كنت عاوزة بس استفسر عن حاجة الله يكرمكم
انا معايا 128 موديل 88 1300 سي سي
ايه امكانية اني احولها لغاز طبيعي
يعني دا ينفع ولا لا؟
وايه احسن مكان ممكن اوديها فيه
والتكلفة الكلية هتبقي اد ايه
وكمان بعد كدا هتكلفني اد اي في التفويلة
عرض للطباعة
كنت عاوزة بس استفسر عن حاجة الله يكرمكم
انا معايا 128 موديل 88 1300 سي سي
ايه امكانية اني احولها لغاز طبيعي
يعني دا ينفع ولا لا؟
وايه احسن مكان ممكن اوديها فيه
والتكلفة الكلية هتبقي اد ايه
وكمان بعد كدا هتكلفني اد اي في التفويلة
http://www.nilemotors.net/Nile/47732-convert-cars-n-g-step-step.html
الموضوع ده هيفيدك اوى اوى
بس معرفش ليه بحس ان لو حد معاه ملاكى وواقف يمون غاز بحس انه ممكن يحس بشئ من الكسوف انه بيمون غاز زاى التكاسى
انا بصراحة معنديش فكرة عن التحويل لغاز بس فكرى تانى هتلاقى العربية مش مستاهلة التحويل علشان الموتور مش كبير اوى زى البيجو و ال132 و ثانيا احتكاكك فى محطات البنزين هيكون مع سواقين التاكسيات و هتلاقى تعليقات سخيفة ملهاش لازمة
ممممممممممممممممممممممممم
هي دي المشكلة الوحيدة يعني؟
بالاضافة الى انه باي باي للشنطة مش هتعرفي تشيلي فيها اكتر من قزازة مية !
اقتباس:
احتكاكك فى محطات البنزين هيكون مع سواقين التاكسيات و هتلاقى تعليقات سخيفة ملهاش لازمة
اقتباس:
بالاضافة الى انه باي باي للشنطة مش هتعرفي تشيلي فيها اكتر من كباية مياة
انا فى رايى وبما انتى بنت فاخليكى بنزين احسن
بس هيا موفرة جدا كان مكتوب على محطة غاز وفر اكتر من 9000 جنيه سنويا
9000
يالهوي
ليه دنا في السنة مكملش 3000 ايه هيدوني الباقي كاش ولا ايه
انا بس شيلة هم لو شطبت مني مثلا او ملقتش بنزينة فيا غاز اعبيه بقرطاس مثلأ؟
انا متهيألي بيبقه البنزين والغاز شغالين
وبيتحولي من بنزين لغاز او العكس بمفتاح
انا بقول متهيالي اهو عشان محدش يقولي بفتي :36_1_61[1]:
ايه يا جماعه هما سواقين التكاسى دول مش بنى ادمين زينا فيهم الكويس وفيهم الوحش ولا ايه ؟؟؟
المهم .. حضرتك شوفى الاوفر ليكى واهى شمال ولا يمين العربيه هتمشى يبقى مفيش اى مشاكل ان شاء الله
المشكله الوحيده فعلا ان عربيتك لازم لازم تكون متفوله دايمآ تحسبآ لاى ظرف طارق لان المحطات اللى فيها غاز طبيعى فى البلد يتعدو على صوابع الايد الواحده فمتضمنيش تحتاجى غاز فى اى وقت ومتلاقيش ..
ربنا يوفقك
لأ فعلا يا نور القمر
بيبقى فية مفتاح بيحولها من غاز لبنزين عادى جدا الأتنين شغالين !
لو ملقيتيش غاز عادى حتحولى العربية بنزين و تمشى عادى خالص !
انا الفكرة دى كانت داخلة دماغى فى عربيتنا الجيب لانها 4100 cc وقرفانى فى البنزين
لو هتحولى انا عارف اماكن محطات الغاز كلها :) .
بس انا رايي انك تحولى افضل هتوفرى جامد , بس المشكلة اللى انا شايفها ان وزن الانبوبة تقيل على ال 128 يعنى لو ركبتى حد ورا تقيل او كتير العربية هتعيط .
هي فكرة حلوة اوي بتاعت التحويل دي....
وبعدين هوانا بركب حد جنبي لما هركبهم ورا
هههههههههههههههههههههه
اللي في نففس يحصلني جررررررررري
رايي بلاش
هتضيعي الشنطه
استهلاكك كملاكي و عربيه موتورها صغير مش هيكون زي استهلاك تاكسي او عربيه موتورها كبير " و دي الفئه الي الغاز موجه ليهم بصفه اساسيه "
يعني باختصار الي هتوفريه مش هتحسي بيه الا بعد سنين من الغاز لانك هتدفعي مبلغ محترم علشان التحويل اصلا
يا ايس دى 128 خليها بنزين
عشان فعلا الشنطة صغيرة
ومادام استهلاكك للبنزين قليل مش هتحسى بالتوفير
المشكلة الأكبر هتكون في حالة الموتور، غالباً الموتور حالتة تحت المتوسط موديل 88 مما يصعب عملية التحويل.
يعني هو ملوش لازمه طلما ساعه لتريه صغيره وكمان موتور العربيه يعتبر قديم او مش محكم عشان الغاز وغير كده مش حيبقي في توفير جامد زاى ما انتي فاكره بنسبه لمقدمه الغاز او ثمن الجهاز
نيجي بقي لحاجه تانيه الغاز لازم تدور بنزين وتطفي بنزين يعني ممكن علي ما تحولي غاز تكوني روحتي مشواريك ده لو جوا البلد
الافضل منالغاز انك تموني 80 ومش هايفرق معاكي لان نسبة الانضغاط بتاعتها قليلة
لكن غاز يعني :
مفيش شنطة
وزن تقيل
تموني من محطات معينة
تاكل الموتور بعد مدة اقل وتحتاجي عمرة اسرع
و مش هتعرف تبيعها ملاكي اصلا !!!
خليها على 80
دا أرخص من السولار
وفيه ناس معاها نوبيرا ودايو (حقن ألكترونى ) وشغال معاها ال 80
وبلاش تضيعى الموتور على المدى البعيد
بالغاز وغيره .....
عن نفسى شايف أن الغاز ....مش مناسب غير للولعه وتسخين المياه
انا معايا 131 /1600 طبعا تستاهل الغاز بس انت 128 طبعا مش مجزية معاك وللعلم لللغاز بعض العيوب على 28
الاسطوانة حتاكل الشنطة
الاسطوانة مملؤة حوالى 75كجم طبعا حمل على العربية
التشغيل على البنزين لان مارش 28 بطى
التعديل فى العفشة و تغيير المساعدين اسرع
السحب فى الغاز اقل من البنزين
ياخبر
طب كفاية كفاية
الحمدلله علي بنزين 80
انتو كرهتوني فلعربيات كلها
هههههههههههههههههه
لابجد ربنا يكرمكم ع النصيحة
انتي يا ايس معاكي 128 وعايزه تحويلها 80 امال انا واللي زي حلاتي اللي عندهم 504 يعملوا ايه ولا الناس اللي عندهم جيب 2500 سي سي وانت طالع تعمل ايه
بلاش خليكي علي 80 احسنلك
فوق كل الاسباب اللى الاعضاء قولها ان السحب هيقل وعلشان تجرى اسرع هتحرقى على الموتور اكتر
يعنى اللى هتوفرى باليمين هتصرفيه بالشمال