بصراحة بفكر جديا فى الموضوع ده بس خايف أندم علشان موضوع قطع الغيار و التوكيل و الكلام ده و كمان عدم انتشار العربية و دى أكتر حاجة مستغربلها:rfds:
وللا أخلينى فى الكورولا وخلاص وللا ايه بأه...............هه؟؟
بصراحة بفكر جديا فى الموضوع ده بس خايف أندم علشان موضوع قطع الغيار و التوكيل و الكلام ده و كمان عدم انتشار العربية و دى أكتر حاجة مستغربلها:rfds:
وللا أخلينى فى الكورولا وخلاص وللا ايه بأه...............هه؟؟
حد يرد عليا يا جماعة و للا التفكير ده غريب فعلا......
what about fiat bravo
هو مش تفكير غريب ولا حاجة ان شوفت النهاردة اعلانها في ملحق سيارات الأهرام عجبتني بالذات اللي فيها تربو وانا نفسي اركب عربية فيها تربو وكماليتها كويسة وكمان فيات ماركة معمرة يعني العربية في حد ذاتها كويسة بس الحسابات التانية هي اللي ترجح الكورولا عليها زي التوكيل بتاع الفيات مش معروف اوي وقطع الغيار والصيانات وسعر اعادة البيع والكلام ده كله والعربية دي عاملة في الياباني زي المازدا 3 اول مرة اعرف من يومين ان توكيلها هو غبور.
بالنسبة للبرافو انا باموت فى كاوتش اللى خلفوها بس للأسف جت متأخر أنا متجوز وعندى بيبى وباعمل حسب حاجته و عبيته قبلى يعنى محتاج حاجة سيدان و كمان بسافر كتير و معايا شنط و حركات من دى بالمناسبة هو الموتور ده اللى هو 1400 يعنى هايستحمل السفر 5 ساعات (القاهرة - شرم) و للا هيسخن بأه وصوتو يعلا و الكلام البايخ ده - ماظنش صح الناس دى ما بتهرجش مش كده وللا ايه
طب ليه أصلا عايز تغير الالنترا ؟
مش مريحاك ولا فيها مشاكل ؟
عموما لو تقدر تجيب الكورولا يبقى احسن كتير
توكل عل الله وهات فيات لينيا سيارة محترمة
وخد لفة فى منتدي فيـــــــات
طب ليه أصلا عايز تغير الالنترا ؟
بص ياباشا انا عايز أغير لأنى ساعات كتير من طول الطريق و الملل الشيطان يلعب فى دماغى و أروح مديها فى ال170 و بعدين الطريق ما شاء الله اللى سافروا عليه مبسوطين منه أوى :_Alshmokh08[1]:و بالتالى أحيان كتير بخاف من السرعة العالية بعربيتى فالغرض بأه انى عايز حاجه ثابتة شويتين و عوامل الأمان فيها برده كتير حبتين....
و دلوقتى محتار أعمل الكلام ده وللا لأ و هل هاندم لأن مش هالاقى فرق او الموضوع هايبقى أسوأ....
طولت عليكوا تسلم عينيكوا
بعيدا عن السعر و الصيانة و اعادة البيع و كل دة اكيد هتحس بفرق ملحوظ بين العربيتين
توكل على الله وهات لينيا
لينيا
أحسن بمراحل ليه بقى
1- موتور قوى جدا و عزم عالى جدا جدا 1400سى سى 120 حصان 206 نيوتن أعلى عربية 1600 سى سى موجودة عزمها 155 نيوتن
أداء الموتور موازى لموتور البى ام 320 و مرسيدس سى 200
من صفر -100 فى 9 ثوانى فقط موتورها لا يقارن الا بفئة ال2000 سى سى
2- العربية تجميع تركى مع مكونات ميكانيكية و كهربائية ايطالية بالكامل
3- ضمان كامل بدون حد أقصى للكيلو متر لمد 3 سنوات
4- واسعة
5- كماليات أكتر بكتيير (نظام البلو أند مى خيالى تحكم كامل فى السى دى و التليفون صوتيا و كمبيوتر العربية بيقرا المسجات اللى بتجيلك على الموبيل كمان )
6- شنطة 500 لتر و لا عزاء لأى سيارة أخرى فى نفس الفئة
7- مبنية على نفس توزيع هيكل .الجراند بونتو الى هو 5نجوم فى اختبار التصادم الأوربى
8- عوامل الأمان فى العربية عالية جدا ( 6 اير باجز و طبعا ايه بى اس و خلافه )
akeeed
leniaaaaaaaaaaaaaaaaaaaa
لينااااااااااا
دة الرد بتاعى فى موضوع تانى ومش عاوز اقولك انى بعد ماسوقتها مع واحد صاحبى بقيت ماشى بادور على واحدة زيها فى الشوارعاقتباس:
انا ركبت اللينيا (المفروض نقارنها مع فولكس باسات ولا حاجة ) بجد جامدة مووووت عفشة ناعمة جدااا وتقفيل مشفتهوش فى الرينو (الى الناس طالعة بتقفيلها فى السما) والموتور جبااار مع انة 1400 بس العزم جامد وسعرها حلو بس مشكلتها ان مفيش منها اوتوماتيك بس المانيوال بتاعها مريح جداااااا
معلش لزيادة التأكيد يعنى الموتور مش هايتعب من السفر (القاهرة - شرم - القاهرة) مره كل شهر و ساعات مرتين فى نفس الشهر.
ليه بسأل تانى.....لأن معلموماتى ان المناسب أكتر للسفر المواتير الكبيرة علشان بتبقى مرتاحة على السرعات العالية مش مشدودة و الrpm عالى و بالمناسبه حد جرب العربية يقوللنا مثلا على سرعة 120 كم الrpm بيبقى على كام.....
و متشكر جدا لكل الأخوة الأفاضل اللى شرفونى بنصائحهم الجميلة
لو حضرتك بتتكلم عن الموتور ال120 هورس باور فدة انسب حاجة للسفرر مش ان الموتور 1400 سى سى يبقى وحش لا المهم القدرة الحصانية (120 صافىىى يعنى زى عربيات 1800 سىسى) والعزم 206 (عزم خرافففففة زى معظم المرسيدس) اكيد الموتور التربو دة ممتاز للسفر
حضرتك بتسوق العربية بسرعة كبيرة جداً
اختبارات الأمان اللى بتعمل للعربيات كلها أعلى سرعة فيها لا تتعدى 64 كم فى الساعة ومقدمة السيارة بتتهشم تماماً
وأدخل على الموقع ده وشوف اختبارات الأمان اللى بتتعمل فى الاتحاد الأوروبى لمختلف السيارات
Euro NCAP - For safer cars | HOME
حضرتك بتقول انك عايز تغير عشان عايز عربية ثابتة علي سرعات عالية. صح؟
طيب مين قالك ان لينيا ثابتة؟
انا من رايي انك تجربها الاول عشان تاخد عنها فكرة اكبر
واضح جدا ان تجهيزاتها عالية جدا و موتور جبار بس مش عارفين الثبات .
ياريت لو حد جربها يقولنا
لو مالقتش ثباتها ممتاز اقترح عليك بروتون جين 2
العربية ثباتها ممتاز وده راجع لان نظام التعليق الماكفرسون الامامي فقط .. لانه لو فيها ماكفرسون خلفي هيكون مكلف جدا وهيبقى سعرها غالي عن كده .. الموتور 1400 t-jet وده هيديك اداء مثالي يصل الي 1800 سي سي (تشبيه ) ولكنه حقيقي ... كماليات زي ما انت عايز قول .. وكيل زيه زي اي وكيل في مصر من كلام ناس ملاك لفيات .. . والميزه ان عمرك ما تكلم مهندس او فني في اوماترا وتلاقيه مش فاهم ..توكل على الله .. البعد عن غبور غنيمة .. واستخير ربنا وشوف
الاوروبي طول عمرة يتميز عن الكوري في الثبات والعكس صحيح في السرعة...
لينيا طبعاااااااااااااااااا
وحش ماشي ما شاء الله ... المقدمة أستون مارتن حاجة خيالية يعني ... بجد ديزاين ايطالى معدى
طبعا ده غير اللى كل الاعضاء قالوا عليه و هو الاساس فى العربية ... موتور ثبات عفشة شنطة .. كله زى الفل
الالنترا مش عارف بيجيلك قلب تعدى بيها 140 ازاى .. بعد ال120 ضايعة !
انا برده معايا النترا ... وفى فترة فكرت برضه فى نفس الموضوع ده
وليا صديق بيشتغل مهندس استقبال فى توكيل فيات وقالى انها عربية كويسة جدا ولكن يعاب عليها ارتفاع اسعار قطع غيارها
ال 120 حصان بيطلعوا عن 5000 rpm مش زي معظم اعلانات العربيات عند 6000 يعني العربيه هتبقي مريحة اوي و هي ماشية
العربيه دي تحفةةةةةةةةةةةة فعلا و اعتقد لو حافظت علي صياناتك الدوريه و انشاء الله ربنا يباركلك فيها متخبطتشي منك مش هيبقي عندك غير صيانتك الدوريه و قطع الغيار اللي عمرها الافتراضي اساسا كبير
و ربنا يوفقك للي فيه الخير
متشكر جدا ياجماعة على كل الإهتمام الرائع ده و ان شاء الله ربنا يهدينى للفيه الخير.
سؤال للمره التانية حد يعرف العربيه دى الrpm يبقى على و العربية ماشية على 120 .....؟ و شكرا مقدما على الرد...
طيب يا جماعه محدش جاب سيرة التكييف خالص؟!! اللى اسمعه ان تكييف الفيات برافو كويس بس ناس كتير قالولى ابعد عن الايطالى علشان التكييف مش كويس,يا ترى فين الحقيقه
تكييف الجراند بونتو والبرافو و اللينيا وال500 تكييف دانسون ياباني و كويس جدا جدا بس أقل شوية من التويوتا
رأيى ان الانترا كويسة بس لو طالعة فى دماغك تغير العربية فعليك باليابانى
عربيات تحفة بالذات ميتسوبيشى وهوندا مواتيرها silent من غير صوت وحمالة قاسية وتستحمل السفر والتحميل
ولو حكمت مع حضرتك الكورولا فبلاش اوتوماتيك احسن واسأل كل اللى راكب منها اوتوماتيك
فيات لينيا اختيار موفق