سؤال لأهل الخبرة عن الهيونداي اكسيل

**nahr226** · 01-10-2009 06:45 PM

السلام عليكم
اخواني الأفاضل ارجوا إفادتي بخصوص تركيب باور ستيرينج للسيارة هيونداي اكسيل 1994 - 1300 وما جدوى تركيبة بمعنى هل سعرة مستعمل طبعا هيكون غالي هل سوف يسبب مشاكل في المستقبل لأنة راكب مش اصلي وهل هو نفسه اللي راكب في الموديلات الأكسيل الأخرى ارجوا الإفادة ولكم جزيل الشكر والسلام عليكم

**SAMEH_FOUAD** · 02-10-2009 06:18 AM

ماينفعش الباور يركب الا عند تغير علبة الدركسيون يعنى هتبقى العملية مكلفة مش علبة باور بس فية حاجات تانية ,ولازم اللى يعملها يكون فاهم هو بيعمل اية

**SAMEH_FOUAD** · 02-10-2009 09:19 PM

التكلفة اسال على قطع غيار العربية لانى معرفش قطع غيارها بكام وبتختلف من عربية لعربية بس هاتتكلف مش اقل من 1000 جنية دة الحد الادنى

**nahr226** · 03-10-2009 08:50 PM

الأخ الكريم ممكن افهم ليه ملهوش لازمة لأن الباور اصبح من الضروريات في السيارة دلوقتي
واشكركم على الرد

**M.FOUAD** · 03-10-2009 11:21 PM

بص با فندم انزل شارع شامبليون فية هناك اكثر من واحد متخصص باور بس الموضوع هيكلفك حوالي 1100-1200 دة شامل مكنة الباور استيراد في حدود 150 و علبة دركسيون ب300 جنية استيراد بردة و متخليهوش يجيبلك حاجة لان كلهم نصابين انزل انت اشتري بنفسك كل حاجة و اتفق مع بتوع الاستيراد على الضمان بيرجعوة فعلا لو طلع فية حاجة
بس لو عايز رايي انا الاكسيل اصلا خفيفة و الباور مش هيفرق اوي

**SAMEH_FOUAD** · 04-10-2009 03:20 AM

حاول تجيب علية الدركسيون جديدة ماتجيبهاش استيراد لائما تاخد معاك ميكانيكى شاطر قوى عشان يشوفلك العلبة دية فيها حاجة ولا لأ ولكن مكنة الباور عادى ,استيراد هتبقى كويسة ,
وانا زى ماقولتلك هاتكلفك فى حدود 1500 جنية لو هاتجيبها جديدة ممكن توصل ل2000 جنية ,بالمصنعية ,بس اهم حاجة اللى يركبهالك لازم يكون شاطر وفاهم هو بيعمل اية ,عشان مابيوظلكش الدنيا