صوت الموتور عالي

**abo_lamar** · 02-10-2009 03:20 AM

السلام عليكم ورحمه الله بركاته

فاكرين يا شباب المشكلة اللي كانت عندي لما لقيت تسريب زيت تحت العربية ورحت للميكانيكي و غيرت الاويلسيل بتاع الكرنك و الكامة و زود الزيت تاني اللي نقص ... بعدها بيوم بالظبط لقيت صوت العربية بقى عالي و حاسس (مش عارف احساسي ده صح ولا غلط) بخشونه في صوت الموتور ... تفتكروا ايه السبب يا ترى ؟؟

**abo_lamar** · 02-10-2009 03:58 PM

ايه يا شباب فين الردود انا مستنيها بفارغ الصبر

**samirayad** · 02-10-2009 07:29 PM

بعدها بيوم بالظبط لقيت صوت العربية بقى عالي و حاسس (مش عارف احساسي ده صح ولا غلط) بخشونه في صوت الموتور ...

أتأكد بس أنه يقين مش أحساس
وبرضه أبقى أعرف من الميكانيكى
هو غير سيل الكرنك الأمامى (عند التقسيمه ) ولا سيل الكرنك الخلفى ( من جهة الدبرياج )

ولو هو اللى عند الدبرياج (وأنا أعتقد هذا )

فدى غلطة صنايعى
ممكن يكون منضفش كويس مشرشر الديسك من الداخل
وأداله حتة شحمه نظيفه لتسهيل حركته على مشرشر عمود الدريك
وأنت بتفصل وتوصل الدبرياج

طبعا مع أطمئنانك لميعاد تغيير الزيت والفلتر
وأن شوية الزيت اللى زودته (بعد تغيير السيلات ) من نفس النوع اللى فى المكنه

**abo_lamar** · 02-10-2009 07:33 PM

أنا سألته يا باشمهندس سمير قالي سيل الكرنك الخلفي .. دلوقتي ايه العمل ؟
وشكرا لرد حضرتك

**samirayad** · 02-10-2009 07:38 PM

طيب أصبر شويه يابشمهندس : محمد
ويمكن مع كثرة فصلك ووصلك للدبرياش
تتسهل حركة الديسك على مشرشر الدريك
لو أستمرت الحاله دى لمدة أسبوع أو أسبوعين مثلا
روحله تانى وأعرض عليه الأمر

أصل الشغل فى الميكانيكا بالذات
بيعتمد فى الأول والآخر على النظافه أثناء التجميع وتشحيم وترويق الأجزاء اللى محتاجه
وللأسف معظم الصنايعيه بيبقى عاوز يقلب وخلاص
علشان يشوف غيره
وتلاقيك وأنت عنده (كان واقف عنده طابور عربيات تحت الصيانه )
والبيه عاوز يخلص ويقبض