إلغاء الدعم الحكومى للطاقة- البنزين والكهرباء وغيرهما-خلال ٥ سنوات

**Car's Sniper** · 01-10-2009 03:20 AM

ياجماعة ماتبقوش كدة مش اول ما الحكومة تعمل حركة واطية نقعد نقول ياريتنا ماكنا مصريين
انا مصرى وهفضل فى البلد دى مهما حصل ولو لم اكن مصريا لوددت ان اكون مصريا
ماهو قالوا من سنة كدة انهم هايشيلوا الدعم من على انابيب البوتاجاز ومحصلش حاجة وبرضه بيقولوا دلوقتى الكلام ده وبردوا ان شاء الله مش هايحصل حاجة
ودى حكومة بردو مش فريق جومباز ومانكرش ان دى اسوأ حكومة(لانى تقريبا ماشفتش غيرها-عندى19سنة-بس قريت كتير عن اللى فاتو) بس بردوا شوفوا العالم بره عامل ازاى يعنى الازمة الاخيرة دى رفعت مستوى الفقر فى العالم كله مش فى مصر بس وربنا يسهل وياريت كل واحد فينا يعمل اللى عليه بضمير وان شاء الله ربنا مش هيضيع جهدنا وهيرزقنا من حيث لا نحتسب

**blazer** · 01-10-2009 03:50 AM

المشاركة الأصلية كتبت بواسطة superiorboy

الكلام ده مطبق برة علشان فيه نسبة بين الدخل و الزيادة ... لكن احنا عندنا ما شاء الله الدخل ثابت و الحاجة عمالة تزيد و الدخل ثابت و الحاجة تزيد الخ...
كان لتر ال90 بجنيه خلاه ب175 قرش و لما قلنا ايه الاستهبال ده قال ماهي الحكومة لسة بتدعمو بس الدعم نسبته قلت دلوقتي هيشيل الدعم خالص
عارفين معنى ان الدعم يتشال من على البنزين و الكهرباء ايه اللي يحصل؟!
يعني البنزين هيغلى
يعني المواصلات هتغلى يعني بدل مالتذكرة ما كانت بجنيه بقت بجنيه و بريزة بقيت بجنيه و نص يعني هتبقى ب3جنيه؟ّ يعني واحد عنده عيلين و مراته و هو لو حبو بنزلو من بيتهم يدفعو رايح جاي 24 جنيه ده ايه الاستهبال ده؟!
يعني المترو هيغلى بدل ماكان ب.75 قرش بقى بجنيه هيبقى بجنيه و نص ولا 2 جنيه يعني برده هيبقى استهبال
يعني صناعة السيارات هتضرب في البلد لان الناس هتبقى قادرة على الشراء(ده لو هو صحيح هينزل الجمارك) لكن مش هيقدرو يصرفو عليها يعني النتيجة عربيات مرمية في الشوارع مودلات حديثة و قديمة و زحمة زيادة و عربيات مركونة عند التجار بيدفعلها فوايد للبنوك علشان القروض اللي واخدنها و مش عارفين يبيعوها
يعني طوابير زيادة على البنزين ال80
يعني رغيف العيش هيغلى علشان الافران شغالة بسيور على الكهرباء
يعني المدارس الخاصة هتغلى علشان يعوضوا المصروفات بتاعتهم و المدارس الحكومة ما شاء الله زي ال...
يعني نسبة الجوع هتزيد
يعني نسبة الجهل هتزيد
يعني نسبة البطالة هتزيد
يعني نسبة الجريمة هتزيد
يعني المرور مش هيلاقي حاجة يحصل عليها مخالفات و يحط قوانين جديدة
انا والله العظيم مانا عارف اقول ايه
لما انا لسة متخرجتش و شايف الدنيا كدة
ولادي هيعملو ايه؟! طيب هل هقدر اصلا اتجوز علشان اقول ولادي ؟! و فرضا قدرت هل هكون قادر اربيهم زي مانا ماتربيت
دلوقتي فعلا عرفت ابويا و امي تعبو قد ايه في تربيتي انا واخواتي و انا مكنتش حاسس
ربنا يخليهملي يا رب و حسبي الله و نعم الوكيل في اللي مش عاوز الشعب ده يعيش زي باقي الخلق
حسبي الله و نعم الوكيل

+9999999999+
انا برده لسه متخرجتش
خايف اليوم دا يجى واقعد فى البيت ماشتغلش
او اشتغل ومعرفش اصرف حتى على نفسى
اما موال الجواز فا دا موضوع تانى
انا بجد مش عارف ايه كميه الاحباط اللى الحكومه عاملاه للشباب دا
بجد ربنا ينتقم منهم

**yse** · 01-10-2009 06:58 AM

أنا هرجع للعجلة وأركبها واحط فوطة مبلولة على راسي

ولا كـــــاني سمعت عن حاجة اسمها عربيات وبنزين

على كده اللتر هيبقى بكام ؟؟ 8 جنيه مثلا

مصر هي أمي نيلها جو دمـــــــــــي

**youssefmustang** · 01-10-2009 07:59 AM

* * * * * * *
* * * *
* * * * * *

المنتدى ليس مكانا لعرض أو نشر الأراء الباعثة للعنف
أو الهجوم على رموز الحكم في مصر

تم انذارك مع الوقف اسبوع

مشرف عام.4

**Terrible_DaRsH** · 01-10-2009 09:43 AM

و ليه يلغوا الدعم و يتعبوا نفسهم .

انا عندى حل احسن .

يلغوا المواطن اساسا و يرتاحوا ! بس كده .

**M.Mosaad** · 01-10-2009 10:08 AM

حد قرأ روايه يوتوبيا لأحمد خالد توفيق
دي بتتكلم ان بعد زيادة التضخم و الفقر الاغنياء اخدوا الساحل الشمالي و عاشوا فيه و سابوا البلد للناس و الناس بقت عايشة منتهي الفقر يعني الواحد ممكن يشتعل يوم كامل علشان يدوله شوية جلد فراخ يطبخ عليهم اي حاجة و مترو الانفاق خلاص باظ لان مفيش صيانات و الجريمه زادت ..... الخ و الشباب الاغنياء اللي عايشيين في الساحل الشمالي تسليتهم انهم ينزلوا يصطادوا الفقرا و يرجعوا بيهم يعني دليل الرجوله سيناريو اسود من الاخر
مش عارف ليه حاسس ان السيناريو دة مبقاش قصة بقي واقع بنقرب ليه
بجد انا مش عارف احنا رايحيين فين
ربنا يستر

**josephedward** · 01-10-2009 10:15 AM

كلمة واحدة بس هي ردي !!!
نجيب سرور !

**Marwanelbendary** · 01-10-2009 11:20 AM

أنا مش هاتكلم عن نفسي
أنا هاتكلم عننا كلنا علشان ماحدش هايقدر يغير نمط حياته لوحده علشان كلنا مصائرنا متعلقة ببعض
ولو الدولة بتنفق جنيه علشان تساعدنا طب اشمعنا احنا مانساعدها بننا نستغنى عن شركة الكهرباء مثلا بتركيب أنظمة Solar Systems ونستفيد من طاقة الشمس المجانية اللي ربنا ادهالنا....!!
الموضوع سهل ياجماعة وفي بدائل تانية كتير
وللدخول في تفاصيل البنزين حله ايه
أنا عندي الحل الفني الهندسي الموثق والمكتوب لبديل البنزين بس لسه لم تتم تجربته في مصر
وعموما انتاج هذا التعديل هايكون ان شاء الله في قسم ال
Engineering Innovations and Modifications Department
في الشركة المعتزم انشائها ان شاء
برجاء متابعة هذا الموضوع لمن أراد التغيير الى الأحسن بفعالياته مش بكلامه
http://www.nilemotors.net/Nile/96922-a.html

**MoToRiZeR** · 01-10-2009 11:43 AM

المشاركة الأصلية كتبت بواسطة terrible_darsh

يلغوا المواطن اساسا و يرتاحوا ! بس كده .

معاك حق يا درش .. يعملوا كماين في الشارع للمواطن الماشي علي رجله و يسحبوا منه البطاقة و يدوله وصل .

المشاركة الأصلية كتبت بواسطة josephedward

كلمة واحدة بس هي ردي !!!
نجيب سرور !

:10d5c8~1107:

**Abo_Lina** · 01-10-2009 06:16 PM

يا جماعة ما الفلوس هيا اللي بتفرق مع المصريين و تخليهم يعرفوا إن الله حق ..
بره المواطن عنده وعي و التوجه هناك خلاص بقى شراء اللمبة الموفرة ..
هنا لا موفرة و لا بتاع و المواطن يطلع بره الأوضة ما يطفيش النور و نور السلم بيفضل شغال طول النهار و التلفزيون شغال ٢٤ ساعة ..
أنا فاكر من شهر في الاخبار دولة بنجلاديش تقريبا منعوا الناس تروح شغلها بالزي الرسمي (بدلة و كرافت) و الناس بقت تروح شغلها بملابس خفيفة عشان مايشغلوش مكيفات و يحافظوا على الكهربة ..
بس احنا نحب نعترض و خلاص مع إن الفواتير بتدفع و الجيوب مليانة سجاير و العربية بتلف طول النهار و الليل في مشاوير مهمة و هايفة ..

الموضوع: إلغاء الدعم الحكومى للطاقة- البنزين والكهرباء وغيرهما-خلال ٥ سنوات

LinkBack

أدوات الموضوع

عرض

-

-

-

-

-

المواضيع المتشابهه

مصدر حكومي إلغاء بنزين 90 خلال شهر.. ورفع سعر «92» قريباً

كاوتش ١٦-٢٠٥-٥٥

وزير البترول يناقش اليوم صرف البنزين بكوبونات لرفع الدعم عن البنزين

إلغاء الدعم: هل يكون القشّة التي تقصم ظهر الحكومة المصريّة؟

الكلمات الدلالية لهذا الموضوع

المفضلات

المفضلات

ضوابط المشاركة