صيانة غبور حتضيع سمعة الهيونداى و تفضى الملعب ل كيا سيراتو

الحقيقة ان من اقوى الاشياء التى تدعم قوة و استمرار المنتج هى خدمة ما بعد البيع
و طبعا عليه العوض فى غبور و شوية الفنيين الزبالة اللى جايبهم فى مركز قليوب
شوف يا سيدى انا معايا عربية النترا مانيوال زيرو26000 كم بضمان غبور أفندى كان عندى الدبرياج تقيل شوية دا غير صفارة من الفرش بتختفى لما تلمس الدبرياج برجلك المهم
روحت لمركز الفهلوة و البلطجة فى قليوب و اتفرج على المسخرة
قابلنى المهندس و قالى بص بقى انت عايز تنهى كل مشاكل العربية لازم تغير طقم دبرياج كامل لأن الديسك بايظ وده عيب صناعة بس احنا حانغير الديسك و البلية على حسابنا و الاسطوانة على حسابك
طيب يا عم جرب العربية لأن الكلام ده كبير قاللى انا عارف أنا بقولك ايه
طيب اشيل تمن الاسطوانة ليه اذا كان ده عيب تصنيع من الشركة الأم اللى غبور أفندى وكيل ليها قاللى هو كده و هو ده اللى عندنا
و كمان حادفع تمن صيانة العشرين لأنها فاتتنى و مش حايعملوا الصيانة بتاعة العشرين يعنى حادفعها فلوس بس من غير صيانة
بعد تفكير قولت ماشى حادفع اجمالى 980 جنيه و قاللى العربيه حاتبقى احسن من الزيرو
حسبى الله و نعم الوكيل فى الحرمية
دفعت 980 جنيه و استلمت العربية بعد أربع ساعات بس الفتيس بقى زى الزفت و روحت زيارتين بعديها و يقولولى هو كده كويس

طبعا اللى حصل ان الفنى الغبى رمى زيت الفتيس الأصلى Synthetic Gear Oil 75w-85 original oil و الغبى بعدها حط زيت معدنى 80-90 خلى الفتيس زفت baaaaad transmission synchronization

و طبعا انت بتسيب عربيتك بتفترض انهم بيفهموا و هما شوية بهااايم

حقيقى مستوى صيانة متدنى لايليق و لا يدعم المنتج
Maintenance in Ghabour = any other technician outside

ده غير ايه بقى اسلوب الشحاتة من الفنيين و الاكراميات اللى دفعتها كمان 150 جنيه للفنيين
ده اسمه سرقة و الصنايعى اللى برة عمرة ما حايسرق العميل بالشكل ده

اعتقد ان الملعب كده فاضى جدا للسيراتو لو فقط خدمة ما بعد البيع جيدة
و الحقيقة انا حابعت ايميل لهيونداى كوريا و معاه صور الفواتير
وكمان البهوات مش بيجيبوا زيت الفتيس الأصلى لأنه غالى فبيخموا الزبون يعنى على اساس ان العميل مايعرفش حاجة بس هما و قعوا مع عميا بقالة 26 سنة ايديه فى العربيات

مش عارف اقلك ايه انت كلمك كله مضبوط و مش بس فى قليوب الناس دى فى كل الجمهوريه للاسف ميعرفوش حاجه
كان الله فى عونك و عونا بس لو عندك الاميل اللى هجيب نتيجه ياريت و ابقى شاكر لو تبعتهولى
عندى كلام كتييييير عاوزه اقوله لهيونداى

بس انا من اسكندريه وتوكيل السلطان حسين ممتاز هو يعيبه الزحمه وده لصغر المكان والانتشار الكبير للهيونداي في الاسكندريه
انا مرحتش غير 3مرات
1صيانه ال1000 ودي طبعا مفيهاش مشكله
2 كان في صوت من العجل الامامي محيرني ومش عارف مصدره رحت وكشفوا عليها وقالي مفيش حاجه وطاع جرب معايا
بعد كده اكتشفت انه من الطاسات ولما جبت كوتش و جنوط الصوت راح
3 صيانه ال10000 وبصراحه ظبطوا العربيه وتاني يوم اتصلوا بيه من خدمه العملاء وسالو لو كان في مشكله واىه اخبار العربيه
وان شاء الله ناوي اروح علشان في مشكله في الفرامل حاسس انها ضعيفه
بس كان لازم من حضرتك ان لما يقوللك ان في مشكله في طقم الدبرياج تروح الفرع الرئيسي وتتاكد بدل المره عشرين مره قبل ماتفك مسمار ولو في عيب صناعه فعلا متتنزلش عن حقق في اصلاحه علي حساب التوكيل
اما انك تفك وتغير بلبساطه دي انت غلطان كان في حاجات ممكن تعملها تخليهم غصب عنهم يعملوا الي انت عايزه
ابسطها كنت عملت شكوي في جمعيه حمايه المستهلك
او دورت علي ايميل الشركه الام وبعتهلم شكوي
وعلي العموم انت لسه فيها:3_3_102[1]:

صدقني دة الطبيعي من غبور, مش جديد.. أنا اما كنت راكب الجيتس كانت 2007 زيرو و طلع عيني في صيانة ال 5 الاف و حتي اما اتخبطت قعدت بالشهور موجودة ( مع اني كان معايا واسطة و نعرف مهندسين كتير في الأدارة) و اما استلمت كان كل حتي فيها تسيل حتي الفوانيس و الباكيتات و الطارة كسلوا يعدلوها.. استلمتها معوجة من الحادثة! و ابتدت بعد كدة تظهر فيها مشاكل تانية كتيييييرة بسبب العك بتعهم! و صرفت بلاوي و لو كنت عملتها في الحرفيين كانت هتطلع فابريقة و بنص التمن او اقل! و زعقت و بهدلت الدنيا و الناس اتلمت عليا بس هما قدرتهم الفنية كدة! هتعمل اية؟! و دة كان من اكبر الأسباب اللي خلاني بيعت الجيتس و كانت عاملة 11 ألف كيلو بس.. و خسرت فيها طبعا! دة توكيل فاشل جدا! كفاية يا راجل انة بيسحب من معظم عربياتة ال abs و ال airbag و احيانا الفوجات عشان المكسب يكون اضعاف اضعاف! يا راجل ربنا يكون في عونك مع التوكيل دة!

حسبي الله ونعم الوكيل هكا مش فالحيين الا في نهب الفلوس بس

انا مش عارف هو ليه غبور بيعمل كده .. الراجل بيكسب جامد جدا .. كفاية مشروع الاحلال والتجديد اللي هو شغال فيه وبيكسب من راه بلاوي .. وبياخد فلوسه كاش والبنوك تقسط للسواقين الغلابة .. يعني الراجل معاه توكيل جامد لشركة كبيرة .. ومبيعات عالية ما شاء الله .. ومراكز خدمة كتير .. ليه مش مشغل ناس فاهمة عنده .. ولا عشان يقلل الاجور كمان .. و على فكرة هو بدأ يخسر كتير من الناس لان الشكوى كترت منه اوي وسمعت ان في ناس بعتت ايميلات وفاكسات للشركة الام .. وجاله زي تحذير اوحاجه زي كده . . . وفي حالة تجدد الشكاوى سيتم سحب التوكيل منه .. يلله شوية شوية نلاقيه واخد توكيل التوكتوك وعامله مراكز خدمه هو كمان

الناس بتفضل الوكيل عشان الصيانة والضمان
وفى الاخر يلاقوا اسوأ معاملة ومفيش اهتمام ولا صيانة مظبوطة طيب هيشتروا منه ليه
الغريبة انهم لسة بيشتروا ومستحملين وراضيين يبقا هو يصلح من نفسه ليه ما الناس مبسوطة وبتشترى!!!!!!!

مع كامل احترامى لكل الاعضاء بس انا شايف انه طول ما الناس ساكته غبور هيفضل كدا,مفيش اتنين فى مصر يختلفوا على ماركه هيونداى لكن الناس بتتضايق وبتزعق وفى الاخر بتسكت...يا جماعه ابعتوا شكاوى للشركه الام من ناحيه وجهاز حمايه المستهلك من ناحيه تانيه وافضلوا زنوا زنوا يمكن ده يجيب نتيجه,لو اتجمعتوا 20 واحد من المنتدى وفضلتوا تبعتوا للشركه الام اكيد هيكون فيه رد فعل من عندهم,الذوق مبقاش ينفع مع غبور صدقونى
تقبلوا تحياتى وربنا يعوض على صاحب الموضوع

yes toomuch stories about bad service at GB auto service centers, alot of them i have seen with my friends, i think if any person want Hyndai cars he bye it from Gulf (5ligi) and save hids money and get more options and safety features, because GB auto will be worse and worse as the people keep buying from him, or you get the new cerato better car and better agent...

مش عارف اخرتها ايه مع التوكيلات ده