-
السيراتو عربية جميلة .. اما اللينيا فهي تحفة فنيه .. اعترف ان لينيا هي ابداع شركة فيات .. وبجد وكيلها ظالمها في مصر .. العربية دي سوبر عربية .. على فكرة موتور اللينيا احسن من موتور السيراتو بمراحل .. انا متأكد من كلامي .. الخامات افضل للفيات .. اوماترا وكيل متوسط وليس سئ الخدمة .. وكل وكيل ليه مشاكله .. في ناس اشتكت من توكيل كيا في حالات معينه .. لكن الشكاوى في اوماترا اكتر شوية . لكن مش حاجات تقلقك .. بس خد في بالك ان حاجة اللينيا مش هتلاقيها غير في التوكيل .. وغالية حبتين عن السيراتو وده راجع لفرق الخامات طبعا.. على فكرة اللينيا ال 120 حصان الكاملة فيها 6 اير باج
-
الينيا أكيد ...
أفضل من السيراتوو ..
السيراتو تتفوق فى إنتشارها , , تكييف أقوى , و قطع غيار موجودة ...
اللينيا تتفوق جدا ..
بس إللى عايز أعرفه غيه اللينيا سعرها منخفض عن باقى أبناء فئئتها
-
دة غير كدة ان الموتور ال120 حصان دة عزمة 206 يعنى قوة خيالية
-
أحمد مختار باشا , شرفت :)
ولوني عارف إنك بتحب السييراتو بس كويس واللهِ إنك قلت كده في حق اللينيا ...أنا بصراحة حاسس إن السييراتو أحسن من ناحية كذا حاجة :
- الصالون على فكرة في السيراتو افخم ..أنا شفت ده وشفت ده , السيراتو خاماتها مش قوي بس عوز اقولك إن الينية برده نفس الحوار ..مش عجبني خاماتها خالص !! ...تابلوه برده بلاستيك ونفس الكلام , بس شكل بقى تابلوه السيرااتو أحلى بمراحل
- الموتور , el-1600 أكيد يا أحمد أحسن ,.مستريح في التسارع وفي التكيف , خلي بالك إن لينيا كما واحدة ..أما السيراتو 2 كامة .
ثانيا الموتور el1400/77 hp ده موتور بتاع الينيا العادي , زودوا بقى عليه التربو بقى /120 hp , ....
- الينية موجودة في الهند بس ...مش منتشرة في حتة تانية ...لكن السيراتوو موجودة في عالم كله تقريبا وحديث كل الناس ....
أنا مش متحيز للسيراتوو بالعكس أنا أصلا شايف إن فيات أحسن من كيا بس...مثلا بص على el-BRAVA ...عربية جامدة فعلا وكهامت أفضل من ال سيراتو بلاشك بس اللينية لأ .
أنا يا جماعة برده مش بعيب فالينية بس بحاول اقارن بين عربيتين جامدين بصراحة ......
-
بص انا هقولك حاجه حلوة اوي .. عشان تعرف موضوع الاعتمادية والعمر الطويل .. هات عربيتين من نفس الفئة واحده كوري وواحده ايطالي .. واركب الاتنين .. يكونو مثلا موديل 2002 .. وشوف اداء الاتنين .. عمر الاوربي احسن كتير يا صديقي .. موضوع الشكل ده نسبي من شخص لاخر .. انا حبيت اللينيا اكتر .. في الشكل .. طبعا كيا تتفوق في التوكيل .. مع العلم ان مشاكله بدأت تظهر .. لان تقريبا خالد نصير مش هيمشي على نفس سياسة محمد نصير رحمه الله .. هقولك على حاجه حلوه .. لو مش محتاج حكاية الفتيس الاوتو ماتيك .. اركب اللينيا وتمتع باوبشن مش موجود في السيراتو الهاي لاين .. بجد لما شفت العربية وموتورها والتقفيل ,, حاجه كده تضربلها تعظيم سلام .. نسيت اقولك حاجه . العربية في 6 اير باج .. توكيل اوماترا مش وحش.. لكن يعيبه ارتفاع طفيف في اسعار قطع الغيار ودي ضريبة انك راكب عربية اوربي .. يكفي انط هتكون مميز باقنتاءك لسيارة اوربي شبيه بطراز المازيراتي .. يا راجل يا طيب ربنا عرفوه بالعقل في عز الازمه الاقتصادية فيات اشترت كرايسلر .. افهم من كده بقه ان امكانيات فيات الماليه اقوى من الاقتصاد الامريكي .!! .. بجد لو قدامي الاتنين هركب اللينيا وعلى فكرة انا اتصلت بأوماترا وان شاء الله هركب فيات .. يا اما برافو تي جيت او لينيا تي جيت .. خلي بالك لو جبت لينيا هتستلم علطول مش هتستنى اربع خمس شهور زي السيراتو او تدفع اوفر برايس .. الناس هنا بتجري على السيراتو عشان الممنوع مرغوب في بلدنا .. اوماترا لو رفع السعر و مسك على العربية شوية وحسس العملاء ان عليها سحب والله تعمل حجوزات اكتر من السيراتو .. السيراتو مش وحشة .. بس متقارنهاش بالاوربي .. احمد سامي نفسه وهو شيخ الكياوية وصديق اعتز بيه طبعا .. قال اللينيا تكسب .. الاوربي والامريكي في كفة و باقي مصنعي السيارات في كفة اخرى .. وكل عام وانت بخير يا صديقي
-
اكيد طبعا لينيا بصراحة كل سيارات فيات موديلات 2009,2010 فى الجون وجميلة جدا ,وكفاية البرافو تحفة فيات الجديدة,واللى بيقول خامات اللينيا مش قد كدة لا يركبها تانى ويتاكد ان خاماتها جميلة جدا ,دة كفاية الاسود مع الاحمر والفينيش الرياضى الجميل جدا فى (التى جيت )
وبعدين معاك ضرايب فى المرور اقل من 1600 ومعاك قوة ال1600 وتعدى كمان ,يبقى محتاج اية
السيراتو مش عجبانى خالص غير شكلها بس ومن قدام بس ,بس بالامانة شكل الكروز تفوق عليها بمراحل
-
انا عايز اتكلم بس على فرق الخامات بين الأتنين فرق السما من الأرض كفاية الكاوتشات بريدجستون يابانى بتاعت اللينيا
فرش اللينيا اللى بتنزل بيه عامل زى فرش البى ام اللى مش جلد
افتح شنطة اللينا و شوف التقفيل و شوف سجاد الشنطة و حفر اسم فيات اللى عليه
حرام تقارن بين خاماتها و بين الكورى عامة
مقارنة ظالمة تماما
-
موتور اللينيا اللى ب 96000 تى جيت 16 صمام و تيربو عزمها 206 نيوتن عند 1750 لفة و 120 حصان عند 5000 لفة
عزم الكيا 156 عند 4200 لفة المقارنة مش موجودة اصلان
اللينيا من 0-100 فى 9 ثوانى اما الكيا من 0-100 فى 12.5
اداء العربية بعد ال 120 خيالى مقارنة بالمواتير ال 1600 العادية لحد ال220 مش تفضل كابس بنزين و العربية تاخدلها نص ساعة على متجمع 180
البى ام 320 من 0-100 فى 9.2 ثانية زى المرسيدس سى 200
فحرام تقارن ديه بديه
عمر الموتور التى جيت تيربو 500.000 كيلو زى مواتير الفولكس التى اس اى 1400 سى سى
عكس المواتير العادية أخرها يوم ماتكون عربية يابانى من الأخر 300.000كم
كل ده غير فرق استهلاك البنزين
كمان مكتوب على مواقع فيات ان الصيانة جدول للتى جيت كل 15000 كيلو مش كل 5000 ممكن هنا ممكن كل 10000 ولا حاجة عشان ياخدو فلوس مش عشان يبصوا على العربية
.
-
-
اللينيا جامدة اويييييييييييييي بصرحة :d
Content Relevant URLs by
vBSEO 3.6.0 PL2