانج الفلوس اللي معاك و هتلاقي فيهم بسهولة حالات ممتازة و قطع الغيار رخيصة
از تزود شوية 3-4 الاف و تجيب لانوس 1 و دية احسن واحدة فيهم

ابيزا جامدة جداااا

اقتباس:

---

المشاركة الأصلية كتبت بواسطة أبومريم

طيب حضرتك ممكن تقولي قطع غيار الابيزا عاملة كام؟
يعني الفوانيس التيل سير الكاتينة

---

الفوانيس قدام جديد تايواني او استيراد اصلي مستعمل = 150 جنيه
فانوس اشارة امامي تايواني = 30
تيل فرامل أسباني امامي = 120 جنيه
سير كاتينة ايطالي =60 مغيره علي 50 الف والبوش الألماني =90 وبيتغير من 60 ل 70 الف
بلي عجل خلفي الماني = 55
بلي عجل أمامي = تقريبا 65 او 75 لأني ما غيرتهوش بس كنت سألت عنه
بلية شداد كاتينة ومنها انواع ودي اللي غالية فعلا ليه مش عارف الماني = 275 و كندي =250 وصيني = 160
طقم دبرياج كامل فاليو أسباني جديد أصلي = 550
رادياتير استيراد = 200 جنيه
ربع أمامي كامل استيراد بحالة الزيرو = 1500
فانوس خلفي استيراد اسباني أصلي بحالته = 100
4 باب كاملين بزجاجهم وبمكن زجاج كهرباء و بفرشهم و بكل حاجه + زراير تشغيل الزجاج الكهرباء بالفيش كل ده أصلي استيراد بحالة ممتازة = 1100 الي 1200 حسب شطارتك في الشراء

شوف حضرتك عايز ايه تاني وانا تحت أمرك كل دي أسعار حقيقية وانا شاري بيها
والله الموفق

اقتباس:

---

المشاركة الأصلية كتبت بواسطة fouad nour

انا صوت للابيزا بس صعب اوي تلاقي عربية بحالة سليمة
بس انا لو هجيب ممكن اكسنت 1300 موديل قديم شوية او اكسيل 1500 في رانج الفلوس اللي معاك و هتلاقي فيهم بسهولة حالات ممتازة و قطع الغيار رخيصة
از تزود شوية 3-4 الاف و تجيب لانوس 1 و دية احسن واحدة فيهم

---

أخويا معاه لانوس 2 بقالها 8 سنوات وزميل ليا معاه لانوس 1 وأخر معاه أكسنت 1500 موديل 98
بصراحة وبكل وضوح السيارات الثلاثة دول لسه لم يصلو ال 200 الف كيلو وحالتهم بقت سيئة لحد ما انا معايا الإبيزا 244 الف كيلو وبفضل الله أحسنهم حالا رغم انها بتتعامل أسوء منهم من حيث الجري والشد وما الي ذلك لكن الاكسيل بقه ؟؟؟؟؟؟؟؟ كفاية كده
وربنا يوفق الجميع

عن تجربة للكورسا عربية محترمة جدا و مشاكلها قليلة موديلات 94-97
و لحد دلوات العربية ما اشتكتش منها بصراحة

اقتباس:

---

المشاركة الأصلية كتبت بواسطة ehab_mansour

أخويا معاه لانوس 2 بقالها 8 سنوات وزميل ليا معاه لانوس 1 وأخر معاه أكسنت 1500 موديل 98
بصراحة وبكل وضوح السيارات الثلاثة دول لسه لم يصلو ال 200 الف كيلو وحالتهم بقت سيئة لحد ما انا معايا الإبيزا 244 الف كيلو وبفضل الله أحسنهم حالا رغم انها بتتعامل أسوء منهم من حيث الجري والشد وما الي ذلك لكن الاكسيل بقه ؟؟؟؟؟؟؟؟ كفاية كده
وربنا يوفق الجميع

---

بس العربيات دية شغالة تاكسي كثير جدا و اكيد عاملة اكثر من 200الف و مطلوبة في السوق اكثر بعكس الابيزا مع ان الابيزا ممتازة و اعتمادية اكثر
على فكرة لصاحب الموضوع الابيزا كثير عليها اوي 35الف

هوه ليه محدش جاب سيرة السويفت اعتقد انها في الرينج ده واعتقد بردو انها حلوة ياريت ارائكم

انا بدور على هاتشباك مش سيدان

البولو افضل بكتيرررررررررررر من كل اللى مكتوب
وانا معايا بولو بسم الله ماشاء الله عليها طالما حتحافظ عليها او حتشتريها استعمال نظيف
وقطع غيارها اسعارها متوسطة وقريبة من اسعار قطع غيار الايبزا
يعنى بردو تيل فرامل اسبانى بجيبه من 110 لغاية 120 والبوجيهات ب50 وفلتر هوا 35 وفلتر بنزين 60 وجبت قبل كدا ترموستات بتاعت حرارة ب90 اسبانى وتيش بتاع عصاية الفتيس لانه كان بيهرب منى فى النقلات ب40 جنية وجبت سير دينامو ب50 يعنى قطع غيارها متوسطة ومعمرة بردوا وبتقدر تحمل عليها
وبعدين اقتصادية فى البنزين وثباتها احسن من الايبزا والكورسا
غير ان شكلها احلى

اقتباس:

---

المشاركة الأصلية كتبت بواسطة ali357

البولو افضل بكتيرررررررررررر من كل اللى مكتوب
وانا معايا بولو بسم الله ماشاء الله عليها طالما حتحافظ عليها او حتشتريها استعمال نظيف
وقطع غيارها اسعارها متوسطة وقريبة من اسعار قطع غيار الايبزا
يعنى بردو تيل فرامل اسبانى بجيبه من 110 لغاية 120 والبوجيهات ب50 وفلتر هوا 35 وفلتر بنزين 60 وجبت قبل كدا ترموستات بتاعت حرارة ب90 اسبانى وتيش بتاع عصاية الفتيس لانه كان بيهرب منى فى النقلات ب40 جنية وجبت سير دينامو ب50 يعنى قطع غيارها متوسطة ومعمرة بردوا وبتقدر تحمل عليها
وبعدين اقتصادية فى البنزين وثباتها احسن من الايبزا والكورسا
غير ان شكلها احلى

---

هي ثابتة اكتر من الكورسا بس ثبات الابيزا احسن من الاتنين ودا باين حتى من حجم كل عربية

الابيزا و البولو كويسين،،الكورسا ممتازة جدا بس الابيزا وضعية القيادة بتاعتها احسن بكتير من الكورسا ضيقة من ادام

بس الفكرة ان العربيات دى صعب تلاقى حالة نضيفة،احنا مبعناش الابيزا ولا قريبى باع الكورسا الا لما خدنا حقّنا من العربيةّّّّّ!!! و مع ذلك اللى اشتراها كان بيشكرنا عليها هههههههه

والله المبلغ اللي مع حضرتك كتييير علي العربيات المذكورة...الابيزا والبونتو والكورسا والجولف 2 والبولو...سعرهم مستحييييييل يعدي ال30 الف مهما كانت الحالة..سيبك من كلام اللي بيبيع او كلام مواقع بيع المستعمل...العربيات دي ليها سقف مش بتعديه..دة في ناس اعرفها جايبين ابيزا ب25الف وواحد تاني جايب بونتو ب24 ...والجولف 2 بردوا 27..وكلهم حالات ممتااازة فابريقة دواخل وتكييف وجنط وكدة..

اقتباس:

---

المشاركة الأصلية كتبت بواسطة i_Am_Legend

والله المبلغ اللي مع حضرتك كتييير علي العربيات المذكورة...الابيزا والبونتو والكورسا والجولف 2 والبولو...سعرهم مستحييييييل يعدي ال30 الف مهما كانت الحالة..سيبك من كلام اللي بيبيع او كلام مواقع بيع المستعمل...العربيات دي ليها سقف مش بتعديه..دة في ناس اعرفها جايبين ابيزا ب25الف وواحد تاني جايب بونتو ب24 ...والجولف 2 بردوا 27..وكلهم حالات ممتااازة فابريقة دواخل وتكييف وجنط وكدة..

---

الموضوع من 2009 المفروض انه اشترى وباع كمان:hitwall3:

انتو ايه اللي فكركوا بالموضوع ده
انا فعلا اشتريت و بعت و اشتريت تاني :)

السلام عليكم
انا بفكر انى اشترى عربية من التلاتة
بولو - ابيزا - كورسا
يا ترى اخبارهم اية النهاردة واسعار قطع الغيار
بدور فى رنج 35 - 40 الف بالكتير
و حيران مش عارف اية الافضل
فى ناس كتير بيقولوا الكورسا
انا عاوز عربية حالتها حلوة و تكيف اساسى فى العربية
يا ترى تنصحونى باية
ولو فى اى اختيارات لاى عربية تانية فى نفس السعر بردو عرفونى

كيا برايد

فين الفورد فيستا فى العربيات ديه سعرها ارخص منهم وامكانياتها تتساوى مع الابيزا والبولو مع الفارق ان المبلغ ده يجيب عربية فيستا بحالة فوق الممتازه عكس الابيزا والبولو

برايد

:Y_hi_3[1]::Y_hi_3[1]::Y_hi_3[1]::Y_hi_3[1]::Y_hi_3[1]::Y_hi_3[1]::Y_hi_3[1]: