مش هانتقابل تانى ولا ايه ؟ ( مقابلة شهر اكتوبر )

**zaza_lanos** · 23-10-2009 07:08 PM

انا موجود من الساعة 4
والحمد لله ماشوفتش غير اكرم باشا
وانا بعتذر عن حضور اى مقابلات بعد كده

**waleedraafat** · 23-10-2009 08:32 PM

يا عم زازا حقك علينا

اعذر الناس ، يمكن ظروفهم ما سمحتش النهاردة الجمعة والعملية مش مظبطة وخصوصا مع المتجوزين واصحاب الاسر

علي اي حال انا بابقي نفسي اجي المقابلات بتاعتكم بص بصراحة انا ما اعرفش حد هنا في المنتدي وحاسس بالاحراج شوية اني اجي المقابلات دي وانا ما اعرفش حد خالص

علي اي حال لو كررتوها مرة تانية انا هجي يا عم بس بشرط انك تكون موجود ، وهتبقي انت اول واحد اتعرف عليه في المنتدي بصورة شخصية ، قولت ايه

**Samir Elshahawy** · 23-10-2009 11:12 PM

بصراحة يا جماعة انا لم لم أستطع الحضور لأن ظروف الشغل اليومين دول أخر لخبطة و مافيش أجازات لكن اوعدكم ان شاء الله بعد ما ارجع من السفر و عاصفة الشغل دي تعدي هأشترك معاكم في تنظيم مقابلة الشهر القادم و ان شاء الله تكون مليئة بالحضور

و تقبلوا جميعا خالص تحياتي
م/ سمير الشهاوي

**bshndi** · 24-10-2009 09:11 AM

السادة الأفاضل
طبعاً أسف لإني لم أبلغكم بالمفاجاأة التي كنت وعدتكم بها إذا حضرتكم بس كنت فاكر إنكم جايين روحت هناك الساعة 5.45 وللأسف ما لقيتش حد كل إلي عرفتوا إن في أحد الأصدقاء قد حضر بعد الصلاة بوقت قصير وحجز ترابيزة لعشرة أفراد ما حدش منهم جه ، وطبعاً أي حد كان هاييجي كنت ضامن له الغداء عندي في البيت ( ما تقلقوش الموضوع كان كبير والأكل هايكفي وزيادة كان عقيقة محمد إبني ) لذا ضيعتم شوية لحمة ضاني محترمة وكذلك السبوع ، يالاه خيرها في غيرها , قدر الله ما شاء فعل ويمكن ده نصيب لناس تانيه تاكل الأكل :)

**Akram** · 25-10-2009 08:49 AM

دا انا اللي جيت بعد الصلاه حوالى الساعة 2 و قعدت الي الساعة 4 و مفيش حد جه و انا ماشي لقيت محمد جاي فسلمت عليه و كنت مضطر أمشي ,
طبعاً دا هيخلي الواحد يبقى متردد في حضور أي مقابلة تانية إلا بعد تاكيد الحضور من الناس ,
و متزعلش يا محمد و التمس الاعذار للناس ,
و الاستاذ bshndi .... الف مبرك و ربنا يباركلك في المولود و ملناش نصيب في العقيقة :)

**pop3** · 25-10-2009 12:20 PM

غريبه قوي إن إحنا مش عارفين نتقابل .... أكتر من مرة نحاول ننظم مقابله و برده ميحصلش نصيب

الجمعه الماضيه 16 أكتوبر كنت في القاهره و عامل حسابي إن في مقابله في اليوم ده و إتصلت بمحمد ممدوح علشان أءكد الحضور وعرفت منه إن المقابله الجمعه 23 أكتوبر و تخيلوا بقي لو حضرت قادم من سفر و ملاقيش حد موجود.

المهم : المطلوب علشان يبقي عندنا مقابله ثابته شهريه معلومه لكل راغبي الحضور.

* تحديد معاد ثابت كل شهر على سبيل المثال " الجمعه الأولي من كل شهر "

* يتم فتح موضوع لتنظيم المقابله قبل ميعاد المقابله بعشرة أيام ليتم تسجيل الحضور و تدوين وقائع المقابله و تحميل الصور الخاصه بها.

* تتم المقابله كل 3 أشهر في مكان خارج القاهرة " إقليم من الأقاليم الأخرى " لكسر الروتين و تحفيز الجميع للمشاركه في كل مكان.

ده مجرد إقتراح مني لتنظيم المقابله الشهريه لملاك دايو. ياريت يلاقي ترحيب منكم علشان نبدأ التفيذ فورا

**Samir Elshahawy** · 25-10-2009 03:59 PM

المشاركة الأصلية كتبت بواسطة pop3

غريبه قوي إن إحنا مش عارفين نتقابل .... أكتر من مرة نحاول ننظم مقابله و برده ميحصلش نصيب

الجمعه الماضيه 16 أكتوبر كنت في القاهره و عامل حسابي إن في مقابله في اليوم ده و إتصلت بمحمد ممدوح علشان أءكد الحضور وعرفت منه إن المقابله الجمعه 23 أكتوبر و تخيلوا بقي لو حضرت قادم من سفر و ملاقيش حد موجود.

المهم : المطلوب علشان يبقي عندنا مقابله ثابته شهريه معلومه لكل راغبي الحضور.

* تحديد معاد ثابت كل شهر على سبيل المثال " الجمعه الأولي من كل شهر "

* يتم فتح موضوع لتنظيم المقابله قبل ميعاد المقابله بعشرة أيام ليتم تسجيل الحضور و تدوين وقائع المقابله و تحميل الصور الخاصه بها.

* تتم المقابله كل 3 أشهر في مكان خارج القاهرة " إقليم من الأقاليم الأخرى " لكسر الروتين و تحفيز الجميع للمشاركه في كل مكان.

ده مجرد إقتراح مني لتنظيم المقابله الشهريه لملاك دايو. ياريت يلاقي ترحيب منكم علشان نبدأ التفيذ فورا

أيهاب باشا ...
معاك حق في كل اللي قولته و زي ما الدايهوية بيتضرب بيهم المثل في التعاون و مساعدة بعضهم لبعض عايزين برضه يتضرب بينا المثل و المنتدي كله يظبط ساعته علي مواعيد مقابلاتنا

المهم أنا جاي السويس بكرة أن شاء الله نفسي أشوفك و بالمرة نناقش الكلام الحلو اللي أنت قولته

وتقبل تحياتي
م/ سمير الشهاوي

**pop3** · 26-10-2009 04:58 PM

المشاركة الأصلية كتبت بواسطة se_coralsea

أيهاب باشا ...
معاك حق في كل اللي قولته و زي ما الدايهوية بيتضرب بيهم المثل في التعاون و مساعدة بعضهم لبعض عايزين برضه يتضرب بينا المثل و المنتدي كله يظبط ساعته علي مواعيد مقابلاتنا

المهم أنا جاي السويس بكرة أن شاء الله نفسي أشوفك و بالمرة نناقش الكلام الحلو اللي أنت قولته

وتقبل تحياتي
م/ سمير الشهاوي

يا باشمهندس سمير انت تنور السويس كلها, وأنا في انتظارك بأمر الله

**Samir Elshahawy** · 26-10-2009 09:28 PM

المشاركة الأصلية كتبت بواسطة pop3

يا باشمهندس سمير انت تنور السويس كلها, وأنا في انتظارك بأمر الله

السويس دايما منورة بأهلها الجدعان اللي زيك يا بوب
معلش انا مشيت متاخر من السويس و لسه راجع من شوية و كنت هلكان بس انا عندي شغل كتير في السويس الفترة اللي جاية أن شاء الله نتقابل

الموضوع: مش هانتقابل تانى ولا ايه ؟ ( مقابلة شهر اكتوبر )

LinkBack

أدوات الموضوع

عرض

-

-

-

-

-

-

-

المواضيع المتشابهه

مقابلة شهر اكتوبر 2012 يوم الخميس 18

مقابلة شهر اكتوبر

مش ناوييييييييين على مقابلة تانى

مقابلة الكياوية يوم الجمعة 9 اكتوبر

مقابلة شهر اكتوبر للمنتدى

الكلمات الدلالية لهذا الموضوع

المفضلات

المفضلات

ضوابط المشاركة