دى اول مشاركه ليه فى المنتدى بس عاوز اقول كلمه حق فى السياره التيجو

**lovestory** · 01-10-2009 03:39 PM

دى اول مشاركه ليه فى المنتدى بس عاوز اقول كلمه حق فى السياره التيجو السياره جميله جدااااا بس اللى عاوز يجيب مايجبش 1600 خالص ودى غلطيتى اللى انا جبت ال1600 وندمت اووووووووى ونفسى لو كنت جبت الـ 2000cc الان عزم 1600 ضعيف على العربيه اوووى ودى تجربتى فى التيجو 1600 كنت فى الاهرامات انا والعائله معى وكنت طالع مطلع وانا مشغل التكيف العربيه بطلت منى مع العلم انا كنت على الغيار الاول وماطلعتش المطلع اللى ما فصلت التكيف وقرصت على المكنه وتحضرها فى الغيارات ضغيف كانى نفسى اجيب 2000cc ده العيب الوحيد اللى فى السياره 1600 بس وده بكل امانه

**hemaa_82** · 01-10-2009 05:22 PM

الف شكر يا باشا علي شهادة الحق و ربنا يكرمك فيها و يكفيك شرها ان شاء الله

**medoyahoo** · 02-10-2009 10:40 PM

شكرا على كلمة الحق دى وده شىء متوقع من عربية موديلاتها 1600-2000 على نفس وزن العربية.
ربنا يباركلك فيها ويسترها لما الموتور يستهلك بعد كام سنه.
سؤال:هو فعلا قطع غيار التيجو منتشرة خارج التوكيل وبأسعار أقل؟
شكرا مره تانية على صراحتك وياريت لو فى عيوب جوهرية ظهرت تقولها عشان الناس اللى جابتعا تخلى بالها.:b4_388:

**lovestory** · 03-10-2009 04:11 PM

مش عارف هل موجوده بره التوكيل وله لا بس هاسال ورد عليك والعربيه استهلاك البنزين عالى شويه بس هى ممتعه على الطريق بس يعيبها حاجه وحده وهى المتور صغير غلى العربيه

**ashraf229** · 04-10-2009 01:47 PM

أنا شفتها هنا في الرياض مرة ولا مرتين أسمها شيري طبعا مش اسبرانزا و كانت 2400 سي سي

و الشبكة اللي قدام متغيرة شوية فيها حته بلاستيك أسود تحت الشعار.....وكذلك ال 516 بتنزل هنا 520 بمتور 2000 سي سي و ايرباجز و نفس الجنوط و الصالون الكبيرة بتنزل بكذا فئة و فيه منها من غير شاشات و بطاسات و الأستاندر بتنزل 620 من غير طاسات حتى و بجنوط حديد فضي شكلها عار الصراحة
بس مش عارف ليه اللي شفتهم كان نورهم اللي ورا تحس انه بينور روز كده مش أحمر زي بقيت العربيات!!و كل العربيات الصيني كده رغم قلة انتشارها جدا جدا جدا هنا

يمكن اللون أجرب و خف من شمس الرياض المشرقة......أوي

الله اعلم

**mr_sameh** · 04-10-2009 02:03 PM

بس لية العربية عملت معاك كدة مع ان العربية مش كبيرة قوي وكمان 1600 محرك مش صغير وفي كتير عربيات اكبر منها في الحجم علي محركات 1600 زي الفيتارا وكمان التريوس بس انا معاك ان 2000 هيكون اقوي

**Hegazio** · 05-10-2009 11:54 AM

انت شاريها بقالك ايه و عاملة كام؟
خد بالك مش حتدي أحسن أداء غير بعد 5000 كيلو
و بنزين 92
و انا شايف ان الموضوع محتاج ترويض من السواق أكثر .. ال 1600 بتوعها مش وحشين خالص .. و وزنها اتقل من ال 516 ب 80 كيلو .. يعني شخص زياده في العربية

**barakot** · 05-10-2009 01:33 PM

الحقيقه انا العربيه عاجباني جدا وبفكر اشتريها بس كنت عاوز اعرف نوع وبلد صنع الماتور والثبات على الطريق وفي المنحنيات وان كانت العربيه دفع خلفي ولا أمامي وربنا يباركلك فيها وييحفظك من شرها

**Hegazio** · 05-10-2009 01:50 PM

ال 1600 موتور تصميم شركة avl النمساوية ( نفس اللي في ال 516 مع تعديل بسيط لحساب العزم أمام السرعة )
و أعتقد بييجي جاهز من بره .. ال 45 % المصرية لا تشمل الموتور و العفشة