تم ترخيص الكورولا بحمد الله-شكر خاص جدا لدكتور احمد سمير
الحمد لله انتهيت من ترخيص الكورولا امس بعد معناها شديدة جدا فى المرور ويوم من اطول ما يمكن، ومشاكل غريبة حصلت لكل اللى راحوا يرخصوا عربيات فى مرور مدينة نصر امبارح بسبب انتهاء مسلسل النمر على السيستم ثم تنزيل مسلسل جديد ثم سحبه بعد دقائق بسبب انه ملغى مما ادى الى كثير من اللخبطة، لكن الحمد لله اليوم انتهى على خير بعد قضاء حوالى 7 ساعات فى المرور
فقط انا عايز اتوجه بجزيل الشكر لأخونا العزيز دكتور احمد سمير لأنه وقف معايا طوالى الفترة اللى فاتت وضحى بيومين عمل علشان يخلص معايا اجراءات التسليم والترخيص ، الف شكر يا دكتور احمد على تعبك ومساعدتك الجمة طوال الأيام الماضية
ولا يفوتنى ان اشيد بمستوى تويوتا ايجبت ومستوى مسئولى المبيعات هناك، واحب ان اوجه شكر خاص جدا لكل من أ.حسام الدين مصطفى و أ.محمد عبد الواحد بتويوتا ايجبت التجمع الخامس على مجهودهم الكبير ومستوى المعاملة العالى جدا الذى لقيته منهم وسرعة ودقة الاداء التى مثلت واجهة متميزة جدا لصرح تويوتا ايجبت