الموضوع: مفيش كيا اوبتيما فى مصر؟؟؟؟؟؟؟؟؟؟

حاجة تنرفز فعلا وتجيب الضغط ....

كل بلاد الدنيا فى الكوكب اللى اسمه الأرض بتركب عربيات أشكال وفئات وأنواع بنسمع عنها فى مصر المحروسة زي ما بنسمع عن حكاوي ألف ليلة وليلة ...

يعني يقوللك مش حنزل الجمارك لاعتبارات تتعلق بعدم استيعاب شوارع مصر لمزيد من السيارات .... منطق عجيب .... طب ما اللى حيشتري عربية ب 100 ألف جنيه مثلا جايبهم من كده وتعبه ... وناوي يجيب بيهم عربية واحدة ... حيجيبها سواء كانت 1000 سى سي ولا حتى 5000 سى سي .... والعكس صحيح .. هل منطق الجمارك العالية قلل من حقيقة ان أغلب الأسر دلوقتي عندها بدل العربية اتنين وتلاتة؟!

أما بالنسبة لموضوع البنزين وان السعة اللترية لما تزيد بتزود استهلاك البنزين اللى هو مدعم وكله من قوط الشعب ... فده قول مردود عليه بحاجتين ... أولا ما أعلنته الحكومة من أن الدعم على المنتجات البترولية سينتهي تماما خلال فترة خمس سنوات وبالتالي فلا محل لمثل هذا القول ... وثانيا ما تم اقراره منذ عام من تشريعات تجعل رسم تنمية الموارد فى شأن ترخيص السيارات أكتر من 2000 سى سى بما يوازي 2% من قيمة السيارة ( ثمنها + الجمارك + رسم الوارد)

أنا شخصيا لي وجهة نظر مع الأخذ فى الاعتبار اني على قدي قوي فى مجال السيارات .. أنا شايف ان فئة الـ 2000 سى سى تحديدا لو فرقت فى استهلاك البنزين عن ال 1600 سى سى ... فالفرق ده حيبقى هين بالنظر إلى ما يقابله من فائدة تتمثل فى طرح العديد من الفئات المختلفة من السيارات المتسعة ذات الحجم العائلي اللى حتبقى متاحة بمواتير قوية تتحمل أجسام هذه السيارات ومن ثم تعطي أداء وتسارع أفضل بكثير وتعمر فترات أطول مما لو كانت مواتير ذات سعة لترية أقل

عربية كبيرة و قوية و شيك و فخمة جدا و أوبشن عااااااالي