أستفسار بخصوص الوجان

**ahmedsamir87** · 30-09-2009 03:50 PM

العربية ماشاء الله عجبانى جدا و أريت كل المكتوب عنها فى المنتدى و أقتنعت الحمد لله بس كل النلس مخوفانى منها الأهل و الأقارب حتى واحد صحبى بيشتغل فى الطارق قالى ابعد عنها قطع غيار مش كويسه و خشنة قوى و عفشه مش تمام مع العلم أن كان عندى لادا 2105/95 فا أعتقد أنى حنبصت بيها إن شاء الله ... لو شجعتونى أنى أتوكل على الله و أشتريها عايز حد ينصحنى بمكان بيسلم فورى بسعرها ال 66900 فى اسكندرية أو القاهره عشان أنا سئلت فى الطارق قالى أستلم فى 3 شهور أو فورى ب 70000 و التوكيل قالى حاستلم فى خلال شهر 12 طولت عليكو و مشكورين مقدما d:

**neemmohamed** · 30-09-2009 04:12 PM

؟؟؟؟؟؟؟؟؟؟ قطع غيار ايه اللى بيتكلم عليها هو حد لسا غير حاجة فيها .... و بعدين العربية و العفشة مش خشنة ولا حاجة بالعكس .... و اكيد طبعا ها تحس بفرق كبير بينها و بين اللادا

استخير ربنا و توكل على الله

**neemmohamed** · 30-09-2009 04:14 PM

و لو على اسعار قطع الغيار شوفها و قارنها بغيرها .... ها تلاقى كشف الاسعار ديه فى التوكيل

**Ahmed Selim** · 30-09-2009 04:22 PM

روح لمحمد ذكى

**mrizk_3002** · 30-09-2009 05:12 PM

المشاركة الأصلية كتبت بواسطة ahmedsamir87

مع العلم أن كان عندى لادا 2105/95 فا أعتقد أنى حنبصت بيها إن شاء الله ... D:

انا برده كان معايا لادا 2107 موديل2009 و الناس كلها كانت بتنتقدني عشان اخترت اجيب اللوجان و هوه نفس الكلم اللي انت بتسمعه ده. اصلها خشنه و قطع غيارها غاليه.

انا بس عايز اقولك ان اللوجان بتختلف عن كل موديلات الرينو انها اصلاً مصنعه لدول العالم التالت و ده بيفسر فرق سعرها الرخيص عن بقيت موديلات الرينو و بالتبعيه قطع الغيار ارخص و ممكت تسأل في التوكيل علي الاسعار.

من ناحية ان عفشتها خشنه فانا اقدر اقولك ان ده افتراااااااااااء لان بجد عافشتها نعمه و شديده يعني تحسسك ان العربية ماسكه في الاسفلت كويس و دي حاجه انا شايفه مطمئنه.

توكل علي الله و جيبها.

متهيئلي الناس كلها بتشكر في محمد زكي بيسلم بسرعه و تقريباً بنفس سعر التوكيل

**ahmedsamir87** · 30-09-2009 05:26 PM

ألف شكر شجعتنى أكتر و أنا حتوكل على الله... بس عايز أعرف مكان محمد زكى أو ركم تليفون و لو فى حد فى alex يبقى أفضل

**gebreel** · 30-09-2009 05:46 PM

اللوجان اختيار موفق، انا حجزتها و ان شاء الله استلم قريب حجزت من محمد زكي و هو موجود في القطامية بعد ماتنزل من الدائري في اتجاه مدينة نصر هتلاقي بعد النفق و رقم تليفونه 19420 و هو بيسلم بسعرها الرسمي زيادة 100 جنيه بس مش فارقة و تقريبا ال100 جنيه دي علشان يجبلك الورق كامل مش تقعد تجري ورا المرور و كدة بس هة العيب الوحيد بتاع محمد زكي هيبقى بالنسبالك في تسليم الورق لانه بيسلموا بعد الاستلام بيومين فعلشان تسافر و ترجع هتبقى كتير بس حاول تظبتها معاهم
الحجز في محمد زكي ب1000 جنيه يارب اكون ساعدت و لو بالقليل

**mostafabakry** · 30-09-2009 07:52 PM

هو حضرتك ازاي بتقول انك قريت كل المواضيع اللي مكتوبه عن اللوجان هنا في القسم و لسه بتسمع كلام من حد برا المنتدي !!!!
انا شايف انك لو فعلا قريت كل اللي احنا قلناه علي العربية دي ما كنتش هتسمع كلام الناس اللي بيتخوفك منها و هما اصلا يمكن ميعرفوش شكلها عامل ازاي
و خلي بالك لو سألت اي حد ماشي في الشارع عن عربيات رينو هيظطلك فيها و بس و يمكن يكون هو مالوش في العربيت من اصله

يا باشا الكلام اللي مكتوب هنا بناءا علي تجارب و استخدام فعلي للعربية مش كلام و بس
استخير ربك و توكل عليه و سيبك من كلام الناس اللي لا بيقدم و لا بيأخر

-

الموضوع: أستفسار بخصوص الوجان

LinkBack

أدوات الموضوع

عرض

-

-

-

-

-

المواضيع المتشابهه

أستفسار بخصوص sym fiddle II

أستفسار بخصوص السوران

بخصوص أى أستفسار عن 405

أستفسار بخصوص تيل الفرامل

الكلمات الدلالية لهذا الموضوع

المفضلات

المفضلات

ضوابط المشاركة