الموضوع: BMW E92 M3 vs. MB C63 AMG

المشاركة الأصلية كتبت بواسطة MMamdouh

انا اصلا حاطت كليب للM3 و بالتالى المقارنة حتبقى فى مجال الM و الِAMG.... مينفعش وسط الزحمة دى اقول ان عربيتى الدايو تتفوق عليهم هما الاتنين فى استهلاك البنزين او تكلفة الصيانة



انهى عربية مرسيدس تقابل الM5؟؟



محنا قولنا ان الدراج دة لا يعنى شىء... ما ياما فيه عربيات امريكانى تقطع الدنيا فى الدراج زى الموستانج و فى الاخر عربية لوتس حطت عليها فى تراك... العربية مش acceleration و بس... العربية overall handling



thank you for proving my point

كدة يبقى فاضل اقنعك ان العربية مش تسارع فى خط مستقيم فقط... العربية لازم تعرف تادى على تراك فيه تسارع و فرامل و ملفات... الدراج من السباقات اللى المهارة فيها قليلة جدا و مبيبانش من العربية حاجة غير عزم الموتور و تماسك الكاوتش... غير كدة كل العناصر مهملة تماما بالتالى مهياش مقياس لحاجة

تعالى بقى على تراك فى بطولة زى الDTM او BTCC حتلاقى العربية بتتسحل تسارع و فرامل و ملفات سريعة على بطيئة دا غير مهارة السائق فى السيطرة على العربية و مهارات التخطى و تفادى الاخرين و السيطرة على العربية... كل دة اختبار حقيقى للعربية و للسائق مع بعض

فى الدراج انت بتسابق 12 ثانية و شكرا.... ازاى عربية مكونة من الاف القطع و بنى ادم له رد فعل و تواقف عضلى عصبى و مهارة و موهبة تقيمهم فى 12 ثانية فقط و خلالها العربية و الانسان بيستخدموا 1 % من امكانياتهم؟؟؟؟

drag racing might be fun but it is not a real test for racing skills or an ultimate machine

MMamdouh

انا معاك ان الtrack هو المقياس الامثل للعربيات صح ؟ طب بالنسبة للتوقيتات اللي انا حطيتها بتاعت المرسيدس والبي ام متهيألي انها وضحت انهي اللي متفوق في الtrack ومش معني مثلا ان المرسيدس تفوقت علي البي ام في الhandling يبقي البي ام ضايعة في الhandling ده بيبقي فرق بسيط جدا بس انا وجه اعتراضي ان البي ام تحط علي اي مرسيدس في اي مجال سواء track or drag or.......etc صعبة جدا بصراحة ممكن تحط علي الاودي بس المرسيدس صعب جدااااااا وشكرا علي تقبلك لكلامي انا رغيت كتير صح؟

المشاركة الأصلية كتبت بواسطة MMamdouh

لا مفيش رغى كتير ولا حاجة... احنا بنتناقش و بنتبادل وجهات النظر مع بعض... امال احنا داخلين المنتدى نعمل ايه؟؟؟؟



هى القصة ان الhandling اهم عنصر المفروض يبقى موجود فى العربية الرياضية لان مفيش اى معنى انك تركب عربية قوية و مش قادر تسيطر عليها و تضطر تمشى بالراحة عشان متفقدش السيطرة عليها و دة اللى ظهر فى الفيديو الاول بتاعى...

و دة كمان السبب ان عربية زى اللوتس ليها وضعها فى السباقات بالرغم من انها 1600 و دة السبب ان الايفو احرجت الميرسلاجو على التراك فى حلقة توب جير بالرغم من ان الميرسلاجو فيها موتور 3 مرات اكبر من الايفو و الاتنين جر رباعى

انا معاك ان مرسيدس شركة محترمة و عربياتها قمة فى الاحترام و القوة لكن فى حتة الhandling حتلاقى دايما البى ام احسن

MMamdouh

+100000
(تصحيح:اللوتس 1800cc)
وبالنسبة للhandling فعلا البي ام احسن في ال family sports cars انما ال super or hyper cars هتلاقي المرسيدس احسن