سيات ام اوبترا

**just_magdy1** · 02-10-2009 02:14 AM

كلنا يدرك ان الصناعة اليابانية تسبق الكورية ببضع خطوات كما نعلم ايضا ان الصناعة الاوربية تسبق اليابانية الا ان السوق المصرى يعد سوقا غريبا فليس به منطق فكثيرا من السيارات الاوربية فشلت على الرغم من تقارب سعرها مع السيارات اليابانية .... سؤلان
مالذى يراه المصرى فى اليابانى والكورى ولا يراه فى الصناعة الاوربية
الثانى وهو استطلاع ... اذا خيرت انت يا صاحب الاوبترا فى ان تنزل منها لتركب سيات قرطبة دون ان تدفع فارق ... انا اتحدث عن القرطبة 1400 سى سى موديل 2008 ... ماذا تختار ؟؟؟

**nab!l** · 02-10-2009 02:42 AM

احنا كده
فى عربيات تقع عندنا وبدون سبب
يعنى حاجة بنظام هو كده و خلاص
وزى ماتقول اننا اول ماعرفنا السيات كان عن طريق الابيزا تقريبا بغض النظر عن السيات القديم فلما العين ترى القرطبه بتحس بشئ من التقليد بس على كبير شويه
وبعدين المصريين يحبو يركبو ماتور1600 لا اكتر ولا اقل

**Hosam_Optrawy** · 02-10-2009 05:33 AM

العربيات الأوروبيه بصفه عامه واخده سمعه ان قطع غيارها غاليه وصيانتها غاليه واعادة بيعها وحشه

غير ان اسعارها أغلى من اليابانى والكورى

ومبتهتمش بقوة الموتور

وأحيانا بتحتاج بنزين 95

عشان كدا مفيش عليها اقبال

وفعلا فى عربيات كتير مش واخده حقها

الفورد فوكاس مش واخده حقها

الميجان ولو انهم أكثر انتشارا لكن برضه مظلومه واعادة بيعها وحشه جدا بسبب سمعتها والاشاعات اللى بتطلع عليها

والعربيات اللى ارخص شويه ومش منتشره برضه

السيات الكوردوبا

الفيات لينيا ( من عيوبها برضه انها بتنزل مانيوال فقط فاللى بيبقى عايز اوتوماتيك مبيفكرش فيها خالص )

وأغلب الناس بتحب تبقى فى المضمون

بيبقى عايز يشترى عربيه ميخسرش فيها كتير لما يبيعها ويقدر يصرف عليها من صيانه لقطع غيار الخ

وتبقى عمليه وتلبى احتياجاته وسعرها معقول

ودا متوفر فى اليابانى والكورى مش الأوروبى

**Hosam_Optrawy** · 02-10-2009 07:18 PM

المشاركة الأصلية كتبت بواسطة just_magdy1

طيب يا استاذ حسام لو انت شخصيا طلب منك انك تنزل من الاوبترا مقابل انك تركب سيات قرطبه الى هى 1400 سى سى من غير ماتدفع فرق ... تعمل ايه ؟

مش هاوافق

مش عشان الاوبترا أحسن أو الكوردوبا اسوأ

عشان مش هاتدينى أى شئ زياده عن اللى بتديهولى الأوبترا

مساحتها أصغر - وموتورها أضعف - وتكييفها مش هيبقى زى بتاع الأوبترا - وقطع غيارها وصيانتها ممكن تبقى أغلى - ومفيش منها غير مانيوال بس وانا مبركبش غير أوتوماتيك - عربيه مش منتشره واعادة بيعها وحشه

يعنى مش هاخد منها اى شئ زياده وكمان هاتكلفنى أكتر من الأوبترا ومفيهاش مميزات موجوده فى الأوبترا وكمان مانيوال بس

ايه اللى يخلينى اعمل كدا ؟

عشان المانى وكورى والعمر الطويل ومش عارف ايه ؟

الحاجات دى ماتلزمنيش

الكلام دا اللى بيجيب عربيه تقعد معاه 10 او 20 سنه

ساعتها نتكلم فى العمر الطويل وان العربيه معمره

انما انا اخرى مع العربيه 5 سنين أى كان نوعها وحتى لو مفيهاش مشاكل برضه باغيرها من باب التجديد

**just_magdy1** · 02-10-2009 08:24 PM

المشاركة الأصلية كتبت بواسطة ldsaklf

من الصعب ان تترك سيارة فيها كل شئ يرضيك وبسعر مناسب عشان تركب عربية تانية لمجرد ان الصناعة بتاعت البلد الي بتنتمي ليها هذه السيارة افضل

بالمناسبة يا استاذ حسام القرطبة فى منها 1400 سى سى اتوماتيك ... انا بنكلم عن تجربة واقعية انا امامى سيارة قرطبة 1400 سى سى اتوماتيك .. وبعدين هى بتزيد فقط عن الاوبترا ان فيها 2 ايرباج بس بصراحة مافيهاش الاوبشنز الى فى الاوبترا يعتى المرايات بتاعتها مش كهربا

**just_magdy1** · 02-10-2009 08:27 PM

اسف للاقتباس الخاطىء

**Hosam_Optrawy** · 02-10-2009 08:46 PM

اللى أعرفه ان القرطبه ال 1400 مانيوال وسعرها 100 الف

والاوتوماتيك 1600 سعرها 115

طبعا الكلام دا على الزيرو مش المستعمل

الموضوع: سيات ام اوبترا

LinkBack

أدوات الموضوع

عرض

-

-

-

-

المواضيع المتشابهه

اوبترا

ليه كدا يا اوبترا 2 ....؟؟

وقفة مع توكيل سيات ومحبى سيات الكل يدخل يشارك

ايه الفرق بين اوبترا 2006 و اوبترا 2007

الكلمات الدلالية لهذا الموضوع

المفضلات

المفضلات

ضوابط المشاركة