الموضوع: هل عربيتك اللانوس بتطير من الهواء ؟

اخر مرة خرجت فيها كنت ماشي على سرعة 95 تقريبا

لكن العربية كانت بتعمل حاجة غريبة زادت عن حدها عن كل مرة

كان معايا 4 أشخاص غيري والعربية كانت بتطير مع أقل موجة هواء

انا افتكرت في حاجة في العربية لكن لما عربيتين نقل ماشيين على 120 تقريبا عدوا في المقابل لقيت العربية بتاعتي عملت زي الورقة لما بتقع على الأرض وطارت جامد وحدفت يمين كتير لدرجة إن التلامس مع الأرض أعتقد إنه = 0
وأعصابي اتدمرت لقيت نفسي طاير وغير متحكم في العربية نهائي

غير كده في أماكن معينة على الأسفلت لو دوست عليها العربية بتجري يمين كإنها اتزحلقت لكن الدريكسون عدل والعربية ثابتة في وضعها (مش باحس إن في حمل على مساعد أو حاجة )

ومع الكشف على العربية في كل مراكز الخدمة كلهم أكدوا إن العرية مفيهاش حاجة وإن الثبات فوق الممتاز

طب ليه بيحصل كده ؟

عايز أعرف هل هو سبب العربية ولا الطريق

انا عايز اللي يختار يعمل حسابه إن الطريق فاضي من الجانبين يعني الهواء حر الحركة مش وسط عربيات كتير والهواء محكوم أنا لما بامشي في وسط عربيات مش باحس بالحكاية دي كتير

المشاركة الأصلية كتبت بواسطة samirayad

حقول أيه

يمكن الكاوتش ممسوح وعاوز يتغير وبتبقى نافخه أعلى من 32 مثلا
نقول 40 كمثال ( والراجل عنده عداد الهواء بايظ )

وهل الكلام ده بتاع الحدفه بيتم على طريق معين
ولا على أى طريق ...........

بالنسبة للكاويتش هو جديد مكملش 5 شهور وممشيش كتير ومش ممسوح

-------------------
نسيت أقول حاجة كمان وهي إني لو ماشي هادي 20 مثلا وخبطت في زلطة بألاحظ إن الزلطة بتسحب العربية يمين أو شمال بدل مالكاويتش يدوس عليها (العربية بتتزحلق ) كإن ال3 عجلات الباقيين مش ماسكين في الأرض وبيقاموا الحركة والعربية بتكون خفيفة جداااااااااا في الحركة وحساسة لدوسة البنزين وغير ملتصقة بسطح الأرض لو طوبة بتحركها مش بتدوس عليها

وبالنسبة لضغط الكاويتش كل محل كاويتش بيجيب قراية شكل
يعني اظبط في مكان يقولي الهواء في الكاويتش 20 ويظبطه لغاية 30 ولو رحت عند واحد تاني في نفس الوقت يقولي الكاويتش فيه 45 ولما يفضي الهواء الزايد بألاقي العجل بيسخن والعربية تقيلة في الحركة

وكل مرة باظبط عن واحد مختلف وفي واحد معين لما بظبط الكاويتش عنده العربية باحس إنها عالية وخفيفة في الحركة هو ده اللي غالبا باظبط عنده لكن عيبه في الدبدبة في المطبات

ولما أقنع أي حد علشان يظبط على 32 يقولي مينفعش ممكن أخليه 40 أو 45 لكن 32 متجيش
---------------
أما الطريق
فمعظم الطرق السريعة اللي بامشي عليها بيحصل فيها الحكاية دي وخصوصا إن الطرق دي غالبا بتكون مايلة من اليمن والشمال وعالية في النص طبعا بنسة بسيطة لكن ملحوظة

ومرة سافرت طريق مختلف 200 كيلو تقريبا محستش بالحكاية دي خالص على الرغم إني كنت باجري وساحب

واللي بيدايقني إني باشوف عربيات لانوس كتير بتجري في نفس الطريق ومفيش حاجة معاكساهم ويمكن بيمشوا أقل حاجة 120 - تقفيل العداد حسب الزحمة