عشان تعرفوهم روحوا شجعوهم(اعلان مستفز)

**yoko** · 02-10-2009 10:04 AM

المشاركة الأصلية كتبت بواسطة yah

انا بقى والحمد لله بكره الكورة من يومى
ومش بحب اتكلم فى اى حاجة تخصها

+1
صدقني أحسن حاجة عملناها:b4_611:

**nab!l** · 02-10-2009 12:19 PM

المشاركة الأصلية كتبت بواسطة ahmed samy

و الله و أنا زيك

بس باحاول احبها النهاردة ويوم كاس القارات

فرفش يا راجل دا احنا كاسبانين أطاليا :f_eyeb1[1]:

الزعيم بتاع السيراتو بيكلمنى
مش مصدق نفسى
والله انت عامل شغل زى الفل متابعك
بس اصلى بلاقى ناس بتتكلم بعصبيه وتشجع بعصبيه ويختلفو مع بعض ويشدوا مع بعض على ايه مش عارف هيستفادو ايه برده مش عارف

**M.Mekawy** · 02-10-2009 04:41 PM

انا كنت بشجع كورة بجنون لحد ماتش مصر و أمريكا , بعديه خدت قرار باعتزال التشجيع تماما , بقيت بعرف النتايج بعديها بيومين و ساعات معرفهاش , حسيت انى كنت بضيع وقت و كنت غلطان
خلينا احنا فى الكورة و بوجى و طمطم و عفروتو و شوية عيال معملوش اى حاجة و لا اى انجاز و لا نيلة و شجعوهم عشان تعرفوهم و بتاع و يصرفوا عليهم ملايين
طب كام و احد يعرف اسماعيل سراج الدين و هانى عازر و غيرهم , الناس دى هى اللى الرؤساء فى أوروبا بيكرموهم
ميزانية البحث العلمى فى مصر قاطبة على حد علمى = 50 مليون جنيه
تكلفة استاد برج العرب بس ( تكلفة انشاءه مش انشاءه و صيانته ) = 250 مليون جنيه
ارحمنا برحمتك يا رب

**AhmedGen2** · 02-10-2009 05:57 PM

بصراحة مفيش أحلى من انك تبقى لعيب كورة.
شغلانة بتكسب ملايين ..
رياضة..
شهرة..
هى دى شغلته ...
صح أو غلط بقى مش القضية ، الواقع كدة هنعمل ايه؟.

العيال دى حظها حلو ، وربنا يكرمهم أكتر كمان حقيقى مش سخرية ، لو عندى الفرصة والموهبة كان نفسى أكون مكان واحد فيهم ، مفيش أحلى من انك تحرز هدف الفوز ويشجعك ويهتف باسمك فوق ال 70 ألف متفرج ، احساس جامد جدا ً.

مفيش داعى نقول دى شوية عيال ميستحقوش و ملهمش لازمة .. !! أنا لو جاتلى الفرصة مش هضيعها أبدااا ً.

**nab!l** · 02-10-2009 06:52 PM

المشاركة الأصلية كتبت بواسطة m.mekawy

انا كنت بشجع كورة بجنون لحد ماتش مصر و أمريكا , بعديه خدت قرار باعتزال التشجيع تماما , بقيت بعرف النتايج بعديها بيومين و ساعات معرفهاش , حسيت انى كنت بضيع وقت و كنت غلطان
خلينا احنا فى الكورة و بوجى و طمطم و عفروتو و شوية عيال معملوش اى حاجة و لا اى انجاز و لا نيلة و شجعوهم عشان تعرفوهم و بتاع و يصرفوا عليهم ملايين
طب كام و احد يعرف اسماعيل سراج الدين و هانى عازر و غيرهم , الناس دى هى اللى الرؤساء فى أوروبا بيكرموهم
ميزانية البحث العلمى فى مصر قاطبة على حد علمى = 50 مليون جنيه
تكلفة استاد برج العرب بس ( تكلفة انشاءه مش انشاءه و صيانته ) = 250 مليون جنيه
ارحمنا برحمتك يا رب

الا رقام دى لو حقيقة يبقى بجد صدمتنا وياريتك ما قلت

**هيثم** · 02-10-2009 07:27 PM

اعلانات دمها خفيف ........ احنا بس محتاجين نتعامل معها على انها ماده للفكاهه

**sarah5** · 03-10-2009 12:12 AM

انا شايفة ان الاعلانات بتاعة منتخب الشباب واقعية جدا ودمها خفيف لأن اللاعبين دول دلوقتي مش معروفين عشان كده الناس بتعاملهم عادي زي اي حد لكن بعد انتهاء البطولة واللاعبين دول كمان هيلعبوا في فرقهم الاصلية الاهلي والزمالك والاسماعيلي هيبقوا مشهورين جدا وبالتالي معاملة الناس هتتغير وهيبتدوا يعاملوهم زي الملوك وده بطبيعة الحال في بلدنا عشان كده الاعلانات واقعية ومش مستفزة

**nab!l** · 03-10-2009 12:14 AM

ياجماعة انا كل يوم بكره الكورة اكتر من كتر الكلام عنها

**sarah5** · 03-10-2009 12:33 AM

بالنسبة لكره الكورة واعتزال التشجيع انا شايفة ان برغم ان دمنا بيتحرق كتير سواء من المنتخب او فريق زي الزمالك او حتي الاهلي دلوقتي الا ان الانتماء حلو وانك تشجع فريق وتفضل وراه في الفوز والهزيمة برده حاجة كويسة جدا ومش هايفة علي فكره في ناس مهما كانوا محتاجين ومش لاقيين ياكلوا ماتش الكورة بالنسبة لهم بيبقي اسعد الاوقات وكتير مننا بيفضل يقول انا مش هشجع تاني انا هبطل كرة لكن بمجرد منفوز بماتش كل ده بيتغير يعني مثلا تخيلوا لو حصلت المعجزة ومصر راحت كاس العالم اعتقد ان مصر دي مش هتنام اليوم ده

الموضوع: عشان تعرفوهم روحوا شجعوهم(اعلان مستفز)

LinkBack

أدوات الموضوع

عرض

-

-

-

-

-

-

-

المواضيع المتشابهه

روحو شجعوهم عشان نسرحوهم

استرجل واشرب بيريل اعلان مستفز جدا

الكلمات الدلالية لهذا الموضوع

المفضلات

المفضلات

ضوابط المشاركة