هل عندنا مهندس ديكور و تشطيبات في المنتدي ؟
انا عارف إن نايل موتورز فيه جميع التخصصات
الحقيقة انا بشطب شقة للعائلة دلوقت و خايف أبوظها .. انا قريت موضوع نادر
انا عارف عمال كهرباء و سباكة كويسين و شغلهم ممتاز و مجربهم قبل كدة
اما عمال تركيب السيراميك و الدهانات شغلهم كان سكة و معجبنيش و إتخانقت معاهم قبل كدة لأن عملولي شغل مش كويس خالص غير إن كانوا بيسرقوا السيراميك فا مش هستعين بيهم في هذه الشقة.
فا انا كنت بدور علي حد يديني أفكار أعملها و لو يعرف عمال كويسين في المجال ده بالذات لأني ناوي أعمل شوية أشكال بالسيراميك و مش عايز أبوظها .. و في نفس الوقت لو هو عنده أفكار هو نفسه .
و يا سلام لو هو يعملي تصور مبدئي للغرف علي الكمبيوتر و أشوف أمثلة و نتفق علي سعر و هو منه للعمال و انا أستلم علي طول يكون جميل جداَ .
الشقة مكانها الشيخ زايد .
لو مفيش بقي يا ريت نعمل الموضوع مناقشة للديكورات و نشوف إبداع النايل موتورزية و نشوف إيه أخر صيحات التشطيبات :b4_039: