ازاى اركب النمر فى العربية ؟

**I.S.L.A.M** · 01-10-2009 11:18 PM

مساء الخير يارجالة انا الحمد لله استلمت نمر العربية الجديدة بعد معاناه يومين فى المرور للترخيص

فى مرور فيصل بس العربية مكنتش معايا واستلمت النمر فى ايدى وقبالى سعتين مش عارف
اركبها ياريت اى حد ركب نمر قبل كده يقولى عشان خارج بكره الصبح بالعربية وانا قاعد مستنى الرد

**I.S.L.A.M** · 01-10-2009 11:29 PM

ايه يا جدعان انتو نمتو ولا ايه اى حد يعبرنى اخوكو فى زنقة وعايز زقة

**tabeb** · 01-10-2009 11:48 PM

معلش سؤال خارج الموضوع ايه اخبار مرور فيصل؟

**aymansaad** · 01-10-2009 11:51 PM

مرور فيصل قمة المعاناة والعذاب

**I.S.L.A.M** · 01-10-2009 11:53 PM

تعددت التراخيص والمرور واحدٌ

**I.S.L.A.M** · 01-10-2009 11:54 PM

متابع

**MoToRiZeR** · 02-10-2009 12:04 AM

هي النمر الجديدة مش كدة ؟

هتلاقي خروم في الإكصدام قدام و ورا إزبط النمر عليهم و أربطهم بمفك صليبة (هو راس المسمار شكلها غريب بس هتلاقيها بتتربط بمفك صليبة و ده إكتشاف نادر نبيل) .. و بعد ما تركبهم و تتأكد إن خلاص كدة مستريحين في مكانهم و مفيش تعديل حط عليهم الكلبسات البيضة بتاعة المرور و ألف مبروك .. لو مختش مسامير و كلبسات مع النمر نقي مسمارين يكونوا مناسبين .

في بعض العربيات (زي عندي مثلاَ ) الخروم في الإكصدام بتبقي مش زابطة مع النمر الجديدة لذلك هتحتاج تخرملها في الإكصدام بشنيور و كويس إنك أخدت النمر في إيدك عشان توسطن الخروم مزبوط و بمزاج .

**I.S.L.A.M** · 02-10-2009 12:12 AM

الف شكر على الرد ياباشا وربنا ما يحرمك منى بس فعلا فتحة الصاج مش زى فتحة النمر ايه رايك ما اخرم النمر احسن بدل ما اخرم فى صاج العربية وكمان الكلبسات قطعتين مش عارف اركبهم على بعض ازاى

**I.S.L.A.M** · 02-10-2009 12:16 AM

طب معلش سوال ازاى المسمار هيمسك النمر من غير صليبة

متاااااااابع

**MoToRiZeR** · 02-10-2009 12:23 AM

إقتراح إنك تخرم النمر ده مش بطال بس أصل خامتها مش حلوة انا خايف تتكسر ولا تتشرخ أو تيجي تجدد ولا تغير المرور بعد كدة يقولولك إنت بوظتها و حوارات .

المسمار هيمسك النمر بس إنت إخرم ببنطة مش تخينة أوي فا تعمل خرم كبير المسمار يبقي سايب، إنت إعمل نفس مقاس المسمار .. و لف هو هيمسك النمر ..

الكلبسة جزئين .. المجوفة و الغطا
المجوفة دي تحط فيها المسمار و تربط .. فا هيبقي المسمار داخل فيها و هي ثابتة من برة .. خلاص خلصت التركيب تقوم مركب عليها الغطا بتاعها