الموضوع: عضة في الفتيس

هيا بدأت لما غيرت زيت الفتيس
هل ممكن يكون نتيجة ان الزيت مش كويس

وارد جدا

ولو مش كويس اجيبب زيت نوعه ايه؟

هات زيت تروس (مخصص للفتيس ) لزوجه 90

مش هو زيت فتيس وخلاص؟

ههههههههههه

توكل على الله
وقوله عاوز زيت فتيس 90
ماهو الفتيس بلغة الهندسه ( يعنى صندوق تروس )
وعندى فى الشغل بنسميه برضه زيت تروس
بس خلينا فعلا فى لغة السوق
زيت فتيس 90

بص ياأستاذ محمد انا هنصحك ليك ولكل من لدية عضة في الفتيس لأني عشت في القصة دي حتي حسمتها بنفسي لأني في الأول حسيت ان الفتيس فية عضة في الأول و الثالث وبصورة عامة مكنش ناعم وحلو زي نوبيرات كتيرة قلت يمكن زيت الفتيس عاوز يتغير كل ما أسئل صنايعي يغني ويشعر في زيت الفتيس الأصلي مع العربية و كأنة ماء المحاياة الذي لن يتعوض لوغيرتة وخاصة انها بريميوم موديل 99 يعني كوري واصلي وهاتك ياشعر واروح عيسي وكيل دايو في المنصورة يقلي لا الزيت كويس ونضيف وعفشجي يزيتلي العصاية زيك كدة بالظبط وبرضة الفتيس موش عاجبني لحد ما قررت أضع كل الأراء الخايبة واتصرف بدماغي رحت وبالأمر غيرت زيت الفتيس بالزيت 90 بتاع موبيل ودة جركن فية 4 لتر والسيارة بتأخذ حوالي 1.8 لتر يعني تقريبا يكفي مرتين وبصراحة ضغط هواء من الطبة علشان كل الزيت ينزل من الكارتيرة لآن الفتيس لة طبة تزويد وليس تصفية زي المحرك علي اعتبار انة بيقعد كتير والحمد لله الوضع تحسن بنسبة حوالي 30 % ثم من خلال هذا المنتدي المحترم الذي حقيقة اصقل خلفية الواحد بشكل كبير لقيت محمد ممدوح بينصح برش wd40 علي العصاية و الأجزاء المتحركة الموجودة تحت الغطاء الجلدي لعصاية الفتيس وهي نصيحة غالية أنزعة برفق هتلاقي تجويف أشبة بعلبة بلاستيك يفصل هذا الجزء عن فرش أرض الصالون حط قطعة قماش مستغني عنها في قاع العلبة دي وهاتك يارش ب wd40 في كل الأجزاء مع تحريك عصاية الفتيس في اتجاة كل الغيارات وحتي الغيار الخلفي هنلاقي ميراث الغضب كلة نزل و بلاوية لان حضرتك الأجزاء دي معرضة للأتربة مع الزيت او الشحم يعني طين و قطران وهباب اسود و التراب يلزق و يبوظ حركة الفتيس من هذا الجزء الذي هو في حقيقة الأمر لايتطلب مانع إحتكاك كزيت محرك او شحم او خيابة ولكن فقط المنظف المذكور الذي لا يلتصق بعدة التراب وفي نفس الوقت يعطي التشحيم الخفيف النظيف المطلوب نفذ وهتدعيلي انا الفتيس عندي احسن من نوبيرا موديل 2009 دة بفرض عدم وجود عيب في فاصل الحركة او انك موش بتدوس الفاصل للأخر او خلافة وبصورة عامة راجع الشباب في المنتدي في أي حاجة الخبرات كتيرة وحلوة وبرضة لازم تثري المنتدي بذكر تجاربك