عايزة أروح معهد البحوث اللى بمدينة السادات التابع لجامعة المنوفية والموجود بطريق مصر- اسكندرية الصحراوى بحيث تكون نقطة البداية من المنصورة يعنى أركب ايه وهنزل فين وهكذا وياترى أوصل بعد وقت أد ايه
وجزاكم الله خيرا
عرض للطباعة
عايزة أروح معهد البحوث اللى بمدينة السادات التابع لجامعة المنوفية والموجود بطريق مصر- اسكندرية الصحراوى بحيث تكون نقطة البداية من المنصورة يعنى أركب ايه وهنزل فين وهكذا وياترى أوصل بعد وقت أد ايه
وجزاكم الله خيرا
الأول هتروح طنطا العربية هتنزلك فى المرشحة لأن موقف المنصورة هناك
وبعدين تركب اتوبيس أو تاكسي للعجيزي ومن هناك تاخد عربية لشبين
ولما تنزل شبين تروح موقف السادات ، ممكن تنزل عند القصر تاخد خط 4 أو تنزل فى ميدان شرف وتاخد تاكسي لحد المزلقان اللى عندة الموقف مش فاكر اسمة مزلقان اية بس هوا معروف
ومن هناك هتركب السادات
وربنا يعينك على المشوار الرائع دة
بالنسبة للوقت
المنصورة:طنطا تقريبا ساعة
طنطا:شبين ساعة الا ربع
شبين:السادات ساعة وشوية
تب والرجوع بنفس النظام برده يعنى مفيش فى السادات دى مواصلات للمنصورة علطول؟اقتباس:
المشاركة الأصلية كتبت بواسطة pro_samir
ربنا يكرمك وجزاكم الله خيرا على الإفادة ومعلش على كثرة الأسئلة
ايوا الرجوع بنفس الطريقة
و مفتكرش خالص ان في حاجة مباشر لأن حتي من طنطا مفيش حاجة السادات علي طول، بس لما تنزل الموقف اسأل واتأكد برضو
ولو في حد عندة فكرة هنا هيقولك برضو
سوري مخدتش بالي من الأسئلة اللى فى الأقتباس
الموقف فين فى المنصورة معرفش الصراحة لأني مروحتهاش مواصلات قبل كدة بس لو فى حركة فى الجامعة ممكن تلاقي هناك عربيات طنطا
العجيزي حي من أحياء طنطا بس فى اخر طنطا خالص والمرشحة فى أولها يعنى لو خدت تاكسي هياخدلة 3 جنية أو اربعة
وفي شبين التاكسي جنية ونص كبيرة اتنين جنية
جزاكم الله خيرا مستر محمد على الشرح المفصل وان شاء الله أعرف أوصل بوصفك الدقيق
هو بس فى نقطة واحدة حضرتك خدت بالك من كل الأسئلة بس ما أخدتش بالك انى أول حاجة كتبتها(عايزة) بصيغة البنت مش الولد
وربنا ييسر لك طريقك ويوفقك
سلام الله عليكم ورحمته وبركاته
انا برضو كنت مستغرب النيكنيم :11:
سوري مخدتش بالي
محصلش حاجة مستر محمد
وجدت على أحد المنتديات وصف للوصول لمعهد الهندسة الوراثية
دا نصه
(بيقولو في باصات من شبرا المظلات مسجد الخزنداره بتودي لمدينة السادات)
فهل تعرف الطريق التانى دا أصل أنا هقدم فى معهد بحوث الهندسة الوراثية وطبعا هروح كتير من المنصورة فعايزة الطريق الأسهل واللى يوفرلى وقت
ياريت لو تعرف الطريق دا أو حد تانى يوصفه لى بالتفصيل مثلما فعل مستر محمد تكرم وشرح لى الطريق التانى بالتفصيل
وجزاكم الله خيرا
شبرا المظلات دي فى القاهرة ، إية علاقتها بالمنصورة ؟
دي خريطة بتوضح لحضرتك موقع مدينة السادات وهيا فى الجنوب الغربي للدلتا يعني علي طريق مصر اسكدندرية الصحراوي اللى هوا ماشي من شمال الدلتا برضو علشان كدة بيعدي عليها
يعني غرب المنوفية ودة بعيد عن القاهرة لأن القاهرة جنوبا تحت الدلتا خالص في حين ان حضرتك جاية من المنصورة اللى هيا شمال شرق الدلتا
فا الطريق لازم يكون بعبور الدلتا (المنصورة : طنطا : شبين : السادات )
http://www.anwarsadat.org/images/map.gif
وحاولي تسألي برضو لو فى حاجة ممكن تكون مباشر توفر عليكي التنقل فى المواصلات زي المنصورة شبين هتكون أريح شوية .. لكن مشكلتها ان تحميل الركاب هيكون بطي ، أو يمكن بتفرق فى اوقات الدراسة تكون أسرع شوية
بجد مش عارفة أشكرك ازاى على كل دا
بص أنا فهمت قصدك رغم انى ماكنتش بحب الجغرافيا أوى
أنا أصلا من مدينة تانية فى الدقهلية مركز تانى يعنى وطبعا ماعندناش سيارات مباشرة لطنطا ف هأضطر أروح المنصورة(1/2 ساعة تقريبا أو يزيد)ومنها طنطا-شبين- السادات فلك أن تتخيل المعاناة اللى هعانيها لكن لو كان الطريق التانى دا ينفع عندنا القاهرة مباشرة يعنى مش هنزل من السيارة الا فى القاهرة(بعد أقل من 3ساعات)يعنى لاهنزل ولا أطلع :36_1_50[1]:وطبعا لو ينفع أخد مترو ثم تاكسى أعتقد هتكون أهون ولكن واضح ان بناء على كلامك انه مش ينفع خالص
ربنا يسهل أنا هنتظر أخر الأخبار وهروح الاسبوع الجاى ان شاء الله
جزاكم الله خيرا
قالولى فيه ميكروباصات فى رمسيس بتودى اسكندرية الصحراوى ومن هناك أخد مواصلة للسادات
هل دا صحيح؟
وفيه بديل تانى انى أنزل فى عبود ومن هناك هلاقى اتوبيسات لمدينة السادات
هل هناك فعلا اتوبيسات للسادات؟
معلش على التطويل فى الموضوع :khd:لكننى مش بسافر لوحدى المسافات دى ومضطرة لكدا فعايزة الطريق الأيسر
وجزاكم الله خيرا
بخصوص وجود عربيات السادات فى عبود معنديش فكرة بس انتي كنتي بتقولي انها موجودة فى المظلات ودي مش بعيدة عن عبود ، يعني ممكن تنزلي تركبي حاجة للمظلات لو هيا أكيد موجودة
بس انتي كدة بتاخدي طريق رأس الرجاء الصالح ، يعني المنصورة القاهرة لوحدها تقريبا 260 كم وبعدين من الزراعي للصحراوي وبعدين 90 كم كمان لحد السادات !
لكن المنصورة طنطا 55 كم + طنطا شبين 25 كم + شبين السادات 60 كم
طريق رأس الرجاء 330 كم ، الطريق التاني 140 كم فقط
الأسهل زي ما قلتلك تركبي المنصورة شبين علشان توفري النزول فى طنطا والتنقل بين الموقفين
وربنا يعينك
أنا هروح من الطريق دا ومش هحاول أجرب طريق القاهرة دا لأنه هيستهلك وقت ومجهوداقتباس:
المشاركة الأصلية كتبت بواسطة pro_samir
وطبعا لأنى هروح وأجى فى نفس اليوم يبقى طريق شبين بس هو فيه حاجة مباشرة من المنصورة لشبين؟
معلش تحملنى:majd(4)::_Alshmokh08[1]:
وهبقى أكيد أبلغ حضرتك بالانجاز اللى هعمله بعد ماأروح وأرجع ان شاء الله
شكرا جزيلا
اخر كلام وصلنى انى أروح من المنصورة المحلة ومن هناك أتوبيس بيروحdirect للسادات بس الساعة 7الاربع وميعاده فى العودة على 12
يعنى أصلى الفجر وأتوكل دا لو هروح من الاتجاه دا اذن الخلاصة هو أفضل طريق طريق شبين
المفروض السؤال بتاعى دا يتعمل عليه بحث ويسموه (طرق الوصول لمدينة السادات من المنصورة)
الله يمهد لك طريقك مستر محمد