مشكلة ال 128 اللى مش بتفرك اتحلت الحمد لله

**محمد فريد** · 02-10-2009 07:50 PM

السلام عليكم ورحمة الله وبركاته

كنت عملت موضوع فى قسم الفيات اسمه ال 128 مش بتفرك ليه؟
وده نص الموضوع (هو العنوان غريب وأحب أوضح انى مش بهدف انى افرك ولا اخمس بالعربية لكن متعجب من اللى بيحصل وقلقان على العربية
هى العربية التسارع بتاعها تمام يعنى مش طقم دبرياش
تانى حاجة الكهرباء ظابطها كويس يعنى مش عالية والاسبراتير الكترونى ولما بوطيها عن كده بحس انها مش بتسحب كويس
لما باجى اطلع جامد العربية بتصقف على عكس 128 كتير مش فى حالة عربيتى بتفرك بسهولة؟!!!
وفى الرملة العربية بتعمل بلاوى ولا الاوتو كروس
حدى يقولى ده من ايه انا مش فاهم العربية بجد وخايف ابوظ الاسبراتير او المكنة تفوت من اللى بعمله
جايز انا متعود على اللانوس بتاعه والدى ؟؟؟؟)

انا أخرت الكهرباء النهارده شوية وحسيت ان صوت العربية هدى والمفاجأة المياه رجعت تنزل من فتحة الشكمان الحمد لله.

بس فى استفسار تانى : هو ليه العربية وانا طالع طلعة جامدة بتعمل دريفت لوحدها للناس اللى مش عارفه يعنى بتحدف انا مركب الاستبن قدام وهو أرفع حوالى 10 سم عن الكاوتش الاصلى

- المهم غيرت الاستبن وحطيت الفردة القديمة لقيت المقاسات R13/165/60 - والاستبن R13/145/70 شوفتوا الحلاوة :POINTI~2[2]: طبعا أخر عك.
ههههههههههههه بيتهيألى كده انا حليت مشكلتى بنفسى لانى عامل الموضوع ده من 3 أيام
بس لسه مجربتش العربية وأجرب أشوفها هتفرك ولا أيه.
هو الواحد يرضى بالعربية على كده دى فى الاخر 128
وقريب أنزلكم صورها ان شاء الله بس أصورها الأول
أشوفكوا فى تجربة اخرى ان شاء الله معلش دوشتكوا

**محمد فريد** · 03-10-2009 02:03 AM

النهاردة نزلت بالعربية وجربت افرك بيها فركت بس ازاى بقى ادى كام امبليه كده وبعدين انتش الدبرياج
المهم الاول كانت الكهرباء عالية والعربية كان مشيها سهل على الاول والتانى دلوقتى بعد ما اظبطت المشى بيتحسن كتير على الرابع يعن بتفتح على الرابع والدواسة عندى مشوارها طويل وبتجيب الحمد لله.

بس اللى انا مدايق منه انى فاتح الموضوع ده أكلم فيه نفسى تقريبا او الاعضاء فى اجازة.

سلام يابلد الكلام

**eng.octooo** · 03-10-2009 02:47 AM

كويس انك عرفت الفرق كدة كان ممكن تبهدلك العفشة

**محمد فريد** · 03-10-2009 02:51 AM

المشاركة الأصلية كتبت بواسطة eng.octooo

كويس انك عرفت الفرق كدة كان ممكن تبهدلك العفشة

أه الحمد لله ودى صورة العربية فى التوقيع ملاكى القاهرة

**kasten** · 15-10-2009 02:43 AM

ههههههههههههههههههههههه

**Egyzizo** · 15-10-2009 02:56 AM

طب مبدأيا كده ، يعنى ايه بتفرك؟

**محمد فريد** · 15-10-2009 02:07 PM

المشاركة الأصلية كتبت بواسطة kasten

ههههههههههههههههههههههه

انت بتضحك على ايه؟
قولنا يمكن نضحك معاك

**محمد فريد** · 15-10-2009 02:10 PM

المشاركة الأصلية كتبت بواسطة egyzizo

طب مبدأيا كده ، يعنى ايه بتفرك؟

يعنى انت حضرتك داخل منتدى سيارات ومتعرفش يعنى ايه بتفرك
على العموم هى ملهاش اسم تانى - الفرك ده الصوت اللى بيطلع من الكاوتش لما بتطلع طلعه جامدة
وابقى اقرى الموضوع للأخر يا نجم

**Egyzizo** · 15-10-2009 02:28 PM

معلش أخوك غلبان فى المصطلحات ..
دى بقى اللى بيقولوا عليها عندنا فى الفلاحين الطلعة الأمريكانى ؟؟

**misoalex** · 15-10-2009 06:23 PM

ههههههههه
انا كنت بفكر فى نفس الكلام ده ليه ال128 مش بتفرك زى اغلب العربيات بس ملقتش اجابه مع انى مره فركت بالسيات يعى اقلمنها وفركت
بس ياريت توضحلى بالظبط عملت ايه عشان اعرف ازاى ممكن اخليها تفرك وتصدع الناس

الموضوع: مشكلة ال 128 اللى مش بتفرك اتحلت الحمد لله

LinkBack

أدوات الموضوع

عرض

-

-

-

-

-

-

المواضيع المتشابهه

المشكلة اتحلت -الحمد لله- ولكن ...!!!

اخيرا المشكلة اتحلت و الحمد لله

الحمد لله مشكله المرايه اتحلت

مشكلة في الدوارة ... و اتحلت و الحمد لله ...

الحمد لله مشكلة البيكانتو اتحلت وشكر لابو رواش وللمهندس خالد فاروق

الكلمات الدلالية لهذا الموضوع

المفضلات

المفضلات

ضوابط المشاركة