اصلح لحرضتك كام معلومة بعد اذنك .
محرك اللينيا التربو مختلف عن اللينيا العادية
اللينيا العادية كامة واحدة - 8 صمامات - 77 حصان
اللينيا التربو ( بدون التربو ) كامتين 16 فالف - 90 حصان
اللينيا التربو ( بعد الشحن ) بيزود ال 90 حصان الي 120 و علي لفات قليلة جدا .
فمن ناحية انهي محرك حيبقى " تعبان اكتر " مش حتفرق خالص , فرق العزم بقى ممكن يخلي اللينيا تطلع من سيارات 1800 و 2000 سي سي كمان ..
تسارع السيراتو ال 124 حصان من صفر الي مائة = 12 ثانية
تسارع اللينيا 9 ثواني فقط .
--
نيجي بقى ليه ممكن الواحد يفضل السيراتو ؟
اللينيا ( في الاصل ) جراند بونتو و لكن مع تطويل قاعدة العجلات لاعطاء مساحة داخلية طولية اكبر و بالتالي اللينيا المفروض تنتمي لفئة الياريس و السيتي و لكنها اطول منهم خارجيا و داخليا
بس علي حساب العرض .
عرض اللينيا الداخلي و الخارجي حيكون اقل حاجة بسيطة من السيراتو لانهم معدلوش حاجة في عرض الجراند بونتو و بما انها فئة اصغر ( يعني اللينيا حتكون في عرض الكيا ريو او اكبر شوية ) .
اللينيا متوفرة في جميع بلاد امريكا الجنوبية و اوروبا الشرفية و اسيا
و بتصتع في البرازيل و تركيا والهند و الارجنتين و شيلي و قريبا جدا في الصين و مصنع فيات الجديد في الصرب .
سبب عدم تسويق اللينيا في اوروبا الغربية بسيط جدا مثل بالظبط عدم تسويق الميجان السيدان و الكليو السيدان و الاسترا السيدان و الكورسا السيدان و كل السيارات السيدان .. الا وهو ان الاوروبية يفضلون اي سيارة هاتشباك عن مثيلتها السيدان .
و بالتالي الجراند بونتو مطروحة بالفعل و هي نسخة 90% ميكانيكية من اللينيا و بالتالي فلا حاجة لاضافة سيارة سيدان .
علي عكس كيا .. مش حتطرح السيراتو الجديدة في اوروبا نهائيييييييييييا ! الا لو نزل منها هاتشباك و حيستمروا بالكيا سييد هناك.
المفضلات