لية الجن 2 سمعتها وحشة .....؟

**as01241** · 04-10-2009 03:20 PM

المشاركة الأصلية كتبت بواسطة youry

السلام عليكم يا شباب
اسمحولي اقيم ال Gen2 بكل صراحة بعد ال 20 الف كيلو
انا معايا العربية مو2007 وبالرغم من اي حاجة لو رجع بيه الزمن هاشتريها برضه لاني بحب العربية دي جدا
هاقولكم على المشاكل اللي حصلت معايا فعلا
1- سنتر باب السائق فصل يعني كل الابواب تقفل ماعدا باب السائق
ودي كانت فيشة ورحت التوكيل وغيروها
2-ماكينة الزجاج الخلفي شمال باظت ورحت التوكيل وغيروها بس بعد ما حجزت 3 اشهر لحد ما وصلت
3- المالتي فانكشن باظ ورحت التوكيل وغيروه بس بعد كام شهر كالعادة
4- ماكينة الزجاج الخلفي يمين باظت هي كمان من كام شهر بس مش موجودة في التوكيل
5- حاجة غريبة جديدة حصلت ان الاشارات بتعلق هي ومزاجها وطبعا ماكينة الاشارات مش موجودة في التوكيل
6- المالتي فانكشن باظ تاني ومستني لما يكون كل حاجة موجودة في التوكيل علشان اروح اغيره تاني
دي العيوب اللي ظهرت معايا فعلا _ مش محتاج اتكلم عن المميزات لان الجميع اكيد عارفها ....... وشكرا
واسف إذا ماعرفتش اتواصل معاكم علشان ظروف الشغل

وعليكم السلام

بس إسمحلي أعلق على حاجة في كلام حضرتك لإن ده اللي الإخوة بيتكلموا عليه فوق وهو إن حضرتك دخلت وعرضت تجربتك وطبعا مشكور جدا لكن مع إحترامي لحضرتك لما فردت ست نقط عيوب في العربية اللي مع حضرتك وجيت على المميزات قلت مش محتاج و......
يا أخي الكريم كنت إكتب حتى كام نقطة من المميزات ديه عشان حتى اللي يقرا يقدر يوازن بين هل المميزات ديه تساوي إنه يتحمل عيوب التقفيل اللي حصلت معاك في عربيتك , يارب أكون قدرت أوصلك قصدي , تحياتي ليك

**Youssef.Awad** · 04-10-2009 05:12 PM

المشاركة الأصلية كتبت بواسطة mark_milad_95

صح صدقنى بس الكلام دا لما يزيد بيخوف و بحس ان انا بعند مع الناس و بمشى اللى فى دماغى .

وانا صدقنى ما فى حاجة مطمنانى غيركو .

كبر دماغك وريح نفسك واعمل اللى يريحك
لو الواحد مشى ورا كلام الناس مش هايعمل اى حاجة
اسمع من اللى راكب العربية وروح شوفها بنفسك واحكم عليها
لازم تكون مقتنع بالحاجة اللى اخترتها عشان تحبها مش عشان الناس يحبوها

**eng.octooo** · 05-10-2009 12:49 AM

بص الناس مش بتطلع عيوب غير فى الحاجة الوحشة

**mark_milad_95** · 05-10-2009 07:43 AM

المشاركة الأصلية كتبت بواسطة gagareen

اسمحلى حضرتك مطلوب منك الاتى:

1- تروح تتفرج على كذا عربيه فى كذا معرض وتقعد فيهم وتعرف معلومات عنهم
2- تروح معرض بروتون تقعد فى الجين2 وتكون انطباع عنها بالمقارنه باللى شفتهم

الاحتمال الاكبر انك حتقتنع تماما بالجين2 وحتستلم العربيه

3- تعمل موضوع تقول فيه كل حاجه عن العربيه بعد ما اشترتها

وغالبا حيكون اعجاب جامد جدا

4- سيب الباقى علينا

تحياتى

انشاء الله يا باشا هعمل كدة بالظبط

**أبــوحبيبه ونور** · 05-10-2009 10:02 AM

المشاركة الأصلية كتبت بواسطة eng.octooo

بص الناس مش بتطلع عيوب غير فى الحاجة الوحشة

لا المفروض تقول كل واحد ذوقه مختلف عن التانى
وكل واحد بيشوف العربية اللى عاوز يشتريها احسن عربية فى الدنيا
وكل واحد شايف العربية اللى كان نفسه فيها واحد صحبه قاله انهى مش كويسة وغير رايه وندم انه سمع كلام صحبه شايفها انها وحشه

لولا إختلاف الأذواق لبارت السلع

**as01241** · 05-10-2009 10:29 AM

المشاركة الأصلية كتبت بواسطة eng.octooo

بص الناس مش بتطلع عيوب غير فى الحاجة الوحشة

دا على كده كل العربيات وحشة لأن الناس بتطلع عيوب في أي عربية

**Youssef.Awad** · 05-10-2009 03:58 PM

المشاركة الأصلية كتبت بواسطة أبــوحبيبه ونور

لا المفروض تقول كل واحد ذوقه مختلف عن التانى
وكل واحد بيشوف العربية اللى عاوز يشتريها احسن عربية فى الدنيا
وكل واحد شايف العربية اللى كان نفسه فيها واحد صحبه قاله انهى مش كويسة وغير رايه وندم انه سمع كلام صحبه شايفها انها وحشه

لولا إختلاف الأذواق لبارت السلع

اتفق معاك فى الرأى لأن العربية دى زى الزوجة بالزبط ماينفعش حد يختارهالك
لازم تختارها بنفسك وتحبها لأنك انت بس اللى هاتعيش معاها فلا تسمع سوى صوت نفسك