مرة تانية كسبنا الطليان - مبروك

**KSA2011** · 02-10-2009 01:07 AM

المشاركة الأصلية كتبت بواسطة Ahmed Samy

هو المشكلة مش في الضفيرة

انا شايف السر في الأستيك الأسود ده

بيفكرني بأستيك كده ....يالا بقى

ههههههههههههههه
استيك كاردوزو فى الماتش الى فات بتاع القارات

**Sharky** · 02-10-2009 01:17 AM

انا رأى مخالف ليكم

منتخبنا مستوا تعبان و مش فرقة حلوة
لو بصيتوا على أهدافنا حتلاقيها بالبركة
الدفاع عندنا شوارع و مافيش لاعيب مهارى فى نصف الملعب يقوم بصانع اللعب :(
منتخب إيطاليا ضعيف جدا و ليس فى مستوى ايطاليا الاول خالص و رغم كده تعبنا جدا !!

انا شايف ان أخرنا الدور 16 و لو الحظ وقف معانا ممكن نطلع لدور الـ 8 و دا اخرنا

للأسف دا جيل غير موهوب :(
و ولو البطولة دى خارج مصر كنا خدنا 3 هزايم دا لو كنا صعدنا لكاس العالم أصلا

**AhmedGen2** · 02-10-2009 01:18 AM

أستيك ايه لأ مش فاهم :d

**KSA2011** · 02-10-2009 01:22 AM

المشاركة الأصلية كتبت بواسطة AhmedGen2

أستيك ايه لأ مش فاهم :d

استيك كونو

**MoToRiZeR** · 02-10-2009 01:23 AM

المشاركة الأصلية كتبت بواسطة sharky

انا رأى مخالف ليكم

منتخبنا مستوا تعبان و مش فرقة حلوة
لو بصيتوا على أهدافنا حتلاقيها بالبركة
الدفاع عندنا شوارع و مافيش لاعيب مهارى فى نصف الملعب يقوم بصانع اللعب :(
منتخب إيطاليا ضعيف جدا و ليس فى مستوى ايطاليا الاول خالص

انا شايف ان أخرنا الدور 16 و لو الحظ وقف معانا ممكن نطلع لدور الـ 8 و دا اخرنا
للأسف دا جيل غير موهوب :(

أوافق رأي شاركي
للأسف إحنا كسبنا عشان إيطاليا فريق ضعيف جداَ .. لو لاعبنا فريق حقيقي الوضع هيكون غير .. بالنسبة للدفاع بتاعنا .. يكفي الجون الأول بتاع إيطاليا ! بس أدينا كسبنا و زي الفل .. بس هنلبس في فريق مش ظريف في دور ال 16 و فعلاَ حاسس دي نهاية المطاف .. و قلبي حاسس إنه ألمانيا .

نقطة إيجابية في البطولة دي انا حاسس فعلاَ بتحسن في أرضية الملاعب و شكلها نضيف .. أمال شكلها جربان في الدوري ليه

**blazer** · 02-10-2009 01:24 AM

الف مبروك لمصر !
فعلا زى ما شاركى باشا قال
الدفاع عنده انيميا !

**Abo_Lina** · 02-10-2009 01:46 AM

الله يرحم منتخب شوقي غريب
اليماني و أبو المجد مصطفى و أبو مسلم و حسام غالي و وائل رياض و زكي جمعة (مين زكي جمعة ده )
المنتخب الحالي بيلعب بالبركة و رؤيته مملة جدا و بصراحة مش عارف اللي فرحان فرحان ليه ? طلعنا دور ال ١٦ يعني..البطولة على أرضنا و تبقى فضيحة لو خرجنا من الدور الاول
هو مافيهوش غير عفروتو بصراحة مع احترامي للي بيقول غير كده ..

و في الاخر احب اقول شفلي ١٠ جنيه غير دي ياد و اطلع لحسن في الدور التاني ع السلم مش في الاسانسير يا بني

**MoToRiZeR** · 02-10-2009 01:50 AM

المشاركة الأصلية كتبت بواسطة tyler_durden

اليماني و أبو المجد مصطفى و أبو مسلم و حسام غالي و وائل رياض و زكي جمعة (مين زكي جمعة ده )

اللي يزعل بجد إن الفريق ده كله مات و ضااااااع ! كان ممكن لو تم الإهتمام بيهم بقوا لعيبة عالمية .. لعيب زي اليماني كان مبشر جداَ .. زكي جمعة كان هايل خاصة في ماتش الصين.

**Sharky** · 02-10-2009 02:00 AM

المشاركة الأصلية كتبت بواسطة motorizer

أوافق رأي شاركي
للأسف إحنا كسبنا عشان إيطاليا فريق ضعيف جداَ .. لو لاعبنا فريق حقيقي الوضع هيكون غير ..

دا حقيقى يا محمود
و حصل فعلا مع الباراجواى اللى لعبت أحسن منا فى مصر و كسبتنا و هى بتلعب مطرود منها واحد لمدة شوط كامل !

ربنا يستر و لو ربنا كرمنا و عدينا دور الـ16 مانلعبش البرازيل أو أسبانيا و إلا حتبقى فضيحة من ام 7 او 8 أهداف مع الرأفة :(

**kareemhisham** · 02-10-2009 02:01 AM

من اهم نقاط الضعف فى منتخبنا (الكبير و الصغير) .. اللياقة البدانية

يا جماعة مش معقول ازاى مش بنهتم باللياقة البدانية خالص كدة .. مع انها من اهم نقاط تفوق اللعيب ..

بصوا على اجسامهم و بصوا على اجسامنا ..

اجسام لعيبتنا رفيعة و هزيلة و اللعيبة كل شوية تقع و الدكاترة يخشوا ..

اما لعيبتهم فاجسامهم معضلة و قوية و بيفضلوا يجروا لغاية اخر دقيقة فى الماتش

و دة احد الاسباب البيخلى لعيبتنا متعرفش تحترف برة

الموضوع: مرة تانية كسبنا الطليان - مبروك

LinkBack

أدوات الموضوع

عرض

-

-

-

-

-

-

المواضيع المتشابهه

مبروك فادي -- مبروك خالد ايمن -- مبروك محمد قاسم (تكريم المنتدى)

الحمد لله كسبنا الجزائر فى كره اليد تحياااااا مصر

اللى يبيع ماتش .. يبيع اى حاجة تانية وده لو كان ف حاجة تانية اصلا .

مبروك لفيراري..... مبروك لكيمي رايكونن

الكلمات الدلالية لهذا الموضوع

المفضلات

المفضلات

ضوابط المشاركة