بالله عليكوا ردوا عليا قولوا اى حاجة

**animalring** · 02-10-2009 05:37 AM

السلام عليكم
انا عندى اوبترا اشتريتها مستعمل وبعدين ب5 شهور لقيت الفتيس بتاعها باظ يعنى خلاص مالوش حل اتوماتيك رحت التوكيل لقيت بكل بجاحة واحد يقولى الفتيس عامل 39 الف جنيه فرحت لقيت حاجة اسمها استيراد لقيت الفتيس ب 3000 جنيه قولت قشطة قلى بس الفتيس ده 2000 سى سى علشان مواضفات اروبية قلتله فيه مشكلة يركب على 1600 قلى لا مفيش اى مشكلة خالص المهم ركبت الفتيس قلى لازم تغير الكنترول قلتله ماشى قلى بس فيه فى العربية الاوبترا 2 كنترول غيرت اللى جنب الفتيس لكن اللى فالكبوت سبته نفسه المهم دلوقتى لقيت العربية لما ببقى على p واجيب الd الاقى رزعة وبعد كده العربية تمام نقلاتها صح وتانى مشكلة قبلتنى ان العربية لما تيجى تدوس لها مره واحد تلاقيها مش بتفرك مش سريعة يعنى لازم تدوس دوسة بنزين كده تخليها تقوم معاك عايز اعرف ليه رحت لكهربائى كشف بالكمبيوتر لقى ان الكنترول اللى راكب جوه مش متفق مع اللى فالكبوت علشان ده بتاع 2000 والتانى بتاع 1600 فمش عارف هو ده السبب بتاع ان سحب الرعبية بطىء ولا لاء مع العلم ان فى المارشيله وره يعنى العربية بتلاقى سحبها صاروخ

**egyptianmafia** · 02-10-2009 09:23 AM

you should not have bought the 2000cc gear shift......

try and get the 2000cc control unit for the front...or else go buy a 1.6 gear shift.....

**Ignition-Kid** · 02-10-2009 11:28 AM

iهو انا ماليش فى الاوتوماتيك قوى بس هاحاول معاك كده

شوف اكيد الفتيس اللى يركب على موتور 1600 غير الفتيس اللى يركب على موتور ال 2000 لان فى ال 2000 cc خرج الموتور Engine output اعلى وبالتالى الفتيس معمول على اساس القوه دى , طيب لما تحط انت الفتيس ال 2000 على موتور ال 1600 هاتكون القدره بتاعت الموتور مش قويه كفايه انها تشغل الفتيس بكفاءه نتيخه لاختلاف القوه المحركه وهى الموتور طبعا .

انا بفكر معاك مش اكتر لانى معلوماتى فى الفتس الاوتوماتيك ضعيفه والله اعلم واكيد باقى الاعضاء هايفيدوك ان شاء الله.

**animalring** · 03-10-2009 01:56 AM

طيب لو انت كلامك صح ده يفيدنى مش هيضرنى لان مقلا الفتيس الالفين ينقل التانى بعد سرعة 20 ده يخلى العربية سحبها اعلى مش اقل ويرجع يقل على الرابع لانه عايز قوة اكتر يعنى الكلام ده انا فعلا فكرت فيه بس لقيت انه مش صح
على العموم شكرا

**animalring** · 03-10-2009 01:57 AM

ماهو انا مش لاقى 1600 ولو لقيت هيبقى غالى

**Ignition-Kid** · 04-10-2009 12:45 PM

المشاركة الأصلية كتبت بواسطة animalring

طيب لو انت كلامك صح ده يفيدنى مش هيضرنى لان مقلا الفتيس الالفين ينقل التانى بعد سرعة 20 ده يخلى العربية سحبها اعلى مش اقل ويرجع يقل على الرابع لانه عايز قوة اكتر يعنى الكلام ده انا فعلا فكرت فيه بس لقيت انه مش صح
على العموم شكرا

باشا انت مش فاهمنى على فكره

انت عندك فرضا الموتور ال 1600 بيطلع 100 حصان
وفرضا الموتور ال 2000 بطلع 130 حصان

يبقى الفتيس بتاع الموتور ال 2000 مصمم على خرج الموتور ده يعنى مصمم انه يشتغل على موتور 130 حصان لما انت تحطه على موتور خرجه 100 حصان اكيد هايحصل قلق.

ياريت تكون فهمتنى

**animalring** · 05-10-2009 06:09 AM

ايوه انا فهمك وشكرا ليك بس ده ميخليش التجميع بطىء بالعكس ده يبقى الموتور ضعيف عليه يبقى هو اللى يهد الموتور مش الموتور اللى يهده

**Ignition-Kid** · 05-10-2009 10:40 AM

المشاركة الأصلية كتبت بواسطة animalring

ايوه انا فهمك وشكرا ليك بس ده ميخليش التجميع بطىء بالعكس ده يبقى الموتور ضعيف عليه يبقى هو اللى يهد الموتور مش الموتور اللى يهده

صح كده , كده انت فهمتنى

**dark_smoky** · 05-10-2009 08:35 PM

طيب يا تري الفتيس اساسا باظ من ايه ؟؟؟ ده كل الناس اللي معاهم اوبترا اوتوماتيك بيشكرو فيه جداااا !!! و انا حاليا بفاضل بينه و بين المانيوال لأني عايز اشتري .....و مياااال جدا للاوتو خاصة ان فرق السعر مش كبير ..... كده هاتخليني اراجع حساباتي

**Hosam_Optrawy** · 05-10-2009 08:46 PM

المشاركة الأصلية كتبت بواسطة dark_smoky

طيب يا تري الفتيس اساسا باظ من ايه ؟؟؟ ده كل الناس اللي معاهم اوبترا اوتوماتيك بيشكرو فيه جداااا !!! و انا حاليا بفاضل بينه و بين المانيوال لأني عايز اشتري .....و مياااال جدا للاوتو خاصة ان فرق السعر مش كبير ..... كده هاتخليني اراجع حساباتي

مش دفاعا عن العربيه ولكن حاجه بالعقل

الاف معاهم العربيه والفتيس مجرالوش حاجه

والفتيس اصلا من شركة aisin اليابانيه

وحتى لو فتيس كورى ما الفتيس الكورى شغال زى الفل فى الالنترا والسيراتو

يبقى فى الحاله دى العيب من السواق او حظه وحش

حاله من وسط الاف الحالات

وربنا يوفق