تغيير علبة الدريكسيون السيريون كلاكيت 3 مرة

عرض للطباعة

01-10-2009, 09:10 PM
medo_sirion

تغيير علبة الدريكسيون السيريون كلاكيت 3 مرة

السلام عليكم

انا عارف ان الواحد هيعقدكوا من علبة الدريكسيون دية
بس لامفر منها:H_angry[1]:
انا كنت امبارح فى الاسكندرية قلت اعدى على مركز الرزق واسلم على مدير الورشة المهندس محمد اسماعيل
راجل محترم جدا جدا
المهم دخلت وقلتلة عايز اربط عفشة وكدة صيانة 55000
قالى خلاص دخلها ولما خلصها بنطلع نجربها مع بعض مش زى العبور
المهم وهوة بيجربها دخلها فى حتة مكسرة:auto: وانا متكلمتش فضل يضحك قلتلة فى اية قالى انت مرزق بعلبة الدريكسيون:O_stupid[1]:
قالى عايزة تتغير قلتلة ماانا عارف وكنت مستنى لصيانة 60000 واعملها قالى لا انا هطلبها واول متيجى هبلغك
بس كدة بجد الموضوع بقى متعب بجد وخوفى من اللى ممكن يحصل بعد الضمان مايخلص
استرها معانا يارب:ask:
01-10-2009, 09:16 PM
M.Mosaad

الله يكون في عونك لانك عرفت و في عوننا لو احنا مش واخدين بالنا
بس انت المفروض تشوف التوكيل يعمل حل جذري للموضوع لان لو الضمان خلص العلبه مش رخيصة و هترخص العربيه جامد يعني هيبقي الموضوع عاوز هيصة شوية او حتي شكوي في حمايه المستهلك
02-10-2009, 01:34 AM
توفيق طة

ميدووووو..

حمدالله عالسلامة أولا.
عليك حق عرب ثانيا.هههههههههه
شفت لما قلت لك مركز الرزق محترف وصادق.

تحيــــــــــــــاتى:36_1_34[1]:
02-10-2009, 01:37 AM
MoToRiZeR

واحد صاحبي معاه 128 شايل دايماَ سلك دبرياج معاه في الشنطة
شكل كدة الواحد بقي المفروض يمشي و معاه علبة دركسيون إحتياطي

الموضوع ده عايز حل جذري !
02-10-2009, 12:22 PM
محمد محمد

اقتباس:

المشاركة الأصلية كتبت بواسطة mohamed_momi88

الله يكون في عونك لانك عرفت و في عوننا لو احنا مش واخدين بالنا
بس انت المفروض تشوف التوكيل يعمل حل جذري للموضوع لان لو الضمان خلص العلبه مش رخيصة و هترخص العربيه جامد يعني هيبقي الموضوع عاوز هيصة شوية او حتي شكوي في حمايه المستهلك

فعلا لازم يعملوا شكوي وهيصة مش كده وبس دول يبعتوا لديهاتسوا اليابان زي ما عملنا في تويوتا كده لما كنا بنشتكي من الفتيس لغاية مانزلولنا سوفت وير جديد.
02-10-2009, 05:03 PM
bmya

لااااااااااااااه دي بجد حاجه تقرف طيب دلوقتي ضمان لما الضمان يخلص بقه الواحد يعمل ايه
يا جماعه عايزين نشوف حل بجد نعمل حاجه لان كده الوكيل اصلا بيشتغلنا لان هما قالولنا انهم بعتا لليابان وانهم جابوا علبه معدله ومناسبه وفي الاخر تطلع هي هي نفس العلبه يعني كمان احتيال ونصب وسرقه بجد مخنوق جدااااااا
عيازين نتفق علي حاجه نعملها ؟؟
02-10-2009, 05:36 PM
MoToRiZeR

هو مش سرقة يا شريف لأن التوكيل مش مستفيد حاجة اما يغير لكذا عربية علبة دركسيون مرة كل شهر ولا إتنين ! بالعكس دي خسارة .. بس واضح إن مش عارفين يوصلوا لحل .. فيه شئ عويص في الموضوع مش عارف إيه هو !
02-10-2009, 07:30 PM
aliabutaleb

اقتباس:

المشاركة الأصلية كتبت بواسطة MoToRiZeR

واحد صاحبي معاه 128 شايل دايماَ سلك دبرياج معاه في الشنطة
شكل كدة الواحد بقي المفروض يمشي و معاه علبة دركسيون إحتياطي

!

أيام الـ 128 كنت ماشي باتنين سلك دبرياج مش واحد :F_eyeb1[1]:
02-10-2009, 08:14 PM
bmya

منا عارف يا محمود بس انا بتكلم علي الطريقه نفسها اللي تثبيت الزبون والضحك عليه بالابتسامه الجميله والكلام المعسوووووول
يقولولنا انهم مش لاقين حل للمشكله لسه لكن ميقولوش انهم حلو المشكله وعدلوا العلبه والكلام الفاضي ده وهي زي ما هي يبقي كده معناها ايه بقهظظ
02-10-2009, 08:38 PM
MoToRiZeR

ماهي دي الفكرة دلوقت

التوكيل خسران علب دركسيون و عمالة شغالة ببلاش في العربية كل شوية

و إحنا خسرانين وقت و عكننة ظهور الأصوات دي كل شوية

يبقي محتاجين حل قاطع ووقفة للمشكلة دي عشان نخلص منها بقي
03-10-2009, 03:26 AM
madoo

ربنا يستر

على فكره انتوا راعبتونى اوى من الموضوع ده ولا اسمع اى صوت فى العربيه حتى لو طوبه رزعت بتخض وافتكر انها جاتلى
مع ان عربيتى غير عربياتكو ومش نفس الموديل اللى فيه العيب ده
مش عارف بقى بصراحه

ومبروك يا ميدو على صيانه ال 55
03-10-2009, 05:05 AM
bmya

هو يخسر يكسب معلش دي مش مشكلتي بس المفروض يبقي فيه مصادقيه في الكلام يعني مانو يقولولنا يا جماعه مش لاقين تعديل دلوقتي بس احنا هنغير العلبه مجانا لحد منعرف حل للمشكله وكانت دي هتبقي حاجه جامده في صفهم وميزه انهم مش كذابين
لكن ميوهمش الناس انهم عدلوا العلبه وهي في الاصلب نفس العلبه القديمه فهمت قصدي يا محمود
وعموما عايزين برده نلاقي حل
03-10-2009, 11:07 PM
hhhmmmzzzz

يعنى هي اليابان بجلالة قدرها وعلمائها ومهنديسنها فى شركة دايهاتسو مش عارفين يحلو المشكلة دى(اشك)
اكيد الصورة مش واصله لهم بالقدر المناسب لانى ملاحظ اكتر اللي بيشتكو من موديلات2007 وبعض من2008 لذلك هم حاولو يعهدلوها فى 2009طيب وباقى الناس ذنبها انها اشترت وفضلت العربية دى فى الاول ده المفروض يجمعو الناس دى ويدوها جايزة
علي هذه المجازفة وما حققته من انتشار فى السوق المصري اكيد يرجع للناس اللى اشتروها وشكرو فيها...........فعلا لابد من وقفة رجل واحد لان كدة حرام....حرام......حرام
مع انى مش عندى الموضوع ده بس مستعد معاكو لاى موقف نتخذه فى مواجهة هذا الامر
04-10-2009, 01:08 AM
eng.octooo

طيب ماتتجمعوا كلم وتبعتوا ايميلات للشركة الام
04-10-2009, 03:30 PM
M.Mosaad

و انا معاكم لو عاوزيين نبعت ايملات للشركه اوكي بس نتفق علي صيغة معينه نبعتها كلنا
04-10-2009, 05:18 PM
GMakram

انا لسه امبارح كنت بعمل صيانه الخمسه الاف عربيتى 2009 وقبل ماروح كان صوت التخبيط ظاهر جدا وكنت متضايق بصراحه ولما رحت التوكيل قلت للمهندس على صوت التخبيط قالى دى العفشه عايزه تتربط قلتله يعنى دى مش علبه الدريكسيون قالى لاء المشكله دى مبقتش موجوده فى 2009 وبصراحه من بعد الصيانه-مع انى ليا بعض الملاحظات على مركز الصيانه والصيانه نفسها-لكن الصوت فعلا تقريبا تلاشى خالص مسمعتوش غير مره واحده عكس قبل كدا فمعرفش بصراحه هل ده فعلا صوت علبه الدريكسيون ولا العفشه عندى
04-10-2009, 05:21 PM
GMakram

اقتباس:

المشاركة الأصلية كتبت بواسطة mohamed_momi88

و انا معاكم لو عاوزيين نبعت ايملات للشركه اوكي بس نتفق علي صيغة معينه نبعتها كلنا

+111111111111111111
والعيار اللى مايصبش يدوش يا جماعه برضو
04-10-2009, 05:43 PM
bmya

فين يا جماع بقيت الناس مش فاهم محدش مضايق ولا حاجه يعني
دحنا بيضحك علينا رسميييييييي
05-10-2009, 02:27 AM
medo_sirion

المشكلة الحقيقة اللى معظم الناس مش عرفاها ان الوحدين المظلومين فى الموضوع دة هما بتوع 2007 ومنهم انا طبعا
لان العلبة اتعدلت فعلان لمودلات 2008 و 2009 ونسوا ان فى حاجة اسمها 2007 او لسة مش فى المخطط بتعهم لانهم عايزين يلحقوا العربيات اللى طلعت من عندهم
ويارب يكون فى حد فهم انا عايز اوصل اية
05-10-2009, 02:46 AM
bmya

بصراحه مش فاهم برده قعدت تقولي نفس الكلام ده امبارح ومفهمتش :]
انت قصدك انهم منزلين 2008 وما بعدها معدله ؟؟
لو قصدك كده تبقي غلطان يامعلم لان انا 2008 وعندي الصوت برده
اما لو قصدك انهم جابوا علب معدله لموديلات 2008 وما بعدها طيب معلش هو ايه الفرق بين 2007 و 2008 ؟؟؟ يعني اكيد العلبه دي مش مختلفه مش معقوله يعني
وبعدين الحاجه الاهم اانهم اصلا في اول الحوار خااااااالص لماقالوا قصدي يعني لما ضحكوا علينا وقالوا ات العلبه المعدله وصلت التوكيل قالوا انهم هيشتغلوا 2007 الاول عشان ول اول ناس وبقالهم فتره والكلام التعبان بتاع التوكيل يبقي ايه بقه قصد في الكلام ده كله ؟؟ :]
05-10-2009, 03:18 AM
akmal_hamdi

الله يعينك
05-10-2009, 03:41 AM
medo_sirion

اقتباس:

المشاركة الأصلية كتبت بواسطة bmya

بصراحه مش فاهم برده قعدت تقولي نفس الكلام ده امبارح ومفهمتش :]
انت قصدك انهم منزلين 2008 وما بعدها معدله ؟؟
لو قصدك كده تبقي غلطان يامعلم لان انا 2008 وعندي الصوت برده
اما لو قصدك انهم جابوا علب معدله لموديلات 2008 وما بعدها طيب معلش هو ايه الفرق بين 2007 و 2008 ؟؟؟ يعني اكيد العلبه دي مش مختلفه مش معقوله يعني
وبعدين الحاجه الاهم اانهم اصلا في اول الحوار خااااااالص لماقالوا قصدي يعني لما ضحكوا علينا وقالوا ات العلبه المعدله وصلت التوكيل قالوا انهم هيشتغلوا 2007 الاول عشان ول اول ناس وبقالهم فتره والكلام التعبان بتاع التوكيل يبقي ايه بقه قصد في الكلام ده كله ؟؟ :]

اولا انا سالت المهندس او مدير الورشة قالى علبة 2007 متركبش فى 2008و 2009 علشان كدة معملوش المعدلة منها الا لما يخلصوا المودلات التانية

ثانيا لما التوكيل قال زى ماحضرتك بتقول فى 2007 دة كان بسبب المنتدى واللى حصل فى من شكاوى عن صوت الخبطة ولو تفتكر سعتها كان مين انا واستاذ توفيق وابو عبدالله ومعاذ المعظم كان 2007 علشان كدة ريح دماغة وغيرها بعلبة تانية مؤقتة

ثالثا فين الانسة مى مش المفروض هية ربطة الوصل مابينا وبين المنتدى ولا هوة كلام فى الهوا وخلاص
05-10-2009, 11:41 AM
عمرو عمارة

اقتباس:

المشاركة الأصلية كتبت بواسطة mohamed_momi88

و انا معاكم لو عاوزيين نبعت ايملات للشركه اوكي بس نتفق علي صيغة معينه نبعتها كلنا

المشكلة إن إحنا معندناش أي معلومات ولا إيميلات الشركة الأم ومش عارفيين نخاطب مين

الشخص الوحيد الي المفروض بنخاطبه الأن هي الأستاذة مي و الموضوع...... :36_1_50[1]:
05-10-2009, 05:08 PM
bmya

ياميدو برده مرديتش عليه يعني انت قصدك ايه
ان الوكيل جاب علبه معدله ل 2008و 2009 طيب وايه المشكله في انه يجيب ل 2007 يعني مش فاهم
بفرض ان علبه 2007 مختلفه ايه المشكله في انهم يعملوا ل 2007 علبه معدله زي ما عملوا ل 2008 هاااااا رود بقه
ياعم انت بتصدق كلام التوكيلات في مصررررر
05-10-2009, 05:11 PM
bmya

بص زي منت قلت كده اي كلام في الهوا وخلاص كعاده كل التوكيلات
وبعدين المفروض يخلصوا 2007 الاول فعلا لان هما الناس اللي بقالهم فتره بيشتكوا من الصوت ده يعني هو 2007 يشتكي من الصوت يروحوا هما معدلين 2008 وبعدين يرجعوا يعدلوا 2007 !!! بالذمه ده كلام يدخل العقل
05-10-2009, 05:55 PM
MoToRiZeR

و المفروض 2007 ينجزوا معاهم لأن قربوا يخرجوا من الضمان
05-10-2009, 06:36 PM
aliabutaleb

اقتباس:

المشاركة الأصلية كتبت بواسطة motorizer

و المفروض 2007 ينجزوا معاهم لأن قربوا يخرجوا من الضمان

بيتهيألي الالتزام أكتر منه أدبي عن إلتزام ضمان وكيلومترات يا محمود
هما محترمين أوي في الحاجات اللي زي دي
وكفاية انها بتتغير
حد تاني غيرهم كان ممكن يماطل في مسالة التغيير
إحنا اعتراضنا بس عدم توصلهم لحل جذري لغاية دلوقتي لمواجهة المشكلة.
05-10-2009, 06:54 PM
MoToRiZeR

معاك حق علي باشا
05-10-2009, 07:04 PM
medo_sirion

اقتباس:

المشاركة الأصلية كتبت بواسطة bmya

بص زي منت قلت كده اي كلام في الهوا وخلاص كعاده كل التوكيلات
وبعدين المفروض يخلصوا 2007 الاول فعلا لان هما الناس اللي بقالهم فتره بيشتكوا من الصوت ده يعني هو 2007 يشتكي من الصوت يروحوا هما معدلين 2008 وبعدين يرجعوا يعدلوا 2007 !!! بالذمه ده كلام يدخل العقل

يامان همت عايزين يلحقوا الانتاج الاخير اللى انتجوة من العربية وهية مودلات 2008 و 2009 عندهم

افهمك اكتر لما غيرت العلبة اخر مرة فى توكيل الرزق كان المفروض احجز ويبعتوا للعبور ويتصلو بية علشان اغيرها زى اللى هعملها قريب
بس الفرق انها كانت موجودة لعربية سيريون عندهم فكبروا دمغهم وركبهالى انا
فهمت يعنى بيخلصوا من اللى عندهم الاول
واللى اشترى اشترى خلاص بيكون هوة فى اخر الحسبان بالنسبلهم
05-10-2009, 09:37 PM
bmya

أأأأأأأأأأأأأأأأأأأأأأه فهمت يعني برده استهبال في استهبال واللي يهمهم برده مصلحتهم ومكسبهم وبسسسسسسسس
05-10-2009, 10:02 PM
MoToRiZeR

إنت هتغيرها الصيانة الجاية يا ميدو ؟
اللي عايزين نروح فيها انا و إنت و أستاذ توفيق حبيب الملايين
06-10-2009, 03:27 AM
medo_sirion

اقتباس:

المشاركة الأصلية كتبت بواسطة MoToRiZeR

إنت هتغيرها الصيانة الجاية يا ميدو ؟
اللي عايزين نروح فيها انا و إنت و أستاذ توفيق حبيب الملايين

خلاص تمام كدة:049:
انا اغير العلبة واعمل صيانة
محمود يغير التكيف والعلبة كمان والصيانة
استاذ توفيق تغير مساعد خلفى:eee: وصيانة
06-10-2009, 08:59 AM
aliabutaleb

اقتباس:

المشاركة الأصلية كتبت بواسطة motorizer

إنت هتغيرها الصيانة الجاية يا ميدو ؟
اللي عايزين نروح فيها انا و إنت و أستاذ توفيق حبيب الملايين

أنا غالباًَ صيانة الـ 35 ألف على آخر الشهر إن شاء الله
انتو رايحين امتى يا محمود عشان لو الظروف اتظبطت نتقابل هناك؟
07-10-2009, 07:49 PM
OlaOsman

اقتباس:

المشاركة الأصلية كتبت بواسطة أبو حمزة

أنا غالباًَ صيانة الـ 35 ألف على آخر الشهر إن شاء الله
انتو رايحين امتى يا محمود عشان لو الظروف اتظبطت نتقابل هناك؟

أيوه طبعا.. إتقابلوا انتوا براحتكوا و انا ماشوفكوش غير كل سنتين مرة :N_no[1]: