-
الزيت بينقص
السلام عليكم
أرجو المساعدة فى فهم وحل مشكلتى وهى ان الزيت بينقص ودى تانى مره تحصل.
اول مره حصلت كنت ماشى عادى خالص لقيت فجأه صوت انذار طالع من التابلوه ولمبة الزيت منوره , قمت واقف على جنب وبصيت على مقياس الزيت لقيته ناشف ماعادا الطرف كان عليه نقطه زيت , قمت مزود حبه كانو معايا وروحت لواحد موثوق فيه , وبعد الفحص لقينا فى زيت منتور على الخراطيم اللى على يمين الماتور.
المهم نضف الزيت اللى واقع واتضح ان كان فى خراطيم سايبه ربطناهم كويس ومشيت عادى لمدة شهر تقريبا , وحصل الموضوع تانى امبارح.
فى ناس بتقول ممكن تكون عايزه طقم شنبر . الكلام ده صح ولا ايه.
العربيه بولو 2000
واسف للاطاله
جزاكم الله خيرا
-
معلش طقم الشنبر دا ليه ظواهر مابيجيش كدا مره واحده ومعنى طرطشه زيت على الخرطيم دا معناه ان الزيت بيخرج بره على جسم الموتور
هل فى دخان ابيض او ازرق بيطلع من الشكمان
الحاجه التانيه أخبار جيوان غطى التاكيهات وأولسيلات المبخره والمبخره نفسها أيه وبردو غطى تزويد الزيت هلى فيه مشكله عندك
والكارتير الخاص بالزيت اسفل المحرك هل يوجد أثار زيت عليه
الحاجه الأخيره حاله طبه الزيت ايه وممكن يكون البيه اللى فك طبه الزيت عشان يغيره مربطهاش كويس فبقت تسرب الزيت لحد مانقص
جاوب على الحاجات دى وان شاء الله نقدر نحدد
-
ممكن جوان غطا التاكيهات..
المهم الموتور كده حالته هتتدهور وهيجيب شمبر من قلة الزيت!!
زود أول بأول
-
خلى بالك يا باشا من الموضوع ده و ما تسكتش عليه و ربنا يسترها معاك و معانا
-
شكرا لردكم واهتمامكم,واسف للتأخير فى الرد.
اللى انا متأكد منه غطا تزويد الزيت سليم و الكرتيره مفيش عليها اثار زيت وطبة الزيت مربوطه كويس.ومفيش اى دخان خالص.
معرفش ايه نظام جيوان غطى التاكيهات وأولسيلات المبخره والمبخره بس حابص عليهم وأقولكم.
وانا متابع مستوى الزيت ولو فيه اى نقص بزود علطول.
وشكرا لاهتمامكم ومساعدتكم مره أخرى.
-
هو ممكن يكون من تبخير فايص الزيت
وكمان فى حاجه مهمه
ايه هو نوع الزيت اللى بتستعمله
وقعد قد ايه او كام ك
-
أنا كنت بستعمل زيت امارات مصر ال 10000 وكنت مشيت عليه حوالى 4000 كم
-
مفيش مشكلة ولا سبب يخليه ينقص..
لازم حد يبصلك على الموتور..
-
على فكره زيت امارات مص سئ للغايه
وانا جربته قبل كده فى البيتل
كان المفروض يقعد3000ك على كلامهم
وانا غيرت بعد 500ك بالظبط
احتمال كبير يكون نوع الزيت
-
لازم حد يبوصلك على الموتور زى ماقال أوريجينال بالظبط
غير كدا يبقى بنضيع وقت وكولو من عمر موتورك
Content Relevant URLs by
vBSEO 3.6.0 PL2