السلام عليكم ورحمه الله وبركاته
كنت عاوزة اسال حضرتكم عن افضل مكان لرش السيارات لان العربيه فيها شويه خدوشات
فلازم قبل التأمين تترش فاللى يعرف مكان يخلى درجه اللون زى ماهو يتفضل يقولى
مشكوريين
عرض للطباعة
السلام عليكم ورحمه الله وبركاته
كنت عاوزة اسال حضرتكم عن افضل مكان لرش السيارات لان العربيه فيها شويه خدوشات
فلازم قبل التأمين تترش فاللى يعرف مكان يخلى درجه اللون زى ماهو يتفضل يقولى
مشكوريين
فى واحد ممتاز بس للأسف فى بورسعيد بصراحة كل الشغل بيطلع من تحت إيده زى الفبريكة تماما
هو إسمه أيمن فى حرفيين بورسعيد و ناس كثيرة بتيجى من القاهرة تعمل عربياتها عنده علشان الشغل النضيف
مشكور يااخى ابو عبد الرحمن
بس نظرا لانشغال زوجى الشديد فاعاوزة حاجه فى القاهره
ومشكور للمساعده مره اخرى
حضرتك ممكن تسألى وجيه او ايمن فى التوكيل ؟؟؟
بس هما ممكن مش يرضوا يقولوا لحضرتك ... عشان هما من التوكيل ...
انا باردوا هسالك ... ولو عرفت حد كويس فى القاهره ... هابلغ حضــرتــك
وان شاء الله تتضبط وترجع زى الفلhttp://i173.photobucket.com/albums/w..._ththumbup.gif
تحيــــــــــــــــاتــــ ــىhttp://i122.photobucket.com/albums/o.../th_eclown.gif
انا فى واحد رشيت عندة عربيتى القديمة (ديهاتسوا ميرا ) كلها معدا السقف
ولما جيت ابعها الناس كانت بتفتكر انها فابريكة والله
هو ناحية نادى السكة بعد البنزينة فى مدخل على اليمين كدا لتحت
هو بعد القهوة الى على اليمين علطول اسعاره حلوة وشغله ممتاز
بس انا شايف ان الخدوش دي لو مش مؤثرة اوي ياريت لو حضرتك تسيبيها لان الرش هيقلل من قيمة العربية كتير جدا جدا جدا جدا و هتبتدي الفتاوي دي كانت عاملة حادثة دي كانت داخلة في قطر والكلام دا
هو ليه حضرتك بتقولي انها لازم قبل التامين تترش
مش هو التامين المفروض انه يرشلك ويصلحلك اي حاجة في العربية؟
للاسف الخدوش اللى فيها باينه ولازم تترش بس انا عاوزة حد يكون رش الجين تو علشان درجه اللون
هو اللى هايترش فيها اجزاء صغيره ولكنها باينه
انا محتاج حد يوضحلي النقطة دي
انا مأمن عربيتي تأمين إجباري مع الشركة بتاعة التأمين التكافلي اللي تبع عز العرب العقد بتاع التأمين هيخلص على شهر 5 اللي جاي
انا كنت ناوي قبل اللعقد ما يخلص بشهر اروحلهم و اخليهم يظبطو العربية كلها عشان هي فيها شوية خدوش كدا وبعد ما يظبطوها هجدد معاهم هما برضو الا لو لقيت حد احسن
ليه صاحبة الموضوع متعملش كدا برضو
هاوضح لحضرتتك الموضوع يااستاذ ابو مريم
انا كنت مأمنه عند الجمعيه وخلص تامينى من شهرين قبل ماالتامين يخلص المفروض اانا كنا عملنا الخدوشات تبع التأمين بس زوجى ماكنش فاضى يروح لغايه مامده التأمين خلصت
لما جينا نامن تانى قالوا لازم العربيه تترش علشان هاتتصور ولازم يستلموا العربيه من حضرتتك بدون اى خدش
بالنسبه لحضرتتك من رئى روح ضبط العربيه قبل التأمين مايخلص ب 3 شهور كده علشان هما بياخدوا وقت فى الاجرءات
محسن فى الحرفيين عن تجربه شخصيه بس اسعاره عاليه شويه بس مضمون 100 100
010-1526790
في مركز في اخرفيصل شغال في بروتن لو عايز اي تفاصيل كلمني 0105885638
طيب مهو ممكن حضرتك ترشيها فالتوكيل على الاقل هتبقى نفس درجه اللون عشان هو بيبقى متكود عندهم والدهان هيبقى زى دهان العربيه الاصلى انا كنت سمعت ان دهان القطعه بيتكلف 300 جنيه
الكلام ده مش عن تجربه انا كنت قريب الحكايه دى فموضوع فالمنتدى هنا من فتره
أنا أعرف سمكرى ممتاذ
مش عارف التأمين ليه بيتلكك .. يعنى لو أشتريت عربيه مبهدله وكلها بارومه لكن مرشوشه رشه محترمه هيقبلها ؟؟؟
بلاش ترشيها ممكن تروحى البنزينه اللى جنب سيتى ستارز وتدخلى قسم العنايه الفائقه وتخليهم يعالجوا الخدوش كلها بحوالى 150 جنيه فقط
جربى مش هتخسرى حاجه ولو مأقتنعتيش أو التأمين مرضيش توكلى على الله ورشيها ...
طيب هما بيظبتوا كل حاجه في العربيه يعني كل التجريح والخرابيش الموجودة بيظبطوها ؟