سؤال للاستاذ طارق و ناسف على الازعاج

انا معى لانسر 1300 مو 2007 خليجى فى الاسكندرية و السيارة كان معها ضمان من مجدى شاهين
المهم قبل صيانة العشرين الفرامل كانت بتصفر و بلغونى فى مجدى شاهين ان التيل انتهى و تم تغيره باخر اصلى ... بعد الف كيلو رجع يصفر ثانية رجعتلهم فقالوا ان الطنابير كانت محتاجة تتنظف و بعد 1500 كيلو رجعت تصفر فذهبت لميكانيكى خاص يفهم فى اللانسر فوجدنا ان التيل الموجود صينى (ليس الاصلى) ثم تم تركيب تيل الاصلى(sumotomo و ظهره لونه اخضر)
و حاليا انا عامل 28800 و التيل رجع يصفر
ممكن يكون ايه السبب انا احترت و كمان عاوز اعمل صيانة الثلاثون فى مكان محترم و عنده قطع غيار اصلى
ارجو الافادة

غريبه اوى انهم يكذبو فى مجدى شاهين ويركبو قطع صينى وسؤالى هنا ليه حضرتك ماروحتش للمركز ده تانى وتشوف ليه الغش اللى حصل ده وتبلغ عنهم فى حماية المستهلك
ثانيا تصفير الفرامل ده ساعات بيحصل حتى فى التيل الاصلى وبعد خرط الدرام كمان وده ساعات بتبقى محتاجه تظبيط عند الميكانيكى بيقوم بشد الفرامل شويه او بيخفها موش عارف هى بتبقى ترس صغير بيقوم بالشد منه على التيل
او بيكون النظام كامل بتاع الفرامل فيه مشكله ودى بتبقى نادر اوى خصوصا ان الاول ماكنش فيه عندك صوت
فالافضل انك تشترى تيل اصلى وشوف الانواع ايه عشان انا ماعرفش وروح عند ميكانيكى يحل الدرمات بتاعه البريك ويخرطها ويكبها ويركب عليها التيل وان شاء الله ماتصفرش تانى

تمام كده يبقى خلو بالكم يا اسكندرانيه من مجدي شاهين لأن كده ميصحش توكيل يركب قطع غيار مش أصليه

اقتباس:

---

المشاركة الأصلية كتبت بواسطة a_soliman_eng

انا معى لانسر 1300 مو 2007 خليجى فى الاسكندرية و السيارة كان معها ضمان من مجدى شاهين
المهم قبل صيانة العشرين الفرامل كانت بتصفر و بلغونى فى مجدى شاهين ان التيل انتهى و تم تغيره باخر اصلى ... بعد الف كيلو رجع يصفر ثانية رجعتلهم فقالوا ان الطنابير كانت محتاجة تتنظف و بعد 1500 كيلو رجعت تصفر فذهبت لميكانيكى خاص يفهم فى اللانسر فوجدنا ان التيل الموجود صينى (ليس الاصلى) ثم تم تركيب تيل الاصلى(sumotomo و ظهره لونه اخضر)
و حاليا انا عامل 28800 و التيل رجع يصفر
ممكن يكون ايه السبب انا احترت و كمان عاوز اعمل صيانة الثلاثون فى مكان محترم و عنده قطع غيار اصلى
ارجو الافادة

---

حضرتك ممكن تروح احد المركزين المعتمدين من الوكيل في اسكندرية وهما :
- شركة الصفوة - طريق محرم بك القباري السريع تليفون 3622205 - 3622206
- مركز المأمون - الأزاريطة ش هيبوقراط ت : 4844617
وهما ممكن يكشفوا على الفرامل واعتقد ان التيل طالما اصلي هيكون لسه مليان وممكن يخرطوا الطنابير فقط والصفارة تروح وخرط الطنابير (أو مسح الطنابير) عملية مفيش خوف منها ولا ضرر على الطنابير

اقتباس:

---

المشاركة الأصلية كتبت بواسطة slimbig

تمام كده يبقى خلو بالكم يا اسكندرانيه من مجدي شاهين لأن كده ميصحش توكيل يركب قطع غيار مش أصليه

---

مجدي شاهين مستورد للسيارات الخليجي ولديه مركز خدمة لصيانتها انما ليس له علاقة بالوكيل ولا مركز خدمة معتمد

اشكر حضرتك جدا لاهتمامك
بس انا بسمع كلام كتير مش حلو عن المامون او الصفوة و ان فيهم نفس العيب

شكرا يا باشمهندس عالمعلومه القيمه