thumbs up
مش مصري ؟؟ لازم يبقي مظلوم و مضطهد !!
هو في مصري بيغلط ؟؟
حضرتك انا اول حاجة .. حضرتك بتقولي ان مش هتردي لحد مالادارة تراجع الردود .. واعضاء تانين كاتبين الموضوع بقي فيه شخصنة ..
او حاجة اخشي ان حضرتك تكوني شايفة ان ردودي فيها حاجة غلط او ان انا شخصنة الموضوع او لومت حضرتك .. انا متعرضتش لحضرتك بأي نوع من الكلام انا فقط علقت علي الموضوع وعلي ردود بعض الاعضاء واللي يعنيني موضوع التحرش ككل ..
نناقش اللي حضرتك بقي كتبتيه دلوقت :
1- (اما بخصوص البنت ففعلا القاضي وجه انذار لابوها بخطأه انه سمحلها تروح لمكان زي دا وكمان من غير محرم
ولو اني مش شايفة ان دا مبرر للخياط
يعني مثلا لو نسيت باب شقتي مقتوح دا مش مبرر لاي حد يدخل يسرق الشقة بدون تبرير)
اولا: دا فعلا مش مبرر للخياط .. بس هو موضوع توجيه اللوم فعلا صح انا مش عارف حضرتك معترضة عليه ولا كل القصد انه مش مبرر؟ . لأن الاصل في الاسلام ان خروج المرأة من المنزل يكون بمحرم الا استثناء ودي مش حالة استثناء .. دا بالعكس احنا لو حبينا نحلل القضية هنلاقي ان القرب للواقع ان كان فيه خلوة بينهم .. والخلوة لاتجوز بين الرجل والمرأة وكمان مفيش محرم ..
موضوع بقي ان دا مش مبرر لفعله .. هو فعلا مش مبرر .. بس دا فتح لباب المعصية ..
بالقياس علي ي مثال حضرتك .. لو حضرتك سايبة باب حضرتك مفتوح .. دا فعلا مش مبرر للسرقة .. بس دا دعوي ليها .. يعني حضرتك نبهتي واحد لفكرة ممكن مكنتش قفي دماغه .. والنفس بطبعها امارة بالسوء كما قال المصطفى عليه الصلاة والسلام .. خصوصا بقي لو كان شخص محتاج الفلوس دي او في حالة فقر ..
يبقي الحل ليه : ان احنا نسد باب الفتنة دي ..
يعني مثال حضرتم دا حجة على كلام حضرتك .. لأن لو حضرتك قستيها .. هتلاقي ان لولا فتح الباب قدام شخص وانا بقولك ضعيف الايمان وضعيف النفس مكانش سرق .. لولا ان الشخص وجد البنت بدون محرم مكنش فكر في التحرش بها .
ثانيا : موضوع النقاب :
ثوابت : الخمار امر ديني ويتجه الفقه فيه لرأين
راي الامام ابن حنبل وابي حنيفة انه فرض .. ورأي الامام الشافعى والامام مالك انه سنة ولمنه يصبح فرضا اذا لم تؤمن الفتن ..
اذا : علي كلام حضرتك .. من واقع المجتمع اللي احنا فيه .. عايز الناس هي اللي ترد .. هو احنا العصر دا في فتن والا ايه .. دا حضرتك بتقولي اصبحت المرأة نفسها حاي ولو منتقبة ممكن يتحرش بها .. يبقي دا ايه ....
احنا كدا خلصنا الركن الشرعي .. ندخل علي الركن المادي
حضرتك بتقولي ان حتي لو الواحدة لبسه خمار .. هقولك اولا انا قلت نقاب مش خمار .. ثانيا حتي لو خمار نحللها
بأبسط حاجة لو واحد قدامه 100 بنت 99 منهم مخمره و 1 غير مخمرة .. هيروح لمين ويتحرش بيها ..؟
لو في 100 بنت مخمرة و100 غير مخمرين .. نسبة التحرش بدول كام ودول كام
هو اصلا لو زي محضرتك بتقولي فيه تحرش بالمنقبات بردوا .. نفتكر كدا ايه السبب .. السبب ان بقي في سعار ..... (ومش هكتب الكلمة عشان ميتقلش اني بغلط) السعار دا نتيجة ايه .. ان واحد شايقف متبرجين في التلفزيون .. يقوم بنزل الشارع يلاقيهم طبيعي .. خلاص اصبح مسعور .. يفوم لو شاف كعب واحدة منتقبو او نقطة منها يثور عليها .. يبقي السبب بقي في مين .. في اللي بردوا مش محجبة ..
زي كدا احد جعان اوي .. وشاف قدامه لحمة طول اليوم ومرة كدا ملقاش لحمة بس شاف طب متغطي او شايف نقطة منه.. هيعمل اي هيروح يكشفوا عشان يشوفه ايه ..
وبردوا هنرجع ونقول ان دا مش مبرر .. والعيب في الشباب بردوا ...
وهنقول في الاخر ان الاخلاصة ان دا نتيجة قلت دين من الاتنين ..
واسف على الاطالة وانا والله لا اقصد شخص بعينه .. وللعلم انا شخص ولا متشدد ولا حاجة عشان ملقيش كلام بعد كدا ان انا متطرف ومتشدد وانا غير منتمي لاي جماعات.. انا كل الموضوع ان عارف ديني بيقول ايه وبقول الحق بدون مجاملة او مصالح .. وانا عندي 18 سنة كمان يعني مش شيخ ولا حاجة
وربنا يهدينا اجمعين ..
[QUOTE=zyadahmed;3872026314] وتحياتي لحضرتك ..
وانا اسف لو كان حد زعل مني بس انا والله مكلمت عن حد خالص والله اعلم ..
وانا كل اللي يعنيني ان بجد الموضوع دا ينتهي من عندنا .ز انا مش فاهم يعني ايه شاب يتحرش ببنت .. والكثر انه يلمسها بجد موضوع فظيع .. واللي منرفزني اكتر ان البنت تساعده على كدا
انا حولت اجيب طرق الوقاية من دينا الحنيف اللي هو بلا شك هيكون افضل دين يقدم افضل الحلول في كل عصر وزمان
samoevil
كلامي بخصوص الاارة مقصش بيه حضرتك نهائيا
وعذرا لو كلامي اتهفهم غلط
بس حقيقي مش موجه لحضرتك اطلاقا
ومش شاية اي مشكلة في تناقض افكار طالما بيتم عرضها ونقاشها باسلوب محترم
انا كنت بتكلم عن مداخلات تانية الادارة حررت معظمها ولسه الباقي
حضرتك محدش قال ان تطبيق الشريعه الاسلاميه هو ليس برادع بل هو الرادع الوحيد ولكن زى ما قال اغلب الاعضاء هنا نلتزم بيه كلنا مش ناخد الى يعجبنا ونسيب الى يعجبنا يعنى زى ما حضرتك بتقولى تطبيق الشريعه ضد المتحرشين كان من العدل انك تقولى وراها التزام البنات بالحجاب او النقاب وزى ما حضرتك بتقولى ننزل الشارع ونشوف حضرتك برضه تقدرى تشوفى منظر البنات عامل ازاى وبتقولى ان لو حتى المرأه لابسه حجاب او نقاب ما بيمنعش ما اظنش ان حد بيتحرش بمنتقبه لان هو بطبيعته بيدور على امرأه تفتنه عشان يعاكسها وبرضه هقولك مثال انا من جامعه المنصوره واقسم بالله 3 مرات انى شوفت بنت طالبه منتقبه بتلعب كرا طايره فى الملعب مع رجاله قدام الناس كلها
فى النهايه اسف على الاطاله
قبل أي كلمة لازم نعرف أن الموضوع دة لا يعلم حقيقته الا الخالق سبحانة وتعالى وبالتالي مينفعش نبني ردود أفعالنا على أساس خاطي فإذا فسدت المقدمات فسدت النتائج .
طبعاً فساد الأخلاق موجود في كل مكان وضعاف النفوس موجودين في كل بلد وبالتالي مش هتكلم عن الموضوع مع رغبتي الشديدة في الغوض فيه وذكر وقائع حدثت في السعودية وكان الطرف المصري فيها مظلوماً وحكم عليهم بأحكام غاية في القسوة والظلم تتعدي بكثير عقوبة الزنا نتيجة لشكاوي سيدات سعوديات لتعرضهن للتحرش (على حد قولهن) .
أنا عاوز أسأل سؤال واحد بس وهو هل لو الحادث دة حصل في مصر وكان بطله سعودي الجنسية هل كان حد ألتفت للموضوع ولو أرتكب جريمة الزنا هل كان سيجلد أو يتحبس كام سنة كما ينص القانون المصري وبما أنه على أرض مصرية وهل سيطبق مبدأ المعاملة بالمثل ؟ أعتقد الأجابة معروفة مسبقاً .
كلامك دة يحرق دم اي واحد مصري خاصة في موضوع زي دة يمسنا في أخلاقنا ثم أنك مصرية ولا أيه ؟اقتباس:
المصريين أهمه:fdsa:
أنا برده بصراحة الكلمة دي حرقت دمي جداً جداً...دة تعميم صريح يمسنا في أخلاقنا .... و ده فيه افتقاد واضح وصريح للموضوعية في الحوار....أنا قرأت الموضوع كله من أوله لأخره بكل الأراء اللي أنا احترمتها جداً...و أصلاً كنت قرأت هذا الموضوع الصبح في المصري اليوم.. و معقبتش هناك ولا ولا كنت ناوي اعقب هنا ... لأني من الداخل اتمنى أن يكون هذا المصري مظلوم ..و في نفس الوقت لا املك أي دليل أو أي رؤية واضحة في هذه القضية ...بس بصراحة مقدرتش أمشي من غير ما اعبر عن استيائي من أخر جملة في الموضوع ...و كنت اتمنى من الإدارة مراجعة هذه الكلمات الاخيرة لأنها لا علاقة لها بالموضوع و تسئ إلى صورة عامة لشعب كامل ...
أسف جداً لو هولت من الموقف لكنني أعبر عما بداخلي
على فكرة أنا عارف النكتة و أعتقد إن حتى التلميح لها لا يصح على منتدى بهذا الحجم
و أنا أقسم بالله ضد كل أنواع التحرش و المعاكسة..و قد يصل الأمر بي اني اضرب واحد أشوفه بيعاكس بنت محترمة في الشارع..
استاذ ميدو و Samoevil
انا متفقة معاكم تماما ان العديد من تصرفات البنات ليها عامل كبير في انتشار مثل هذه الحوادث لكن في نفس الوقت مينفعش نهمل نقاط اخري لاتقل اهميه زي
1_ ديفيكت في اسلوب التربية في البيت
2_ +شخص سيكوباتي يعاني من اضطرابات نفسية ولو كانت مش ظاهره
3_ + فكرة خاطئة كاحد الاساليب لاثبات معني خاطئ للرجولة
4_+ فكرة خاطئة ايضا تبرر ان كل مايسير في الشوارع من انسان او حيوان هو ملكية عامة_يندرج تحتها افعال كتيرررررررر بنشوفها في الشوارع_
حضرتك برضه التربيه الخطأ للجنسين وبرضه فى بنات عقلهم بيقودهم للتبرج واللبس الخليع على اساس صاحبتها مش احسن منها والكلام دا كله انا شايف ان حضرتك متحامله على الرجاله والله اعلم وانا رأى الشخصى البنات ومش كلهم طبعا لهم الدور الرئيسى فى قضيه التحرشات دا طبعا بجانب انحطاط الاخلاق من البعض برضه وتقدرى تقارنى بين مصر زمان ودلوقتى زمان كان فى احترام عن كدا لكن دلوقتى تقليد اعمى للغرب ولبسهم وانا شايف انا اى اب او اخ او قريب لبنت سايبها تخرج بمينى جيب ولا ميكرو جيب ولا لبس ضيق والكلام دا هو مسؤل اساسى لو حصل للبنت تحرش لانه كان ممكن يقدر يمنع كدا وكنت عايز اقول مالوش حق يشتكى اساسا لو حصل لها حاجه بس صعبه دى شويه
واخيرا حضرتك كان ممكن الموضوع يبقى اكثر موضوعيه ومكناش هنشوف تعليقات تبين زعل الناس لو مكنتيش كتبتى المصريين اهمه لانها جرحتنا كلنا بصراحه وانتى ما ترضيش واحد يكتب المصريات اهمه وبيعملوا......
واسف على الاطاله وياريت تكون وجهه نظرى وصلت
علي فكرة مش لازم نجلد الواحد كعقاب يحده عن تكرار فعلته !
نبص لملابسات الحادث .. أي خياط بياخد مقاسات ممكن إتهامه بالتحرش خاصة إذا كان في بلد يعامل فيها كالعبد .
التقاليد تختلف من بلد لبلد و الكل يفتكر البنات السودانيين إلي إعتبروهم مثيرين للفتنة بملابسهم المثيرة و أظن شفنا كلنا صورهم العادية جداَ ! فا ممكن العادي بتاع الراجل .. السعودي قفلت معاه و ليه و ليه بقي .
ليه البنت دي مصدتوش في ساعتها و إستنت و راحت لبابا قالتله يا بابا عمو المصري لمس عندي أجزاء حساسة !؟
معتقدش فيه حد بالغباء إنه يسافر لغاية السعودية و هو عارف وضع المصريين البسطاء هناك و يروح يتحرش ببنت سعودية ! و هو عارف إنه من الأخر ملوش دية .
---------------------------------------------------
نبص بقي للوضع في مصر .. هل البنات اللي بيتم التحرش بهن .. بيبلغوا أصلاَ ؟! ولا بيعتبروا حاجة زي كدة عيب و فضيحة أو بيكبروا دماغهم أصلاَ ؟ و ماهو المطلوب ؟ يعني هل هو ضعف العقوبة ولا إيه ؟ إن في السعودية بيجلدوا المتحرشين بقوا حاجة جميلة كدة ؟ ماهو التحرش دلوقت بقي بلاغ من اللي بيلبش أي قسم و في العيد بيبقي فيه دوريات صارمة في الأماكن المعروف بها الزحام .. المطلوب إيه تحديداَ ؟
و أخيراَ .. نظرة لأخلاقيات السعوديين في مصر من أول الأمير ترك لحد أصغرها شاب جي يدرس ولا يقضي أجازة الصيف في مصر .
لكن فيه ناس غبية و بتعمل كده للاسفاقتباس:
معتقدش فيه حد بالغباء إنه يسافر لغاية السعودية و هو عارف وضع المصريين البسطاء هناك و يروح يتحرش ببنت سعودية ! و هو عارف إنه من الأخر ملوش دية
و اكتر من كده :8954[1]:
موتورايزر خليك معايا فموقف زي دا
واحدة ماشية فلشارع وواحد ضايقها بكلام او فعل
تقوم هي بقي تعمل ايه؟؟
تقوله بعد اذنك عوزاك معايا في مشوار ابلغ عنك عشان معرفش اجيبك منين وترجع تاني؟
اكيد كلام مش منطقي
داغير ان اي بنت بتتكلم فعلا فلشارع مبشفش الناس تقف معاها بالعكس كله بيبصلها البصة التقليدية انها غلطت يا اما في لبسها
او لو كانت محتشمة تبقي غلطت في تصرف فلشارع
شفت مرة في اليكس واحدة رفعت الشبشب علي بنتها فلشارع ونزلت بيه علي دماغها علشان واحد شد دراعها فلشارع قامت زعقت
بقت تضربها وتقولها انتي عاوزة تفضحينا؟؟
خلاص اللي حصل حصل وتمشي زي الكلبة ولاتنطقي
ودا فعلا بيحصل فبيوت كتير فمحدش بيتكلم
وبالتالي 90% من البنات في الشارع بيتم التحرش بيهم يومياااااا
ولاحد بيتكلم
ماهي أي بنت لو ماشية في أي مكان في العالم و حد ضايقها بكلام أو بفعل هتعمل إيه ؟! دي مش حاجة خاصة بمصر يعني
إنما في محل .. سيارة .. أي حاجة نقدر من خلالها نجيب صاحبها الوضع يختلف .
و موقف زي الست دي اللي ضربت بنتها يبقي العيب في المجتمع لأن كدة الأهل نفسهم بيشجعوا المتحرش .. إتحرش ببنتنا و إحنا هنغطي عليك و نحميك من العقاب .. يبقي هيتعاقب و يبطل التحرش إزاي !؟
٩٠٪ من البنات !!!!ويومياً كمان ...دة كدا بلدنا قايمة على المعاكسة...و محدش من الشباب وراه حاجة غير المعاكسة ..و طبعاً هيتقال أكيد إن دي صورة من سطوة الرجل في المجتمع المصري:36_1_1[1]:..لا حول ولا قوة إلا بالله.. على فكرة الانتماء للوطن دة شئ أساسي مافيهوش ممكن ... طبعاً أول انتماء بيكون لديني..
سيدتي الفاضلة .. انا مش فاهم التحليل بتاع حضرتك خاصة الرابعة دي المقصود بيها مين ..
اما موضوع التربية الخاطئة وانه انسان سيكوباتي ... فـــــ:
سؤال كده منطقي : هل يعقل ان كل هذه النسبة من المتحرشين سيكوباتين ..؟ معني كدا ان مصر مستشفي للمجانين مثلا ..
طب لو على كلام حضرتك .. هو فعلا ممكن يكون في اضطراب نفسي .. بس هو ايه سببه ؟؟ مش البنت اللي مش محتشمة ..
احنا ليه غافلين حتة الاحتشام دي .. وواضح ان حضرتك مصرة ان الولاد هم الاكثر خطئا .. وانا لم انكر خطأ الرجل .. بس لم اغفل خطأ المرأة قبله ..
بصي حضرتك لو الولد لقي بنت محترمة ومحتشمة مش هيفكر انه يقربلها ..
هي معادلة : غير محتشمة = استفزاو للشباب
استفزاز للشباب = سعر .....
سعر ..... يؤدي للتحرش
وساعتها البنت متلومش الا نفسها ..
اذا لو كان الولد مضطرب نفسيا . فالاصل ان البنت لم تكن محتشمة او محترمة .. والادلة كثيرة واسهلها النت والتلفزيون
حضرتك ليه بتفسر كلمة سيكوباتي انه واحد بيشد في شعره وماشي يهوهو فلشارع مثلا؟؟
مجرد اقتناع انسان ان دا من حقه دي فحد ذاتها فكرة سيكوباتية في دماغه
ومين قال ان هو مقتنع ان دا حقه ...؟
دا انت لو سألتي حد عمل كده هيقولك دا عيب .. بس اللي البنت عملته هو عيب اكتر ..
وهيقول بردوا ان دا حصل غصب عنه ..
وبعد كده الامر هيتحول عنده لعادة ..
هقول لحضرتك حاجة:
انا قلت ان الشخص اللي يعمل كده مخطئ ومفيش مبرر لفعله .. بس في دوافع لفعله ..
انا مش فاهم حضرتك عايزة توصلي لأيه بالظبط ..؟ ان البنات ملهاش ذنب .؟ واعدام الاولاد؟..
اصل حضرتك كل مره ترجعي لنفس نقطة البداية .. والشخص دا اخطأ ومرة سيكوباتي . دون ذكر اي خطأ على البنت .. اينعم حضرتك قلتي ان البنت مخطئة في احد مشاركاتك .. بس كانت كلمة عابرة .. ورجعنا تاني للكلام عن ان الولد مريض وسافل ..
هو حضرتك شايفة ان البنت مش غلطانة ؟؟
لوحضرتك شايفة ان الولد سيكوباتي او مريض نفسي .. فانا شايف ان البنت مش محترمة .. والولد مخطئ ويستحق عقوبة رادعة
إسمحولي بعد قراءة الموضوع بأكمله والتعليقات كلها إنى أعلق:
1ـــ بالنسبة لإن محال الخياطة بالخليج لا يعمل بها رجال فهذا خاطىء جدا لأن 99% من محلات الخياطة الحريمي بالخليج بما فيهم السعودية لا يعمل بها الا رجال وهذا رأيته بعيني.
2_ لن أكذب الخبر ولن أنفيه لأن النفس أمارة بالسوء ولكن لي تعليق هنا
السعودية بالذات تطبق الاحكام الشرعية دائما وفى وقتها سواء جلد أو قصاص أو غيره لذلك يفكر الكثير من المغتربين ألاف المرات قبل فعل أي شىء لسببين :ـ أولهم حفاظا على لقمة عيشه وثانيهم الخوف من العقاب
ولكن هل ده منع جرائم الاغتصاب هناك ...؟؟أبدا
3ـــ إحنا ليه بنشعب الموضوع ونقول مين غلطان ومين كويس؟
تعالو نكون متفقين إن الخطأ وارد من الطرفين وممكن أيضا تكون البداية عند طرف منهم لأن لا البنات ملايكة ولا الشباب كمان ولكن فى كل منهما يوجد أصحاب النفوس الضعيفة
وبالتالي لن نعمم الفساد بمطلقه على الشباب دون البنات ولا العكس ....
فإذا كان هذا الرجل بالفعل قد فعل ذلك فقد استحق العقاب المناسب له
واذا كان برىء من تلك الفعلة فاظنه لم بنفي حتى لا يدخل فى متهات أخرى ويجد نفسه بين عشية وضحاها مترحل لمصر ويرجع يواجه مشاكل لا حصر ليها ولا حدود من فقر وبطالة وخلافه .....
أين الحقيقة .؟؟ العلم عند الله
تحيتي للجميع ولدكتور آيس