ماتش تحفه و أول مرة احس انه بقى عندنا فرقه بتلعب راس براس قدام اسياد الكوره فى العالم
حاجه تشرف
لا وكمان تحس انه عندك كذا لعيب تقيل ومهارى
مبروك
عرض للطباعة
ماتش تحفه و أول مرة احس انه بقى عندنا فرقه بتلعب راس براس قدام اسياد الكوره فى العالم
حاجه تشرف
لا وكمان تحس انه عندك كذا لعيب تقيل ومهارى
مبروك
اللاعيبة روحها حلوة أوى.
علاء صادق في الراديو مش طااااااااااااااااااايق عفروتو و عمال يقول ان نقطة التحول في المباراة هي خروجه من المباراة.
شكلى هاتفرج على الكورة بقى
و غالبا هاتابع ماتشات ايطاليا بس
انا عن نفسي بتابع من الراديو.. أقعد على النت اشوف شغلي عادي و جنبي الراديو.. و الله جه جون، باقوم اشوفه في التليفزيون.. غلبنا يبقى كويس.. عكينا و كان ماتش مقرف باوفر على نفسي العكننة :mahf(5):
انا بطلت أقعد قدام ماتشات و أشجع و اتشال و اتهبد بقالي كام سنة كده و مرتاحة جدا :E_braces[1]:
انا ما شفتش الشوط الاول بس كل الناس حتى محمود بكر فى التلفزيون المصرى بيقول انه اداء عفروتو و طلعت للمنظره و بسمع انه طلعت بيضيع فرص كتير
ومع انى اهلاوى بس حاجه زى دى ما تزعلنيش المهم المنتخب يكسب و الناس كلها تفرح
وعلى راى واحد كان قال تعليق على محمد طلعت انه اه لعيب كويس وكل حاجه بس طول ما هو مربى ضفيره عمره ما هيشوف توفيق ربنا يهديه
المهم سيبكم من التفاصيل دى
مبروك
اتفرجت علي الشوط التاني بس وبالصدفه بقلب القنوات لقيت قناه euro sport ناقله الماتش اتفرجت وزعلت اني ما شفتش الشوط الاول بس شوفنت ملخص.اللعيبه كويسه وماتش كان كويس.الحمد لله
bemo,ire
على فكرة المنتخب الايطالي للشباب مش جامد واقوى مركز حققه انه صعد لدور ال 8 ايطاليا في المرحلة السنية دي مش جامدة ولا حاجة
انا رأى مخالف ليكم
منتخبنا مستوا تعبان و مش فرقة حلوة
لو بصيتوا على أهدافنا حتلاقيها بالبركة
الدفاع عندنا شوارع و مافيش لاعيب مهارى فى نصف الملعب يقوم بصانع اللعب :(
منتخب إيطاليا ضعيف جدا و ليس فى مستوى ايطاليا الاول خالص و رغم كده تعبنا جدا !!
انا شايف ان أخرنا الدور 16 و لو الحظ وقف معانا ممكن نطلع لدور الـ 8 و دا اخرنا
للأسف دا جيل غير موهوب :(
و ولو البطولة دى خارج مصر كنا خدنا 3 هزايم دا لو كنا صعدنا لكاس العالم أصلا
أستيك ايه لأ مش فاهم :d
أوافق رأي شاركي
للأسف إحنا كسبنا عشان إيطاليا فريق ضعيف جداَ .. لو لاعبنا فريق حقيقي الوضع هيكون غير .. بالنسبة للدفاع بتاعنا .. يكفي الجون الأول بتاع إيطاليا ! بس أدينا كسبنا و زي الفل .. بس هنلبس في فريق مش ظريف في دور ال 16 و فعلاَ حاسس دي نهاية المطاف .. و قلبي حاسس إنه ألمانيا .
نقطة إيجابية في البطولة دي انا حاسس فعلاَ بتحسن في أرضية الملاعب و شكلها نضيف .. أمال شكلها جربان في الدوري ليه
الف مبروك لمصر !
فعلا زى ما شاركى باشا قال
الدفاع عنده انيميا !
الله يرحم منتخب شوقي غريب
اليماني و أبو المجد مصطفى و أبو مسلم و حسام غالي و وائل رياض و زكي جمعة (مين زكي جمعة ده )
المنتخب الحالي بيلعب بالبركة و رؤيته مملة جدا و بصراحة مش عارف اللي فرحان فرحان ليه ? طلعنا دور ال ١٦ يعني..البطولة على أرضنا و تبقى فضيحة لو خرجنا من الدور الاول
هو مافيهوش غير عفروتو بصراحة مع احترامي للي بيقول غير كده ..
و في الاخر احب اقول شفلي ١٠ جنيه غير دي ياد و اطلع لحسن في الدور التاني ع السلم مش في الاسانسير يا بني
من اهم نقاط الضعف فى منتخبنا (الكبير و الصغير) .. اللياقة البدانية
يا جماعة مش معقول ازاى مش بنهتم باللياقة البدانية خالص كدة .. مع انها من اهم نقاط تفوق اللعيب ..
بصوا على اجسامهم و بصوا على اجسامنا ..
اجسام لعيبتنا رفيعة و هزيلة و اللعيبة كل شوية تقع و الدكاترة يخشوا ..
اما لعيبتهم فاجسامهم معضلة و قوية و بيفضلوا يجروا لغاية اخر دقيقة فى الماتش
و دة احد الاسباب البيخلى لعيبتنا متعرفش تحترف برة
فعلا لعيبتنا أجسامهم ضعيفة
الباك اليمين تقريبا (مش فاكر اسمه بس هو شاط الهوا قبل ما جون ايطاليا الاول يجي فينا ) بيفكرني ب طارق السيد و أيامه
مبرووووووووووووك
دا بس من فضل ربنا ودعواتي
أنا يا جماعة إتقهرت لما مصر كسبت ..
الطليانة يجيبوا جول .. أفرح جدا و أزقطط ...
المصريين يجيبوا جول وشى يجيب أجوال ..
أبويا بيقولى هو إنت إيطالى ولا حاجة ... :36_1_1[1]:
يظهر لازم أروح لدكتور يشوفلى حل:fdsa:
دلوقت بقي المعلقين يقولوا إحنا كعبنا عالي علي إيطاليا
على فكرة منتخب مصر تعبان جدااا انا ماشفتش ولا جملة مهارية اتعملت وكل اللى نازل على كل لعيب انة ياخد الكورة ويبتدى يشوف ازاى هيرقص تقوم الكورة مقطوعة منة وعلى فكرة ايطاليا تعبانة جدااااااا بس لو قابلنا فريق زى اسبانيا كسب كل المتشات ودخل 13 جون ومدخلش فية ولا جون اكيد كان هيحصل كلام تانى خلاص
بس برضووووو الف مبروك لمصر
ياجماعة فريق جايب 9 اهداف في 3 مباريات يبقي مش تعبان زي ما بتقولو وفريق طالع اول مجموعة علي ايطاليا وبارجواي يبقي كويس قوي معاكو في اخطاء دفاعية قاتلة ولو الدفاع كويس كانت مصر كسبت ماتش بارجواي وحكاية ان الفريق مش موهوب دي غريبة شوية ثم مين قال ان محمد طلعت ده مبيعملش حاجة علي فكرة ده لاعب ممتاز عموما احنا مش عاوزين نتشائم